Ապրիլյան քառօրյայի մասնակցի մայրը դիմում է բարերարներին.Գագիկ Ծառուկյանին, Արթուր Ասատրյանին, եւ մյուսներին

«Անտեսված ենք բոլորի կողմից… չգիտենք ամուսնուս աշխատած հազար դրամը` դեղի՞, թե ՞ հացի փող սարքենք. Հարությունյանների ընտանիքը բոլորիս օգնության կարիքն ունի

Գյումրիում, Շիրակացի 61 Զինավան 7-րդ դոստ հասցեում առողջական մի շարք խնդիրներով, սոցիալապես ծայրահեղ պայմաններում, մի օր սոված-մի օր կուշտ օր են մթնեցնում Հարությունյանների վեց  հոգուց բաղկացած ընտանիքը: Ընտանիքի մայրը`Սեդա Հարությունյանը, ով այս պահի դրությամբ անկողնային վիճակում պառկած է ցուրտ ու խոնավ տանը, տառապում է արգանդի վզիկի քաղցկեղով:

Newsmedia-թղթակցի հետ զրույցում, գյումրեցի Սեդա Հարությունյանը հուզված պատմեց.
-2013թվականից տառապում եմ քաղցկեղով, ամբողջ մարմինս ճառագայթման է ենթարկված, բայց անօգուտ.անգամ թոշակից են զրկել: Վիճակս չի բարելավվում, օր-օրի զգում եմ, որ ավելի է ինձ ճնշում այս հիվանդությունը: Ես իմ մասին չէի մտածի, եթե իմանայի, որ ամուսինս առողջ է, որ գոնե ինքը կկարողանա մեր հոգսերը հոգալ: Բայց ամուսինս էլ առողջական շատ լուրջ խնդիրներ ունի, սրտի հետ կապված խնդիրներ են. էս տարիների ընթացքում են ի հայտ եկել նրա մոտ: Ունեմ երեք երեխա, մի որդիս` Վահանը Հարությունյանը քառօրյա պատերազմի մասնակից է, (մեր սիրելի Ադամ Սահակյանի վաշտից է եղել)թշնամու դեմ պայքարել է ամենավտանգավոր դիրքերում:

Մի շարք պատվոգրեր եւ 

մեդալների է արժանացել, մյուս տղաս 1.5 կես ծառայելուց հետո զորացրվել է կրկին առողջական խնդիրների պատճառով: Ունեմ նաեւ լուսի կտոր աղջիկ, ով եւս սոցիալապես ծանր պայմանների, խոնավ ու ցուրտ տանը մնալու հետեւանքով լեղապարկի բորբոքում է ստացել, բայց գումար չլինելու պատճառով կրկին բժշկի դիմելու ի վիճակի չենք:

Այս տարիների ընթացքում լուռ տարել ենք մեզ բաժին հասած դժվարությունները, բայց էլ ի վիճակի չենք: Բոլորս մի առողջական խնդիր ունենք: Ես անկողնային պառկած եմ գրեթե միշտ, իսկ ամուսինս` օրը հազար դրամով պահակություն է անում: Տղաներս մասնավոր գործ լինելու դեպքում գնում անում են, բայց մշտական աշխատող չունենք: Չենք կարողանում ոչ հացի փող նորմալ վաստակել, ոչ էլ դեղի: Ամիսներով անլույս ենք մնացել` լույսի վարձը չվճարելու համար: Գազ չունենք, ապրում ենք անելանելի պայմաններում: Գոյատեւելու հնար էլ էլ չունենք:

«ՕԳՆԵՔ ՄԵԶ, ՕԳՆԵՔ ՍՆՆՈՒՆԴՈՎ, ԴԵՂՈՎ, ՕԳՆԵՔ, ՈՐՊԵՍԶԻ ԳՈՅԱՏԵՒԵՆՔ, ԱՆՏԱՐԲԵՐ ՄԻ՛ ԵՂԵՔ»

Քաղաքային իշխանությունները տեղյակ չե՞ն Ձեր խնդրից, երբեւէ չե՞ն փորձել օգնել:
- Մի անգամ ենք դիմել մեր քաղաքապետին, ով քչից-շատից օգնություն է գրել, բայց անընդհատ ամաչում ենք. Գնանք- կանգնենք ու օգնություն խնդրենք: Մարզպետարանից բոլորը գիտեն մեր վիճակը. բայց ոչ մի օգնություն, ոչ մի աջակցություն: Անտեսված ենք բոլորի կողմից: Մի ՀԿ կա, որ մեզ դեղերով է երբեմն-երբեմն օգնում, ինչի համար շնորհակալ ենք իրենց: Ես չէի ուզում բարձրաձայնել մեր վիճակի մասին, բայց էլ ելք չունենք: Մենք բարի մարդկանց կարիքն ունենք: Օգնեք մեզ ապրել, օգնեք գոյատեւել: Դուք չեք պատկերացնում ինչ ծանր օրեր ենք քաշում, չգիտենք ամուսնուս աշխատած հազար դրամը` դեղի՞, թե ՞ ուտելիքի փող սարքենք:
Ես ու ընտանիքս դիմում ենք բարի մարդկանց. իշխանություններին, բոլոր նրանց ովքեր կկարողանան մեր հոգսը թեթեւացնել: Ճիշտ է ամաչում եմ, բայց էլ ելք չունեմ, չեմ կարողանում տեսնել, թե ինչպես են երեխաներս` առողջական խնդիրներով տանջվում: Դիմում եմ մեր քաղաքապետին, մարզպետին, բարերաներին. Գագիկ Ծառուկյանին, Արթուր Ասատրյանին, Սամվել Ալեքսանյանին: Բոլորին խնդրում ենք. մեզ օգնեք սնունդով, դեղով, օգնեք, որպեսզի գոյատեւենք, անտարբեր մի եղեք….

Հ.Գ 

Հարությունյանների ընտանիքի  հետ կարող են կապ հաստատել՝077709528 հեռախոսահամարով: 

Պատրաստեց՝ ՆՈՆԱ  ԱԴԱՄՅԱՆԸ