«Արուն ե՞ք վեկալըմ. կարող ա՞ մեռած տատուս պասպորտն էլ ուզեք». Բաբայանը իրավաբան է վարձել՝մեր հարցերին պատասխանելու համար

Պարոն Փաշինյան, իսկ կարո՞ղ է «մի սերմացու գողացող մուկ էլ՝ այս համայնքում հայտնաբերվի»…

Օրերս, առիթ ունեցել էինք անդրադառնալու՝ Արմավիրի մարզի Ամբերդ համայնքի ղեկավարի քաջագործություններին: 
Եւ թերեւս առիթ չլիներ կրկին անդրադառնալու ամենաթողությամբ աչքի ընկնող գյուղապետի անփառունակ գործունեությանը, եթե համայնքապետ Բաբայանը փարատեր լրատվամիջոցներին ահազանգած գյուղացիների այն մտահագությունները, որ վերջինս անապահով ընտանիքներին, սոցիալական օգնությունները բաժանում է՝ ըստ հայեցողության:

Նախկին ՀՀԿ-ական գյուղապետից, ով իր նախկին կուսակցությանը՝ՀՀԿ-ին փուչիկ է անվանում, ասելով որ ՀՀԿ-ն փուչիկ էր, որի մեջ գալիս լցվում էր՝ով ասես… տեւական ժամանակ է, ինչ փորձում ենք ստանալու փաստեր՝ համայնքում ծավալած իր կասկածելի գործունեության հետ կապված:

Մոտ երկու շաբաթ է, ինչ համայնքապետը, ամենատարբեր ու անհեթեթ պատճառաբանություններով, խուսափում է տրամադրել՝ 2015-2018 թվականի այն ցուցակները, որում ըստ էության պետք է առկա լինեն համայնքի այն բնակիչների անունները, որոնց որ տրամադրվել են սոց. օգնությունները՝իր պաշտոնավարման ընթացքում:

Սկզբում, ՀՀԿ-ն ՓՈՒՉԻԿ համարող համայնքապետը պատճառաբանում էր, որ հեռախոսով ասելու բան չունի, իսկ ահա երկու օր անց նա փոշմանեց ասելով՝ որ միայն համայնքապետարան գնալու դեպքում՝ կտրամադրի փաստեր: 
Այդպես էլ արեցինք. մեկնեցինք Ամբերդ համայնք, սակայն տեղ հասնելուն պես, Նաջարյանը նորից փոշմանեց, եւ ինքն իր համար եկավ այն որոշման, որ փաստեր կարող է ուղարկել ՝ միմիայն էլեկտրոնային տարբերակով: 
Սակայն մինչ այս պահը, նշենք, որ համայնքապետարանը, մեզ խոստացված փաստերի՝ 2015-2018 թվականի հաշվետվությունից տրամադրել է կցկտուր փաստեր՝ բացառապես 2015 թվականի կտրվածքով:

Վեր բարձրացված խնդրի առնչությամբ, կապ հաստատեցինք նաեւ Արմավիրի մարզպետարանի ՏԻՄ վարչության պետ՝Ա. Ղուակասյանի հետ, ով պատրասատակամորեն խոստացավ հետամուտ լինել՝մեզ հետաքրքրող փաստերը տրամադրելու գործին:

ԲԵՍՊՐԵԴԵԼ  ՀԱՄԱՅՆՔԱՊԵՏԸ 

Նկատենք, որ համայնքում Մանվել Բաբայանի հետ տեղի ունեցած մեր հանդիպման ժամանակ, 19 տարի շարունակ գյուղապետի աթոռը զբաղեցրած նախկին ՀՀԿ-ականը, խիստ լարված ու նյարդային վիճակում էր գտնվում: Բաբայանն անընդմեջ վրդովվում էր, որ էսքան ժամանակ, որեւէ մեկը իրեն չի ասել. աչքի վերեւը հոնք կա…

Եւ երեկ էլ, հերթական անգամ մեզ հետ ունեցած հեռախոսազրույցի ժամանակ , երբ փորձեցինք ընդամենը մեկ ճշգրտում անել համայնքապետարանից, գյուղապետը ինքն իրեն գերազանցեց. եւ խիստ նյարդային տոնով եւ ձայնի ողջ դիապազոնով սկսեց գոռգոռալ եւ աղաղակել , որ ինքը իրավաբան է վարձել, որ մեր հարցերին կարողանա պատասխանի:
Ստորեւ ներկայացնում ենք Ամբերդ համայնքի ղեկավար Աանվել Բաբայանի հետ ունեցած զրույցը ամբողջությամբ:

-Պարոն գյուղապետ, ի վերջո, տասնյակ օրեր դուք խուսափում եք մեր հարցերին պատասխանելուց եւ կոնկրետ փաստեր ներկայացնելուց: Եթե թաքցնելու ոչինչ չունե՞ք, ինչու եք պարբերաբար պատճառաբանում, որ կամ Ձեր համայնքում լույս չկա՝ տվյալներ հանլու համար, մի օր ասում եք՝ հարսանիքի եք, հաջորդ օրը՝մարզպետարանում եք, եւ այսպես շարունակ…Ինչո՞ւմն է խնդիրը:

-Չհասկցա, էս ի՞նչ եք եկել ինձ կպել. աաղին իրար եք խառնել. հանել վրես: Կարո՞ղ ա կրակն եմ ընկել ձեր հարցերի ձեռը: Ուրեմն լսա. ես իրավաբան եմ վարձել, իմ իրավաբանը սրանից հետո Ձեզ հետ կխոսի: Կարող ա՞ինձ խելռցնեք: Նոր եմ եկել մարզպետարանից, կարող ա՞ թողեք շունչ քաշեմ: Ձեր ընչին ապետք էդ փաստերը: 
Ի՞նչ եք անում էդ փաստերը: Էս շատ պինդ եք կպել ինձ հա՜….եկել՝արուն եք վեկալըմ, կարող ա՞ մեռած տատուս պասպորտն էլ ուզեք, պրծնեմ….

-Որեւէ մեկը ոչ Ձեր տատիկի, եւ ոչ էլ Ձեր պապիկի անձնագիրը չի պահանջում. մենք ընդամենը Ձեզանից պահանջել ենք՝ ներկայացնելու հանրայնացնելու թե արդյո՞ք Ձեր ազգականներն են աշխատում Ամբերդի համայնքապետարանում թե ոչ, եւ երկրորդ. ներկայացնելու փաստական տվյալներ՝թե ովքեր են եղել այն մարդիկ ովքեր 2015-2018 թվականը ստացել են սոց. օգնություններ:

Եւ վերջապես Ձեզանից փորձեցինք պարզել, թե Ամբերդ համայքնում եղե՞լ են ներդրումներ թե ոչ, եւ եթե այո, ապա ի՞նչ ծրագրեր են իրականացվել այդ ներդրումների շրջանակում, հատկապես որ խիստ անմխիթար վիճակում է գտնվում Ձեր համայնքապետարանը:

-Հլը սպասա, վրա մի տու. կարող ա՞ գիտես, ինչ թուղթ ասես՝պտի հանեմ:Վրա մի տու:

-Պարոն գյուղապետ, Ձեզ կարգի հրավիրեք, եւ մի կորցրեք Ձեր չափը. տեղափոխվեք կոռեկտության դաշտ:

-Տո լսա, հեսա սրանից հետո, իմ իրավաբանը կպատասախանի Ձեր սաղ հարցերին, հասկըցա՞ր: Ես Ձեր էդ ժուռնալիստիկակական հարցերից կուրսի չեմ…:Ես էդքան չեմ հասկանում՝որ ձեր հարցերին պատասխանեմ. Էդ Ձեր կուլտուրականը՝ խոդի մի տվեք: Խելքս չի կտրըմ. իրավաբան եմ վարձում.վատ ա՞….: 

-Վատ է, լավ է՝դուք կիմանք: Բայց եթե Ձեր խելքը չի կտրում համայնքը ղեկավարելու, եւ Ձեր գործունեության վերաբերյալ երկու բառ արտաբերելու, ապա ի՞նչ գործ ունեք համայնքապետարանում: 
Բա որ չեք հասկանում օրենքից ու թղթից՝ 19 տարի շարունակ ինչպես ե՞ք պաշտոնավարել: Իրավաբաններն ե՞ն Ձեր փոխարեն աշխատել:Ինքներդ եք խոստավոնաում, որ դուք գլուխ չեք հանում:

-Լսա, ես մարզպետարանի իրավաբանի հետ էլ եմ խոսել, թե ոնց պտի Ձեզի պատասխանեմ: Հասկըցա՞ր:

-Պարոն գյուղապետ, ի՞նչ կապ ունեն հայրենի իրավաբանները՝ Ձեր աշխատանքի, եւ համայքնում ծավալած Ձեր գործունեության հետ կապված:Նախկինում գյուղում գործեր իրականացնելիս, գուցե նրանց հետ միասին ե՞ք գործել:

-Իյա, իյա՜՜ էս ուր հասար…Շատ շուստրի ես հա…Հիմա սաղիս ստեղ խառնել ես իրար, ի՞նչ ես ուզըմ:

-Միայն եւ միայն փաստեր եւ պարզաբանումներ՝Ձեր պաշտոնավարման տարիների հետ կապված:

-Ես էլ ասեցի. իրավաբանս սաղ կասի: Էդ էսքան ՀՀԿ-ի հետ աշխըտամ, մեկը բան չհարցրեց, հըմի եկել. բան-ման եք հարցնում:

-Դրա համար ե՞ք ասում. ՀՀԿ-ն փուչիկ էր…

Փուչիկ ա՝ասըմ եմ փուչիկ ա, գրա, գրա, գիտեմ, որ գրում ես…հենց ըտենց փուչիկ ա…վոբշըմ աչոտ չեմ տալըմ….Եւ անջատեց հեռախոսը:

Սակայն ժամեր անց աչոտ չտվող գյուղապետը կրկին անգամ երդում տվեց, որ կպատասխանի մեր հարցերին, կներկայացնի անհրաժեշտ փաստերը՝գրավոր տարբերակով, ասելով որ իրան ուղղակի հունից հանըմ են էն հարցերը, որոնք որ առաջ են քաշվել մեր կողմից:
Ի դեպ, Արմավիրի մարզպետարանից եւս, մեզ խոստացան, որ անպայման կտրամադրվեն անհրաժեշտ փաստերը՝ եւս մեկ գրավոր հարցումից հետո:

Հ. Գ1

Այն, որ գյուղապետ Բաբայանը մեկ-երկու անմեղ հարցից, արդեն իսկ վազել է իրավաբանների մոտ, կարծես թե տեղ չի թողնում կասկածելու, որ նա այնուամենայնիվ թաքցնելու շատ բան ունի…
Հույս ունենք, որ հայրենի իշխանություններն ու պատկան կառույցները համախատասխան ստուգումներ անցկացնելու դեպքում, ի վիճակի կլինեն՝ իրավաբանորեն ջրի երես հանելու ` գյուղապետի այդչափ հուզմունքի պատճառները:
Հաջորդիվ կներկայացնենք նաեւ Ամբերդ համայնքի ավագանիների տեսակետը՝ հասկանալու, թե այս տարիների ընթացքում, որքանո՞վ են ավագանիները ինտենսիվ մասնակցություն ունեցել՝ գյուղապետի այս կամ այն որոշումները ընդունելիս, եւ ոչ միայն…

Ի դեպ, ստորեւ ներկայացնում ենք նաեւ Ամբերդ համայնքի 2018 թվականի հաստիքացուցակը, ուր պարզ երեում է, թե ով ում բարեկամն է իրականում…

Հ.Գ2
Պարոն Փաշինյան, իսկ կարո՞ղ է «մի սերմացու գողացող մուկ էլ՝ այս համայնքում հայտնաբերվի»… ՀԸ՞:

Շարունակելի…

Սա է19 տարի շարունակ Մանվել Բաբայանի ղեկավարած համայնքապետարանի  պատկերը.