Ի գիտություն «Աստծո դեսպաններին». Ձեր նմանները չէ, որ գնացել են ճիշտ հասցեով, երբ փորձել են իրենց օրենքից ու իրավունքից վեր դասել

Մարտի 9-ին, երեկոյան ժամը 21:30-ին, Fnews.am էլ օրաթերթի պատասխանատուի բջջային հեռախոսին է զանգահարում, Ամբերդ համայնքի բնակիչ ներկայացած ոմն Սարգիս եւ ցանկություն հայտնում, որ ինչ ժամի էլ լինի՝ ուզում է հանդիպում ունենալ կայքի պատասխանատուի հետ, քանի որ իրենց համայնքում իրավիճակը շատ լարված է, եւ որ ամեն րոպե կարա մի բան լինի…

Ստորեւէ ներկայացնում ենք հատված՝ Ամբերդ համայնքի ակտիվիստ, Ամբերդ համայնքի ղեկավարի եղբայր՝Արծրուն Բաբայանի մտերիմ, ոմն Սարգիսի մտքի գոհարներից:

-Բարեւ Ձեզ , ես Սարգիսն եմ Ամբերդից, մի հատ կըլնի ժամ, տեղ ասեք՝ գալիս եմ հիմա Ձեզ տենամ:

-Ի՞նչ է պատահել, ինչո՞ւմն է խնդիրը: Այս ուշ ժամի, ի՞նչ է եղել…

-Չէ քուրս, մի հատ տեղ ասեք. գալիս եմ տետ ա տետ տենամ Ձեզ: Դե ես ասեցի.տեսեք, դուք մերժեցիք:

-Այսինքն, թե չէ ինչ՝ որ մերժեցինք…

-Քուր ջան, էն ա , որ Ամբերդ համայնքի մասին մի գրա, թարգի, յան տուր քուր ջան. էս համայնքից: Ուզում եմ զգուշացնեմ ձեզ. մեղք եք գործում: Աստված կպատժի…

-Հիմա Աստծո անունից սպառնում ե՞ք մեզ, երիտասարդ:

-Այ ցավտ տանեմ, ես ո՞վ եմ որ սպառնամ, ես կարամ խնդրեմ աղաչեմ, գետնին պառկեմ, մենակ մեր համայնքից յան տաք: Լավ, ի՞նչ անենք քուրս, որ էս համայնքով չզբաղվեք:
Խնդրում եմ, մարդ եք հասկացեք. հասկանում եմ օրենքի մարդ եք, օրենք եք ուզում , օրենք եք պահում, բայց գյուղապետն էլ մարդ ա էլի. կարա սխալվի, ուղղվի, քուր ջան, չի կարելի ախ տենց: Գալիս եք համայնք, սաղ համայնքը խառնվում են իրար. մարդիկ վախեցած են, հասկանում ե՞ս, կարա մի բան ստեղ ըլինի, ու մեղավորը դուք լինեք:
Այ ցավտ տանեմ,ի՞նչ գործ ունեք, գրում եք, թե համայնքապետը ում ա գործի նշանակում. կնոջն ա հանում, ինչ ա անում, ախ քուր ջան, գրում եք. ի՞նչ լինի:

-Շատ ներեղություն, իսկ ի պաշտոնե դուք ո՞վ եք, որ համայնքապետին հասցեագրված հարցերին իբր փորձում եք պատասխանել՝քարոզ անելով, ու Աստծո անունից մեսիջներ ուղարկելով: Ո՞վ եք դուք, եւ ո՞վ է Ձեզ լիազորել նման խոսակցություն վարելու:

-Այ ցավտ տանեմ . ես հո մեկին չեմ ասում ինձնից վախենան:

-Իսկ ո՞վ ասաց, որ ինչ-որ մեկը Ձեզանից վախենում է, ոնց որ շփոթվել եք երիատասարդ:

-Ախ, քուրիկ ջան, ես զանգել եմ խնդրում եմ. ասում եմ մի արեք տենց բան: Զգույշ եղեք. վատ բան մի արեք. քուր ջան, Աստված սաղին էլ դատաստան ա տենըմ: Ես Աստծո մարդ եմ:

-Փաստորեն՝ Աստված Ձեր համայնքապետին թողած, մեզ պիտի՞ պատժի երիտասարդ…Հիմա Ձեր ասածն ի՞նչ է ընդհանրապես: Դուք փաստաբանն ե՞ք համայնքապետի, թե՞…ո՞վ եք դուք, որ փորձում եք խառնվել լրատվամիջոցի գործերին, այն էլ այս ուշ ժամի:

-Այ քուրիկ ջան, ես ո՞վ եմ, որ խառնվեմ, ես ուղղակի խնդրում եմ, զգուշացնում եմ Աստծուն դեմ մի գնա, քուրս:

Վերջացրեցի՞ք: Դե հիմա իմ հաջորդ հ

արցին պատասխանեք:

-Ճի՞շտ են շրջանառվող այն տեղեկությունները, Ամբերդ համայնքի պարոն ակտիվիստ, որ դուք աչքի եք ընկել Սարի Թաղի հայնտի դեպքերի ժամանակ, եւ երկրորդ՝ խնամիական կապ ունեք Ամբերդ համայնքի ղեկավարի հետ:

-Վաա՜՜՜յ, վա՜՜՝յ, քուր ջան, ես ի՞նչ կապ ունեմ, ես տենց բաների հետ ինչ գործ չունեմ, ես Ձեզ էլ չեմ անհանգստացնի, ուզում եք Ձեր համարն էլ՝հիմա կջնջեմ:

Թերեւս մեկնաբանություններն ավելորդ են…

Հ. Գ

Ի գիտություն, գրելու հետ սեր ունեցող Ամբերդ համայնքի ղեկավար Մանվել Բաբայանին, վերջինիս Աստծո ֆեդերացիայից ներկայացող եղբորը՝ Արծրուն Բաբայանին. մենք ոչ «ասիչ» Սարգիսներից, ո՛չ Ձեզանից , եւ ոչ էլ որեւէ մեկից կաշկանդվելու եւ զգուշանալու խնդիր չունենք, եւ չենք էլ կարող ունենալ:
Իսկ Սարգիսների թիկունքում թաքնվելու փոխարեն, քաջություն ունեցեք, պաշտոն զբաղեցնելուն զուգահեռ, պատասխաններ գտնելու՝ Ձեր արած-դրածի, ու ծավալած գործունեության համար: Այլապես, հաջորդ անգամ, ոտքի տակ ընկնելու համար, ստիպված կլինեք՝ իսկապես ինչպես կասեր դասականը՝ասֆալտին փռվելու…

Իմացե՛ք Ձեր տեղը եւ չափը. Եւ չփորձե՛ք ձեր էժանագին ու ծիծաղելի հնարքներով մեզ շեղել՝ մեր բուն աշխատանքից:

Ձեր նմանները չէ, որ գնացել են ճիշտ հասցեով, երբ փորձել են իրենց օրենքից ու իրավունքից վեր դասել:

Հ.Գ. 

Ի դեպ, շրջանառվող մեկ  այլ տեղեկատվության համաձայն, Ամբերդցի սույն Սարգիսը, ով համայնքապետ Բաբայանի  ու նրա եղբոր պահապան հրեշատկն է, ժամանակին եղել է ՀՀԿ-ական  օդիոզ պատգամավորներից մեկի աշխատակիցը...