Օրենքը ընդունելուց հետո հանցագործ աշխարհը ավելի բարյացկամ կլինի վերին էշելոններում ծվարածների հանդեպ՝ սա է նպատակը. Գուրգեն Եղիազարյան

Մի շարք նախագծերով առաջարկվում է քրեական պատասխանատվություն նախատեսել քրեական աստիճանակարգության, բարձրագույն կարգավիճակ տալու կամ ստանալու համար, քրեական ենթամշակույթ կրող խմբավորում ստեղծելու կամ ղեկավարելու համար, եթե բացակայում են Քրեական օրենսգրքի 222-րդ կամ 223-րդ հոդվածներով նախատեսված հանցագործության հատկանիշները՝ բանդիտիզմ եւ հանցավոր համագործացությանը մասնակցելը։ Այս մասին այսօր Կառավարության նիստին ասաց ՀՀ արդարադատության նախարար Ռուստամ Բադասյանը։

Ինչո՞ւ է կառավարությունը հիմա որոշել նախագիծը դնել շրջանառության մեջ, ի՞նչ նպատակ է այն հետապնդում, եւ, որ ամենակարեւորն է ի՞նչ վտանգներով է այն հղի,  փորձեցինք հետաքրքրվել Ազգային անվտանգության նախկին փոխնախարար, հասարակական գործիչ ԳՈՒՐԳԵՆ ԵՂԻԱԶԱՐՅԱՆԻՑ, ով նախ փաստեց.

-Դժվար է սրանց նպատակները հասկանալ: Ակնհայտ է, որ ըստ օդում կախված լուրերի քրեական աշխարհի հետ այսօր ակտիվ շփումների մեջ են առանցքային դեմքերը:

- Նկատի ունեք իշխանության առանցքային դեմքերը, թե՞...

- Այո, օդում թեւածող լուրերի համաձայն իշխանության ներկայացուցիչները լավ էլ ակտիվ շփվում են հանցագործ աշխարհի հետ: Գուցե նպատակ ունեն այս օրենքով ինչ-ինչ հարցեր լուծեն՝ ով գիտի: Օրենքը գրողն էլ են հիմա իրենք, գործածողն էլ՝ ինչպես ուզեն այնպես էլ կկիրառեն: Իսկ այս օրենքը ընդունելուց հետո հանցագործ աշխարհը ավելի բարյացկամ կլինի վերին էշելոններում ծվարածների հանդեպ՝ սա նպատակը ըստ իս:

Չեմ էլ ուզում պատկերացնել, թե ինչ էր կկատարվեն կալանավայրերու՝ բեսպրիդել, քաոս...

-Նկատի ունեք փորձում են հանցագործ աշխարհին այդ կերպ՝ ինչ-ինչ օղակներ ենթարկեցնե՞լ իրենց: 

- Այո, ախր շատ շուտ ես ըմբռնում խոսքս, կեցցես:

-Լավ, իսկ ինչպ՞ս է վերաբերվում օրենքի նախագծին հանցագործ աշխարհը, ունե՞ք տվյալներ:

-Գիտեք հանցագործ աշխարհը առհասարակ իրավունք չունի պետության հետ շփվելու, բայց մենք գիտենք, որ իրենք միշտ էլ շփվել ու շփվում են: Այնպես որ չգիտեմ...

- Իսկ, ինչ հետեւանքներով է հղի օրենքի գործածումը առհասարակ:

-Այսպես ասեմ. այսօրվա այսօրվա ոստիկանությունը դրան պատրաստ չի ընդհանրապես: Դրան պատրաստ չէ նաեւ Արդարադատության նախարարությունը: Պետք է լրջագույն միջոցառումներ իրականացվեն մինչ օրենքի կիրառումը: Թե չէ չեմ էլ ուզում պատկերացնել, թե ինչ էր կկատարվեն կալանավայրերու՝ բեսպրեդել, քաոս...

ՆՈՆԱ  ԱԴԱՄՅԱՆ