Եթե կեղծվի դատական գործընթացը՝ կհրապարակեմ ձայնագրություններ, որոնց հրապարակումից հետո շատ ավելի մութ պատմություններ ի հայտ կգան. Քաղաքագետը ահազանգում է

Եթե կեղծվի դատական գործընթացը՝ կհրապարակեմ ձայնագրություններ, որոնց հրապարակումից հետո շատ ավելի մութ պատմություններ ի հայտ կգան. Քաղաքագետը ահազանգում է
Newsmedia.am-ը անդրադարձել էր դեռեւս 2018թ. դեկտեմբերի 4-ին Գյումրի քաղաքի հաղթանակի պողոտայի եւ Մայակովսկի փողոցների հատման մասում գտնվող Կանգառ խանութի մոտ հայտնի քաղաքական վերլուծաբան Գագիկ Համբարյանի վրա տեղի ունեցած հարձակման դեպքին:

Հիշեցնենք, որ հայտնի վերլուծաբանի վրա հարձակվել էր Շիրակի պետհամալսարանի անգլերեն լեզի եւ գրականության ամբիոնի վարիչ Անահիտ Հովհաննիսյանի եղբայրը՝ Ռաֆիկ Հովհաննիսյանը: Ու ինչպես մեզ հետ զրույցում վերհիշեց պարոն Համբարյանը.

-Ռաֆիկ Հովհաննիսյանն այդ օրը հարձակվեց ինձ վրա, ապա անպարկեշտ վարքագիծ դրսեւորելով՝ հայհոյանքների տարափ էր հնչեցրել իմ եւ իմ ընտանիքի անդամների հասցեին: Վերջինս մեղադրում էր ինձ, թե ես նրա քրոջ վրա ինչ-որ բաներ եմ գրել: Դեպքը կատարվել է առավոտյան վաղ ժամին, բայց ներկա էին բազմաթիվ մարդիկ, ովքեր փորձում էին կարգի հրավիրել այդ անձին: Կատարվածից հետո այդ անձին մոտ մարդիկ ինձ համոզում էին, որ բողոքս հետ վերցնեմ , ինչին ստացան բացասական պատասխան: Բայց շատ զարմանալիորեն նախաքննության ժամանակ պարզվեց, որ այդ անձը եւ իր չակերտավոր պաշտպանը բավականին «հետաքրքիր» մոտեցում են դրսեւորել: Մասնավորապես ոչ միայն փորձեցին «ջրից չորս դուրս գալ», հերքելով կատարվածը, այլեւ լկտիացան այն աստիճան, որ Հովհաննիսյանի պաշտպանը բազմաթիվ միջնորդություններ է ներկայացրել Շիրակի մարզի քննչական կոմիտե, ինչպես նաեւ դատախազաություն, որպեսզի իմ դեմ քրեական գործ հարուցեն: Ավելին, այդ անձի պաշտպանը հիմա փորձում է իմ ստացած վնասվածքները բացատրել նրանով, որ ես դա այլ տեղում եմ ստացել: Բացարձակ որեւէ ապացույց չներկայացնելով: Այսինքն Ռաֆիկ Հովհաննիսյանը այսօր էլ՝ շարունակում է նույն սկզբունքով իրեն արդարացնել եւ մաքրել, որ որեւիցէ բան տեղի չի ունեցել, ավելին տվյալ անձնավորության քույրը՝ բուհի ամբիոնի վարիչը, տեղեկություն է տարածում, որ դատարանը ի օգուտ իրենց է վճիռ կայացնելու, ապա հեռու-հեռվից հաթաթա տալիս, որ դրանից հետո էլ նրանք ինձ մեղադրելու են կեղծ մատնության մեջ:

Այսինքն իրենք արդեն վստահ խոսակցություններ են տարածում, որ ի օգուտ իրենց է վճիռ կայացվելու: Ես շատ տհաճ անակնկալներ ունեմ այդ անձի եւ նրա պաշտպանի համար. այո, առաջ անցնելով ասեմ, որ ինձ մոտ առկա են ձայնագրություններ, որտեղ կեղծ ցուցմունքներ տված անձիք ասում են, թե ինչու են  կեղծ ցուցմունքներ տալիս, եւ ում օգտին: 

-Պարոն Համբարյան այսինքն մտավախություն ունեք, որ դատարանը արդեն իսկ կանխակալ մոտեցո՞ւմ ունի սույն գործով: Եվ արդեն իսկ նշմարվում է գործի ելքի ընթացքը՝ ի օգուտ Ձեզ վրա հարձակվող անձի՞:

-Այո, ասեմ ավելին. տիկին Հովհաննիսյանը ժամանակին հպարտացել է իր սերտ կապերով՝ իրավապահ համակարգի հետ: Եվ դա երբեւէ չի էլ թաքցրել: Այն, որ նրա կապերը իրավապահների հետ շատ ամուր են՝ նա ապացուցել է ոչ մեկ անգամ: Օրինակ անցյալ տարվա նոյեմբեր-դեկտեմբեր ամիսնեին, երբ ես եւ իմ գործընկեր Խորիկյան Հովհաննեսը ոստիկանություն բողոք էինք ներկայացրել.տիկինը արդեն նախապես գիտեր, որ այդ բողոքը մերժվելու է: Եվ այդպես էլ եղավ:
Ես հիմա ուզում եմ շատ կոնկրետ եւ հստակ մեկ անգամ եւս ի լուր շահագրգիռ կողմերի հայտարարել. եթե կեղծվի դատական գործընթացը՝ ես կհրապարակեմ ինձ մոտ առկա ձայնագրությունները, որոնց հրապարակումից հետո շատ ավելի մութ պատմություններ ի հայտ կգան: Ես դեռ համբերատար կսպասեմ արդար դատաքննության:

ՆՈՆԱ ԱԴԱՄՅԱՆ

Newsmedia.am   Լուրեր Հայաստանից