Համայնքապետ Մանվել Բաբայանի ամենակարող եղբայրը՝ իր մուսկուլավորներով հսկում է գյուղի անցուդարձը. PHOTO

Ինչպես եւ խոստացել էինք հետամուտ ենք լինելու Ամբերդ համայնքում տիրող անցուդարձին, առկա խնդիրներին ու համայնքապետի կողմից 19 տարի շարունակ ծավալած ուշագրավ գործունեությանը, որի էջերը աստիճանաբար ջրի երես են դուրս գալիս:
Մոտ մեկ ամիս է, ինչ Ամբերդ համայնքի գյուղապետ Մանվել Բաբայանից նախ փորձում ենք պարզել, թե ինչքանով են հավաստի այն տեղեկությունները, որ գյուղապետի բարեկամները իրենցով են արել համայնքապետարանի հաստիքների մի զգալի մասը, ինչին ի պատասխան գյուղապետ Բաբայանը համառորեն պնդում էր, որ ոչ մի բարեկամ ու խնամի չունի, ովքեր իր հետ միասին են աշխատում:

Սակայն , կարճ ժամանակ անց պարզվեց, որ իրականում նախկին ՀՀԿ-ական գյուղապետը, համայնքապետարանի հաստիքները մեջ-մեջ է արել, գործի նշանակելով նախ հարազատ քրոջ տղային, իսկ ահա 2014-ից մինչ 2018 թվականի կեսերը, խախտելով ՏԻՄ-ի մասին համապատասխան օրենքը, կնոջը՝Լիդա Հարությունյանին նշանակել է առաջին կարգի մասնագետ, ով 2014-ից մինչեւ 2018 թվականը, բյուջեից բավականին կլորիկ գումար է ստացել:

Երկրորդ խնդիրը, որ բարձրացվել էր մեր կողմից այն էր, թե ի՞նչ կարգով, եւ ի՞նչ սկզբունքով են գյուղացիներին տրվել սոցիալական բնույթի օգնությունները, քանի որ համառ տեղեկությունների համաձայն, այս դեպքում եւս չի բացառվում, որ գործել է ծանոթ-բարեկամ խնամի կոնցեպտը:

Ինչեւէ , որպեսզի մեր հացադրումները մերկապարանոց չհնչեին, մոտ մեկ ամիս է, ինչ համայնքապետ Բաբայանից փորձում ենք (փաստարկված)ստանալ մեզ հետաքրքրղ հարցերի պատասխանը, սակայն չգիտես ինչու եւ ինչպես գյուղապետը նախընտրում է ինչ-ինչ պատճառաբանություններով կցկտուր պատառիկներ տրամադրել՝իր գործունեության վերաբերյալ, փորձելով ըստ էության ժամանակ շահել: Թե ինչու… թերեւս դժվար չէ կռահել: 
Փոխարենը մի քանի օր շարունակ մեր նկարահանող խմբին գյուղապետի փոխարեն իր մի քանի մուսկուլավորներով մեզ դիմավորում է գյուղապետի եղբայր Արծրուն Բաբայանը, ով արդեն որերորդ դեպքն է, փորձում է իր ցուցադրած թատրոնով ըստ էության շեղել մեզ՝բուն գործից:

Գյուղապետ եղբայր Արծրուն Բաբայանը՝ մեքենայի միջից հսկում է իրավիճակը 

Նախ ցանկացած համայնքի բնակչի հետ զրույցի բռնվելիս, տարբեր անկյուններից գյուղամեջում են հայտնվում մի քանի մեքենաներ, եւ ակնհայտորեն հետեւում, թե տվյալ պահին նկարահանող խումբը գյուղացիներից ում հետ ինչ է փորձում խոսել, կամ պարզել: 

Այս մեքենաները՝ուշի-ուշով հետեւում էին, թե ինչ անցուդարձ է տիրում համայնքում 

Երեկ նույնպես, հերթական նկարահանման ժամանակ, երբ բնակիչներից մեկը պատրաստվում էր փակագծեր բացել համայնքի անցուդարձից , ու համայնքապետի ծավալած ուշագրավ գործունեությունից, գյուղի հերոսներից ՝ 77 LO577 մակնիշի մերսեդես մակնիշի մեքենային մեքենայի ղեկին նստած երիտասարդին տեսնելուն պես՝ ուղղակի փախավ դեպքի վայրից: Քանի որ տվյալ պահին, սույն երիտասարդը խիստ անհանգստացած էր  թե ինչի՞ ենք խոսացնում մարդկանց, եւ թե ինչո՞ւ ենք հետաքրքրվում Բաբայանի գործունեության էջերի մասին:

Սակայն, կինոն այսքանով չէր ավարտվում. փաստորեն, հետաքրքիրը դեռ առջեւում էր…գյուղապետարանի մոտակայքում մեզ դարձյալ ասպասում էր գյուղապետի պահապան հրեշտակ եղբայրը , ով փորձում էր ասողի կարգավիճակով ձեւ բռնել, թե վերահսկում է իրավիճակը:

ՍԱ ԷԼ ՆԱԽԿԻՆ ՀՀԿ_ԱԿԱՆ, ԱՄԲԵՐԴԻ ԳՅՈՒՂԱՊԵՏ ՄԱՆՎԵԼԻ ԲԱԲԱՅԱՆԻ ԱՄԲԱՐՏԱՎԱՆ ԵՂԲԱՅՐ՝ ԱՐԾՐՈՒՆ ԲԱԲԱՅԱՆՆ Է...

Երբ հերթական գյուղացուն էինք փորձում հարցեր ուղղել, հայտնվեց գյուղապետի եղբայրը, ու սկսեց իր ներկայացումը: «Իյա-իյա հիմա ինչ ես էլ իմ կամերաները միացնեմ Ձեզ նկարե՞մ, լավ եկեք սմարթֆոններով սուսերամարտ սկսենք » ,-բնակչի հետ մեր զրույցը այս կերպ ընդհատեց տեղի ասողը:

Ապա անցնելով ներկայացման երկրորդ մասին, սկսեց ջղաձգվել. « Ինչի եք հետաքրքրվում գյուղապետով, բան եք ուզում սարքել հաստատ, թե չէ ստեղ խնդիր չկա: Իզուր զրպարտում եք » ,-չգիտես ինչու նման պայծառափայլ միտք հղացավ գյուղի ասողի մտքում: 
( Ի դեպ, ում տեսակի ու որակի մասին, մեզ հետ զրուցում չխորշեց անկեղծանալ գյուղապետարանի աշխատակիցներից մեկը, ասելով որ դե գյուղապետի եղբայրը ՝հիմա հավատքի ա գնում, ու որ հիմա մի քիչ ոչինչ ա… ) կարծում ենք, մեկնաբանություններն ավելորդ են…

Եւ քանի որ գյուղապետի ասող եղբայրը մեզ մեղադրեց « բան սարքելու մեջ » , մենք նրան առաջարկեցինք դիմել համապատասխան կառույցների եւ ապացուցել մեր դեմ հնչեցված ապօրինի, կեղծ, ու շինծու մեղադրանքը, սակայն դեռ խոսքը բերաններիցս դուրս չեկած, մի վարկյան առաջ առյուծ կտրած ասողը միանգամից նստեց մեքենան ու բառիս բուն մասով փախավ դեպքի վայրից: 
Ի գիտություն, գյուղապետի իրեն ամենակարող պատկերացնող եղբորը , եւ նախկին ՀՀԿ-ական Մանվել Բաբայանին ու նրա շրջապատին, մենք շարունակելու ենք մեր հետաքննությունը՝ անկախ գյուղապետի, նրա եղբոր, նրանց շրջապատի պոռթկումներին, ջղաձգումներին, ու կեղծ վախի մթնոլորտ ստեղծելու օրակարգին: 
Ու ինչպես նշում էր Աստծո ֆեդերացիայից հանդես եկող գյուղապետի եղբայրը, որ ինքը գնալու է մինչեւ վերջ, ապա , եւս մեկ անգամ հատուկ Արծրուն Բաբայան կոչվածի համար. մենք նույնպես մինչեւ վերջ գնալու ենք մեր հետաքննության ետեւից, եւ խոստանում ենք, որ լինելու են ուշագրավ զարգացումներ:

Մեզ մնում է հավելել, որ Ամբերդում տիրող մթնոլորտը, մեզ  հիշեցնում էր ժամանակին Էջմիածնում տիրող ամենաթողությունը երբ մի դեպքում, Մանվել Գրիգորյանն էր իր դինաստիայով  արշավում, իսկ այս դեպքում, գյուղապետն ու իր եղբայրն են փորձում ֆոն ստեղծել, թե տեղի անփոխարինելիներն են:

Շարունակելի ….

 Երեւան-Ամբերդ