Տեսանյութ.Պարոն Փաշինյան, խնդրում եմ Ձեր անմիջական վերահսկողության տակ վերցնել զինվոր տղայիս վերաբերող խնդիրը. Զինվորի ծնողները ահազանգում են

Fnews.am-ի խմբագրություն էր ահազանգել ժամկետային զինծառայող, 18-ամյա Էդուարդ Պապյանի հայրը՝ Կարեն Պապյանը, ով հուլիսի տասնութից՝ որդու զորակոչվելուց հետո, խնդրի առաջ է կանգնել:

Զինվորի հայրը, մեզ հետ զրույցում վստահեցնում է, որ իր որդին տառապում է կակազությամբ, որն արտահայտվել է դեռեւս երեխայի մոտ չորս-հինգ տարեկան հասակում: «Էդուարդը մանկուց շատ հայրենասեր տղա է եղել, շատ սիրով է գնացել բանակ ծառայության: Վստահ էր, որ կակազաությունը նրան չի խանգարի դառնալ հայրենիքի  լավ պաշտպան: Բայց այս հինգ ամիսների ընթացքում,  տղայիս լեզվական խնդիրը ավելի սրվեց: Նրան ծառայակից ընկերները ծաղրում են, նմանակում իր կակազությունը:Այն աստիճան, որ մինուճարս շատ վատ բաների մասին է մտածել»,-հուզված պատմեց հայրը:

Հոր խոսքերով, այն որ որդին ունի խնդիրներ. քաջատեղյակ են եղել թե՛ զինկոմիսարիատում, որտեղից զորակոչվել է երեխան, թե զորամասում. «Էդուարդս, իր այդ վիճակից այս ամիսների ընթացքում դարձել է ավելի ինքմափոփ, մենակյաց: Զինակից ընկերների անընդմեջ ծաղրանքին երեխան այլեւս չի դիմանում, դա ազդում է նաեւ նրա հոգեկան ներաշխարհի վրա: Դարձել է ավելի նյարդային»,-պատմում է մայրը՝ տիկին Մարինեն:

Մոր խոսքերով. «Վտանգված է Էդուարդի կյանքը, եթե տղայիս նորից տանեն զորամաս,  եւ այնտեղ նորից շարունակվի՝ զինակիցների ծաղրական ու հեգնական վերաբերմունքը՝ չգիտեմ ինչ կլինի դրա վերջը: Առավոտյան երեխայիս կարող է տանեն զորամաս, եւ ես չգիտեմ, թե ինչ կլինի դրանից հետո:

Ես վստահ եմ, որ մեր երկրի վարչապետը՝ պարոն Փաշինյանը եթե տեղականա այս խնդրի մասին, քայլեր կձեռնարկի, որպեսզի հարցը լուծվի՝օրենքի տառին ու կետին համապատասխան: Ես նորից եմ ուզում շեշտել, որ երեխաս սիրով է գնացել ծառայության, բայց նրա լեզվական խնդիրներն օր-օրի սրվում են, իսկ ընկերները դա ծաղրի են վերածում: Խնդրում եմ մեր երկրի վարչապետ պարոն Փաշինյանին խնդիրն իր անմիջական վերահսկողության տակ վերցնել,քանի որ լավ գիտենք թե ինչպիսին է նրա ուշադրությունն ու հոգատարությունը հայոց բանակի ու հայ զինվորի նկատմամբ: Մենք ունենք հայրենասեր երկրի ղեկավար, ում համար առաջին տեղում հայ զինվորն է, շարքային քաղաքացին, մարդը: Մենք վստահում ենք մեր վարչապետին»,- նման խնդրանք-կոչով դիմում է մայը երկրի վարչապետ Նիկոլ Փաշինյանին:

18-ամյա Էդուարդ Պապյանի խնդրի վերաբերյալ ծնողների մտահագություններին առաջարկում ենք ծանոթանալ ներկայացվող տեսանյութում, որտեղ ծնողները մանրամասն ներկայացնում են զինվորի խնդրի նախապատամությունը, ընթացքը եւ ներկայիս վիճակը:

Ահազանգի հետքերով մենք դիմեցինք նաեւ ՊՆ մամլո խոսնակ Արծրուն Հովհաննիսյանին, ով նկատեց.

-Դեպքին ծանոթ չեմ, ըստ այդմ որեւէ մեկնաբանություն տալ չեմ կարող:

Հ. Գ 

Ի դեպ, դպրոցական տարիներին 18-ամյա Էդուարդի լեզվական լուրջ խնդիրներ ունենալու, նրա նյարդային վիճակի ու կակազության մասին, մեզ  հետ զրույցում խոսեց նաեւ Սերո Խանզադյանի անվան թիվ 184 միջնակարգ դպրոցի ուսուցչուհիներից. Սոնա Նիկալայանը, (Էդուարդի դասղեկը), հաստատելով, որ նրա կակազության մասին դպրոցում շատերը գիտեն:
«Որ գնաք դպրոց հարցնեք, այդ տարիներին ովքեր Էդուարդի հետ առնչվել են՝ գիտեն, որ տղային մոտ այդ խնդիրը եղել է: Եւ երբ նա մի փոքր անգամ նյարդայնանում էր՝ վիճակն էլ ավելի էր սրվում»: