Թումանյանի ոստիկանները տաք հետքերով հայտնաբերեցին ավտոծառայության պետին, ով խմած վիճակում ընկերոջը պատկանող հրացանից կրակոց էր արձակել Ալավերդիում

Ինչպես հայտնում է ֆոտոլրագրող Գագիկ Շամշյանը, երեկ Թումանյանի բաժին է ներկայացել Ալավերդի քաղաքի բնակիչ, 35-ամյա Ռոբերտ Կիրակոսյանը, ով խոստովանել է, Սայաթ-Նովայի փողոցում, գտնվելով ոչ սթափ վիճակում, իր ընկերոջը՝ նույն փողոցի բնակիչ, 45-ամյա Կարեն Աղեկյանին պատկանող «ԲԵԿԱՍ-12» տիպի 12 մմ տրամաչափի ողորկափող որսորդական հրացանից օդ է կրակել:

 

 

Ֆոտոլրագրողի տեղեկություններով, Ռ. Կիրակոսյանը աշխատում է «ԷՅ-ՍԻ-ՓԻ» ՖԲԸ-ում՝ որպես ավտոծառայության պետ: 

Ոստիկանները հայտնաբերել են նաև հրացանը:

Փաստի առթիվ ոստիկանության Թումանյանի բաժնի հետաքննչական բաժանմունքում նյութեր են նախապատրաստվում:

Նշանակվել է դատաձգաբանական փորձաքննություն:

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով
: