Արտակարգ դեպք Արցախի Հանրապետությունում. Մատաղիսում ականի պայթյունից 20-ամյա զինծառայողը կորցրել է ոտքը. առողջական լուրջ խնդիրների պատճառով նա չպետք է լիներ առաջնագծում

SHAMSHYAN.com-ի տեղեկություններով, սեպտեմբերի 20-ին, Արցախի Հանրապետությունում՝ Մատաղիսում, զինվորական հերթապահություն անցկացնելիս ծանր վիրավորվել է զինծառայող, Վանաձորի բնակիչ, 20-ամյա Արթուր Գևորգյանը:

Արթուր Գևորգյանը վնասվածքը ստացել է ականի պայթյունից: Նրան տեղափոխել են Երևան, որտեղ Մուրացանի հոսպիտալում մեկ ոտքը անդամահատել են և այժմ բժիշկները պայքարում են երկրորդ ոտքը պահպանելու համար:

Մեր տեղեկություններով, Արթուրը աչքերի և տեսողության հետ խնդիրներ ուներ, նրա համար նախատեսված է եղել սահմանափակ ծառայություն և իրավունք չունեին տանել առաջնագիծ։