«Փոխանակ մտածենք՝ ո՞նց անենք, որ գոյություն չունեցող նպաստառուներ գոյություն չունենան, ասում եք՝ եկեք նոր միջանցք բացե՞նք». ՀՀ վարչապետ

«Պետական կենսաթոշակների մասին» «Լուսավոր Հայաստան» խմբակցության ներկայացրած նախագծի քննարկման ժամանակ ՀՀ վարչապետը հայտարարեց. «Լավ չեմ հասկանում այն նախագծերը, որ մեզ առաջարկում են ետ գնալ: ՀՀ-ում տասնյակ հազարով թոշակառուներ կան, որոնք գոյություն չունեն ու թոշակ են ստանում՝ պետությանը միլիարդների վնաս պատճառելով: Պետք է մարդկանց օգնել, որ հավաստագրումն ավելի հեշտ լինի, բայց դա անել՝ առաջ գնալու ճանապարհով, այլ՝ ոչ ետ: Մինչև էսօր ՀՀ-ում գոյություն ունեն գոյություն չունեցող նպաստառումներ ու մեզնից ջանքեր են պահանջվում՝ համակարգի հետևից գնալու համար: Փոխանակ մտածենք՝ ո՞նց անենք, որ նման բան չլինի, ասում ենք՝ եկեք նոր միջանցք բացե՞նք»:

Նշենք, որ ԼՀԿ-ն առաջարկում էր կենսաթոշակը լիազորագրով վճարել 15 տարի՝ գործող 1 տարվա փոխարեն, ուժը կորցրած ճանաչել թոշակն անկանխիկ եղանակով ստացող թոշակառուի տարեկան առնվազն 1 անգամ բանկ ներկայանալու ու ՀՀ-ում լինելու մասին հայտարարություն ստորագրելու վերաբերյալ դրույթները և այլն: