Միայնակ ծերունուն օգնության ձեռք մեկնեց «Էրեբունի» բժշկական կենտրոնը՝ ի դեմս բժիշկ, ԲԿ-ի հիմնադիր Հարություն Քուշկյանի

Բժիշկ, ով հավատարիմ է Հիպոկրատի երդմանը՝ բոլոր ժամանակներում

Ժամեր առաջ, Fnews.am-ի խմբագրությունը ահազանգ էր ստացել այն մասին, որ 87-ամյա, սոցիալապես անապով, միայնակ ծերունի Գրիգորի Այվազյանի առողջական վիճակը կտրուկ վատացել է, եւ որ նրան հոսպիտալացնելու խնդիր է առաջացել:

Միայնակ պապիկին, առաջինը օգնության ձեռք էր մեկնել Արշակ Դաբաղյանի անվան Մայր Մանե ՍՀԿ-ի նախագահ Մանուշակ Ստեփանյանը, ով տեսնելով  որ ծերունու վիճակը կրտիկական է՝ զանգահարել էր շտապ օգնություն: Եվ որքան մեծ էր եղել հիասթափությունը, երբ շտապ օգնության մեքենան՝ կայուն-ծանր վիճակում գտնվող ծերունուն ժամերով չէր կարողացել հոսպիտալացնել որեւէ Բժշկական Կենտրոնում: 

Նախ Շտապ օգնության բրիգադայի աշխատակիցները, փորձել էին հիվանդին հոսպիտալացնել «Գրիգոր Լուսավորիչ» ԲԿ-ում, որտեղ պատճառաբանել էին, որ տեղ չունեն հիվանդ ընդունելու համար: Որից հետո, բժիշկները տեւական ժամանակ փորձել էին 87-ամյա պապիկին տեղափոխել այլ հիվանդանոցներ, ինչը սակայն նրանց չէր հաջողել, քանի որ պատասխանը նույնն էր եղել. «Տեղ չկա՝ հիվանդ ընդունելու համար»:

Այս ինչ օրի ենք հասել. փաստորեն հիվանդանոցներում այնքան տեղ չունենք, որ  առաջին օգնություն ցուցաբերելն անգամ դարի հարցն է՞ դարձել… Սա  ի՞նչ խայտառակություն է: 

Եւ թե ինչո՞ւ է պատկերը այսքան անմխիթար, ու թե բժշկական հաստատություններում ծանրաբեռնվածության ինչ պատկեր կա իրականում, դա դեռ կպարզենք ՝մեր հաջորդ հրապարակումներում…

Եւ Աստված գիտե, ինչ կլիներ միայնակ ծերունու հետ՝ եթե մեր  թղթակից Նոնա Ադամյանը, չխորշելով անգամ ուշ ժամից, անմիջապես կապ չհաստատեր «Էրեբունի » ԲԿ-ի հիմնադիր, բժիշկ Հարություն Քուշկյանի հետ:

Ով չխորանալով մանրամասների մեջ, միանգամից պատրաստակամություն էր հայտնել՝ Գրիգորի Այվազյանին տեղափոխելու «Էրեբունի » ԲԿ-ի ընդունարան: 

Այն, որ պարոն Քուշկյանը կրում է իր մեջ ամենաբարձր ու վսեմ մարդկային հատկանիշները՝ դա որեւէ մեկի համար գաղտնիք չէ: Բայց ամենակարեւորն այն է, որ նա մարդկային բարձր արժանիքներով օժտված լինելով հանդերձ՝ նաեւ Հիպոկրատի նվիրյալ է: Մարդ, ում համար առաջնայինը հիվանդն է, ՄԱՐԴԸ, ՙ եւ նրա առողջությունը վայրկյան առաջ վերականգնելը:

Ի դեպ, ուզում ենք հատուկ նշել, որ 87-ամյա Գ. Այվազյանի կողքին, այս ամբողջ պրոցեսի ընթացքում աջակից է եղել, Արշակ Դաբաղյանի անվան Մայր Մանե ՍՀԿ-ի նախագահ Մ. Ստեփանյանը, ով ֆեյսբուքյան ուղիղ եթերի միջոցով , նախ մանրամասն ներկայացրել էր, թե ինչ անտարբերության մթնոլորտ էր տիրում Գրիգոր Լուսավորիչ ԲԿ-ում, եւ մյուս հիվանդանոցներում:
Այնուհետեւ նա դարձյալ ուղիղ եթերով , իր խորհին շնորհակալությունն էր հայտնել բժիշկ Հարություն Քուշկյանին, եւ «Էրեբունի» հիվանդանոցի ողջ անձնակազմին՝ միայնակ ու անտեսված ծերունուն բարձր մակարդակով բժշկական զննություն կազմակերպելու, նրան հոսպիտալացնելու, ինչպես նաեւ բուժանձնակազմի կողմից ցուցաբերված պրոֆեսիոնալ ու մարդկային վերաբերմունքի համար:
Մեկնաբանությունները թողնում ենք ընթերցողին, իսկ պատկան մարմինների ուշադրությունը ուզում ենք հրավիրել այն հանգամանքի վրա, որ միայն պատեր կառուցելով, (բուժ. ոլորտում )ԲՈԼՈՐԸ չէ, որ կարող են գիտակցել ստանձնած գործի լրջությունը, եւ վերջապես ԲՈԼՈՐԸ չէ, որ կարող են հավատարիմ եւ արժանի մնալ Հիպոկրատի կոչմանը:

Fnews.am-ը , (հայկական ինֆորմացիոն պորտալը) նույնպես իր շնորհակալությունն է հայտնում բժիշկ Հարություն Քուշկյանին եւ «Էրեբունի» ԲԿ-ի ողջ անձնակազամին՝ Գ. Այվազյանի նկատմամբ ցուցաբերած բարձր մարդկային վերաբերմունքի եւ պրոֆեսիոնալ մոտեցման համար:

Հ. Գ

Այժմ Գ. Այվազյանը հոսպիտալացված է. ծերունու մոտ ախտորոշվել է երկկողմանի թոքաբորբ, արդեն իսկ հիվանդին ցուցաբերվել է անհրաժեշտ բուժ.օգնություն, եւ կարծում ենք, որ պապիկը շուտափույթ ոտքի կկանգնի, քանի որ պրոֆեսիոնալների ձեռքում է:

Fnews.am

Լուրեր Հայաստանից