Հայտնի հեղինակություն Արթուր Ղազարյանը՝ Քանաքեռցի Տույը, ով Բերդ համայնքի պատվավոր քաղաքացի է, երբեք չի հեռացել իր արմատներից

Այսօր համացանցի ծպտյալ «օգտատետերից» մեկը, (որի ֆեյսբուքյան էջն ի դեպ այլեւս ակտիվ չէ), խիստ «մտահգություն» էր հայտնել այն առթիվ, թե ինչու էր երեկ հայտնի հեղինակություն Արթուր Ղազարյանը՝ նույն ինքը Քանառեռցի Տույը, ներկա գտնվել Տավուշի մարզի Իջևան քաղաքում տեղի ունեցած «Իմ քայլը հանուն Տավուշի» խորագրով անցկացվող գործարար համաժողովին:

Սույն «օգտատիրոջ» այդ էժանագին մտավարժանքը նախ եւ առաջ առաջացրել էր Տավուշի մարզի Վերին Ծաղկավանի համայնքի ղեկավար Աղասի
Ղազարյանի զայրույթը, ով մեզ հետ զրույցում ցանկություն հայտնեց որոշ մանրամասների շուրջ մեկնաբանություններ անել անձամբ:
Եւ այսպես,Վերին Ծաղկավան համայնքի ղեկավար Ա. Ղազարայնը, Fnews.am-ի հետ զրույցում նշեց, որ.

-Զարմանում եմ այդ հերյուրանքների սիրահար՝ էժանագին պրովակացիաներ փնտրողների վրա: Չեմ կարծում, որ այդ լուր տեղ հասցնողը տեղյակ չէր, թե ով է ծնունդով տավուշեցի, Բերդ համայնքի պատվավոր քաղաքացի Արթուր Ղազարյանը: Ինչ կապեր ունի նա ՌԴ-ում, արտերկրում, եւ ինչեր է նա արել մեր երկրացիների համար: Արթուր Ղազարյանը, ով Տավուշի մարզում, իր հայրենի ծննդավայր Ծաղկավանում, էս երկրում, էս երկրից դուրս ունի իր հարգանքն ու հեղինակությունը, նոր չէ որ ապացուցել է, թե ով է ինքը՝ իր մարդ տեսակով:

Երկրորդ. լինելով Տավուշի մարզի՝ այս հող ու ջրի մարդ, (ում ծննդավայրը արդեն ասացի. Վերին Ծաղկավանն է), տարիներ շարունակ մեր համայնքի. մեր երկացիների կողքին է, եղել, կարողացել է ուժերի ներածին չափով աշխատատեղեր ստեղծել եւ մարդկանց կողքին կանգնել: Հիմա, ինչի՞ց է ոմն մեկը այդքան մտահոգվել, որ Ղազարյանը ներկա է գտնվել մի համաժողովի, որին մասնակցել են իր այն ընկերներն ու երկրացիները, ովքեր տարիներ շարունակ Արթուրի հետ ընկերական, գործնական ջերմ հարաբերությունների մեջ են եղել:

Ավելին ասեմ. Ա. Ղազարյանն այս օրերին էլ, օգտագործում է իր անձնական ու մարդկային կապերը, ՀՀ-ում՝ մեր մարզում, նոր ներդրումային ծրագրեր կյանքի կոչելու համար: Բացի այդ. ես էլ, Արթուր Ղազարյանն էլ, որպես այս երկրի քաղաքացիներ՝ շատ ուրախ ենք մեր նոր վարչապետի եւ մեր նոր կառավարության կողմից տարվող քաղաքականության համար: Մեր հարգարժան վարչապետը, շատ ճիշտ հունով մեր երկիրը տանում է առաջ:
Իսկ ինչ վերաբերում է Արթուրին, համայնքի կողմից շատ հարգված եւ սիրված Ղազարյան ընտանիքին, ապա նրանց լուման՝ նրանց արած գործերն ու բարեգործությունները այնքան շատ են այս համայնքում, որ տեղում պետք է գաք ու ծանոթանաք այդ գործերին: Ինչ ա. վատ ա՞, որ Արթուր Ղազարյանին՝ այո հեղինակություն, հարգանք ունեցող մարդուն, բոլորը՝ մեծից փոքր հարգում-սիրում են: Ամեն անգամ երբ նա համայնք է գալիս, մեզ համար դա տոնախմբություն ա: Նա երբեք իր ծննդավայրը, չի անտեսել: Մշտապես ինչով կարողացել է՝ կանգնել է մեր տավուշեցու կողքին: Այստեղ բոլորն էլ նրան հարգում սիրում են՝ իր արած գործերի, իր մարդկային բարձր հատկանիշների ու իր մարդ լինելու համար: Ամբողջ օրը գրում եք քրեական, չգիտեմ ինչ…Հերիք եղավ էլի. Ի՞նչ ա. մարդուն որ բոլորը հարգում սիրում, ընդունում են, ուրեմն դա ի՞նչ ա. քրեականություն ա՞, հանացանք ա՞, չեմ հասկանում:

Որ մեկդ ուզում եք. վեր կացեք եկեք, մտեք մարդկանց մեջ օբյեկտիվ հարցումներ կատարեք, ու հանրությանը ներկայացրեք ճշմարտությունը:
Մտեք Տավուշի մարզ. հարցրեք Ղազարյան ընտանիքի մասին էլ, ստեղից էդ լուրեր հասցնողի մասին էլ, ում երկար ականջները լավ երեւում են…

Մենք մեր համայնքում, երկար ու ձիգ տարիներ երկու բարերար ենք ունեցել. Մեկը՝ Ղազարյան ընտանիքն ա եղել՝ Արթուրի գլխավորությամբ, մյուսը՝ բարերար, գործարար Նորայր Խաչատրյանը: Այս մարդիկ, մշտապես սարի նման կանգնել են մեր համայնքի կողքին: Պարբերաբար աջակցել են մեր կրթական օջախներին, եւ նրանց շնորհիվ մեր համայնքի ժողովուրդը իրեն երբեք անտեսված չի զգացել:
Բա ինչի՞ չեք գրում, որ ապրիլյան քառօրյայի ժամանակ, Արթուր Ղազարյանը ոնց կանգնեց մեր սահմանը պահող զինվորի կողքին: Ինչի՞ չեք գրում, որ ամեն տեղ թասիբով ու նամուսով բարձր ա պահում Տավուշ աշխարհի անունը: Ամոթ ա, հիմա մեր վարչապետը մեր երկիրը ոտքի ա ուզում հանի, իսկ ահա, ինչ-ինչ սրիկաներ հիմա էլ ընկած ստորություններով են ուզում զբաղվել: Ոչինչ չի ստացվելու, մենք դրանց վաղուց մերժել ենք: Մենք լավ ճանաչում ենք Տավուշ աշխարհի արժանավորներին էլ, սրիկաներին էլ: Եկեք մտեք մարզ, եւ կիմանաք. ով է արժանավորը, ով է հարգվածը, եւ ով մերժվածը:

Լուրեր   Հայաստանից