«Կարող է՝ գնան իմ նկարները պատռեն,կամ զանգեն ասեն. Ցոլակյանին ձայն մի տվեք, քանի որ նա ձայնի կարիք չունի. VIDEO

Շիրակի մարզում ռեյտինգային կարգով պատգամավորության թեկնածու, գեներալ-լեյտենանտ, Շիրակի նախկին մարզպետ Ֆելիքս Ցոլակյանը, ով նաեւ (ԵԼՔ Դաշինքն է ներկայացնում) քարոզարշավի անցող օրերի ընթացքում եւ հիմա էլ, հանդես է եկել համերաշխության կոչ պարունակող նախընտրական ուղերձով, որն ուղղված է թե՛ ընտրողներին, և թե՛ քաղաքական մրցակիցներին առհասարակ:

Նա մասնավորապես ասել է. «Սիրելի շիրակցիներ,իմ և Ձեր կապը ընտրություններով չի կապված և ընտրություններով չի պայմանավորված։ 

Ինքս լինելով շիրակցի` ոչ մի վայրկյան չեմ կտրվել մեր չնաշխարհիկ Շիրակ աշխարհից և մեր տաղանդավոր ժողովրդից։
ԱԺ արտահերթ ընտրությունների քարոզարշավի համար նախատեսված ժամանակի սղության պատճառով, ցավոք, չեմ հասցնի այցելել մեր մարզի բոլոր համայնքները, հանդիպել մեր բոլոր հայրենակիցներին։
Նախապես ներողություն եմ խնդրում, միաժամանակ վստահ եմ, որ ըմբռնումով կմոտենաք։
Կհանդիպենք։
Խիղճ և խաղաղություն բոլորիս...»։

«Խիղճ եւ խաղաղություն» կարգախոսով առաջնորդվող Ֆելիքս Ցոլակյանը, Fnews.am-ի հետ զրույցում, շիրակցիներին նաեւ կոչ արեց՝չտրվել որեւէ սադրանքների: Ավելին, նա բոլորին հորդորեց. ակտիվ կերպով մասնակցություն ունենալ ընտրություններին, քանի որ եկել է պահը, որպեսզի ամեն մեկն իր տեղում՝ տեր կանգնի իր քվեին ու իր որոշմանը:

Իսկ թե իրականում ի՞նչ տրամադրություններ են տիրում նախընտրական Գյումրիում,ապա մեր զրուցակցի դիտարկմամբ.«Այս ընտրությունները իրականում բավականին հետաքրքիր են լինելու:Քանի որ ունենք նոր իրողություն, նոր իրավիճակ՝ ազատ եւ արդար ընտրություններ կազմակերպելու, եւ մեր նոր ձեռքբերումները ամրագրելու համար»:

Ճշտող հարցին, թե այս պահի դրությամբ. որքանո՞վ է ընտրապայքարը ընթանում խղճի եւ խաղաղության մթնոլորտում, պարոն Ցոլակյանը արձագանքեց.

«Կա՝ իհարկե քաղաքակիրթ պայքար, եւ կա՝  ընդգծված թույլ վարքագիծ՝որոշ մարդկանց կողմից: Ասենք, կարող է գնան. մի քանի գյուղական համայնքներում իմ նկարները պատռեն: Չգիտեմ՝ դրանով ինչ են ուզում ասել, բայց նման վարքագիծը, ես դիտարկում եմ որպես մանակական չարաճճիություն: Մյուս դեպքում՝ կարող է ասենք հեռախոսզանգ լինի. իմ մասին խոսակցություններ լինեն, ու մարդիկ սկսեն խոսել ոչ թե իրենց անելիքների ու արժանիքների մասին, այլ օրինակ ասեն, որ Ցոլակյանին ձայն պետք չէ. կամ որ Ցոլակյանը ձայնի կարիք չունի:

Ուշագրավ այլ մանրամասներ՝ Fnews.am-ի Տեսանյութում: