«Կրակողները չէ, որ այս կամ այն ոլորտն են կիսում. կիսում են նրանք, ովքեր այդ կրակողներից ավելի վերեւ են կանգնած».Գուրգեն Եղիազարյան

Գաղտնիք չէ, որ վերջին շրջանում քրեածին իրավիճակը բավականին սրվել է:
Թե ինչով է պայմանավորված երկրում ստեղծված քրեածին այս իրավիճակը, ինչո՞ւ է կրիմնալը կրկին ակտիվացել, եւ թե ինչու են նորից շատացել սպանություններն ու փոխհրաձգություններըմ , փորձեցիքն այս եւ այլ հարցերի ստանալ ԱԱԾ պետի նախկին տեղակալ, գրող, հրապարակախոս Գուրգեն Եղիազարյանի մեկնաբանությունը, ով խոսեց նախ հետեւյալի մասին.
- Նախ պետք է արձանագրել, որ վերջին շրջանում կալանավայրերից մեծ թվով նախկին հանցագործներ դուրս եկան, ասում եմ նախկին, որովհետեւ որոշակի մասը պատժի մի մասը կրել են: Դրան զուգահեռ ՀՀ-ում արդեն մի քանի ամիս է , ինչ տարբեր ազդեցության ոլորտներ են բաժանվում: Ստեղծված իրավիճակը սպասվելիք ընդհարումների վառ ապացույցն է: Ի դեպ պետք ասեմ, որ կրակողները չէ որ այս կամ այն ոլորտն են կիսում, կիսում են նրանք, ովքեր այդ կրակողներից ավելի վերեւ են կանգնած: Կարծում եմ հարցին լիովին պատասխանեցի:

- Ըստ Ձեզ, ի վերջո երբ կլինի ջրբաժան՝ քրեական ռեզերվի եւ օլիգարխիայի միջեւ:
Հաշվի առնելով այն հանգամանքը, որ մեծ մասամբ այդ քրեական տարերի ետեւում կանգնած են լինում կոնկրետ օլիգարխներ…

-Նախ եկեք հասկանք ինչ բան է օլիգարխը, ինչ բան է հարուստը, ինչ բան է` տնտեսվարողը: Օլիգարխիան դա ուղիղ կապ ունի իշխանության հետ, երբ հարուստ մարդը գաղտնի եւ անթաքույց թելերով կապված է իշխանության որոշակի օղակների հետ: Հենց այդ ժամանակ հարուստ մարդը՝ վեր է ածվում օլիգարխի: Այսինքն, երբ Նիկոլը ասում է, որ այսօր օլիգարխ չկա, նա ինքն իրեն է պաշտպանել է այդ հայտարարությամբ, ցույց տալով, որ նրա հետ կապված մարդ չկա:

Հիմա ինչ է կատարվում ավելի ներքում. ասացի, որ ազդեցության ոլորտներ են պարզվում, թե ով պետք է այդ ամենին իշխի եւ ինչպես: Իսկ դրանից ներքեւ` հնչում են կրակոցները: Հետո այդ կրակոցները փորձելու են աստիճանաբար ավելի վերեւ բարձրանալ: Այնպես որ, ազդեցության ոլորտների փոփոխության պատճառով է, որ ներքեւում կրակոցներ են հնչում:

- Ի՞նչ հանգրվանի է հասնելու այս ամենը: 

-Այս անորոշությունը կարող է շատ բարդ հետեւանքների բերել: Որովհետեւ մենք չունենք հստակեցված արտաքին քաղաքականություն, եւ մեր ներքին կյանք էլ խոտորված է տարբեր բնույթի սուբյեկտների կողմից: Այնպես որ, առաջիկայում այս իրավիճակը ավելի կսրվի: Մինչեւ որ միտումնավոր արյունը փողոց դուրս գալը, դեռ կհնչեն նման կրակոցներ: Հետո ականատես կլինենք բացարձակ բեսպրիդելի, եթե իհարկե այսպես շարունակվի:

-Ի՞նչ խորհուրդ կտաք ոլորտը վերահսկող կառույցներին, իշխանություններին:

-Ես խորհուրդ չեմ տա, որովհետեւ նրանք որպես կանոն իմ խորհուրդներին չեն հետեւում: Դրա համար միտք չունեմ խորհուրդ տալու: Իսկ եթե ինձ հարցնեք. ես ինչ կանեի, դա կարող եմ ասել:

- Եւ….

-Նախ կարգի կբերեի օպերատիվ ողջ ռեսուրսը, ինչ կա հանրապետությունում: Օպերատիվ ապարատը կլծեի հանցագործությունների բացահայտմանը: Որովհետեւ տարատեսակ խոսացությունների արդյունքում ակնհայտ է դառնում, որ ունենք բավականին բարձ տոկոս կազմող լատենտ չգրանցված հանցագործություններ: Էլ չեմ խոսում փողոցում ամեն օր կատարվող մանր եւ լուրջ հանցագործությունների մասին, որոնք այսպես թե այնպես արդեն թաքցվում են, համենայնդեպս իմ կարծիքով: Այս ամենը հղի է շատ ավելի վատ հետեւանքներով: Պետք է տեղերում լրջագույնս զբաղվեն օպերատիվ հետախուզական ախատանքներով, պետք է պարտադրվեն մշակման մեխանիզմներ: Պետք է լրջագույնս զբաղվեն այն հարցերով, ինչը ուղիղ հանցագործություն է ծնում: Մեկ բառով ասած. պետք է ի մի բերել այսպես կոչված կանխարգելիչ միջոցառումները: Դրանք հատուկ պլանով են են կատարվում, տարբեր օպերատիվ անվանումներ ունեն: Ինչը այսօր միանշանակ չի կատարվում:

- Որտեղի՞ց նման համոզմունք:

-Վերցնենք հենց այն խղճուկ բացահայտումները թեկուզ գումարների վերադարձնաման գործով՝ դա ապացույներից մեկն է, որ մշակման գործեր, որպես այդպիսին չկան: Իսկ այն մարդը, ով պետք է հարցնի ինչու չկան, այդ մարդը դրանից գաղափար չունի: Պահանջողը չկա, դրա համար էլ այս վիճակն է տիրում:
Այս կցկտուր կոպեկները չեն, որ թալանվել են ՀՀ-ից տարիներ շարունակ: Պետք է ստեղծել նոր վարչությունը, որի աշխատանքի արդյունքում աստիճանաբար կվերադարձվեն թալանված միլիարդավոր դոլարները: Հակառակ դեպքում՝ այսօրվա կատարավածը համանացանում ներկայացնելու կոռուպցիայի դեմ հուժկու հարված ընդամենը ծիծաղ է ա առաջացնում: Եվ մնում ֆեյսբուքյան անիմաստ կոչերի մակարդակում: ՀՀ քաղաքացին սպասում է լուրջ բացահայտումների, տեր եղեք Ձեր ասածներին:

Նոնա  Ադամյան