Հասարակությունը շատ լավ գիտի. թե՛ նախկինում եւ թե՛ հիմա, ինչպես են իրավապահները վերաբերում հանցավոր աշխարհի ներկայացուցիչներին

Սեպտեմբերի 4-ին «ԹԵՐԹ.am» լրատվական կայքում «Ճամբարակում ծեծկռտուք է տեղի ունեցել, հնչել են կրակոցներ. քաղաքապետի մտերիմ «օրենքով գողին» պատասխանատվության կանչելը շարունակում է ոստիկանության ուժերից վեր մնալ» վերտառությամբ հոդված էր հրապարակվել: Ըստ հոդվածագրի՝ Ճամբարակ քաղաքում ծեծկռտուք է տեղի ունեցել և հնչել են կրակոցներ:
Հոդվածից ժամեր անց ըստ ոստիկանություն բերման էին ենթարկվել մի շարք անձիք, աjդ թվում քրեական հեղինակություն համարվող՝ քաղաքապետի մտերիմ քրեական հեղինակություն Վիլեն Սոսյանը, ում մասին Ճամբարակի ոստիկանապետ Նարեկ Սիմոնյանը այսպես է խոսել .«Վիլեն Սոսյանը մեր ոտի տակի կեղտն ա»:

Ի՞նչ է ստացվում. իսկ կարո՞ղ է ոստիկանությունը հանցագործությունը  բացահայտելու փոխարեն,  անճարաությունից քրեական հեղինակությանն  է պիտակավորում,այս դեպքում անխնա վիրավորում,  մինչդեռ այս կերպ անպատվելու  փոխարեն, պարզապես կարելի է գործել օրենքի կետին եւ տառին համապատասխան, եւ վերջ...  

ինչեւէ, արդյո՞ք երկրակի ստանդարտների կիրառումը շարունակվում է, ի վերջո ինչո՞ւ է ոստիկանությունը այդքան խուսափում առերեսվել հանցավոր աշխարհի ներկայացուցիչների հետ, NewsMedia.am-ը փորձեց  մեկնաբանություն ստանալ հայտնի քաղաքական վերլուծաբան ԳԱԳԻԿ ՀԱՄԲԱՐՅԱՆԻՑ, ով նկատեց.

-Ցավոք, կրիմինալը շատ վաղուց է ակտիվացել Հայաստանում, ինչը մտահոգության  տեղիք է տալիս: Եվ առհասարակ հանցագործությունների թվի աճը ցույց է տալիս, որ մեր իրավապահները շատ վատ են աշխատում, որովհետեւ այդ հանցագործությունների մեծ մասը կարելի է շատ արագ կանխել ՝ օպերատիվ համապատասխան միջոցառումների կազմակերպման պարագայում: Շատ դեպքերում «ռազբորկանները». ծեծկռտքուքները՝ պատահական, մի կաթիլ մեղրի պատմությունը չեն: Եվ այսօրվա կրակոցները, դանակահարությունները տեւական ժամանակ ընթացող, այսպես ասած «ռազբորկանների» արդյունք են, որը ժամանակին չի կանխվել իրավապահների կողմից:

Ինչ վերաբերում է Ճամբարակի ոստիկանապետի կողմից քրեական աշխարհի ներկայացուցչին «ոտքի տակի կեղտ»  համարելուն, ապա ես գտնում եմ, որ դա ընդամենը դեմագոգիա էր: Որովհետեւ փաստը ցույց է տալիս, որ 95 տոկոսի պարագայում՝  գողական աշխարհի ներկայացուցիչները երբեք շատ երկար չեն նստում կալանավայրերում: Այնպես որ,  պարոն ոստիկանապետի հայտարարությունը ընդամենը դերասանություն էր, որը շատ վատ է դիտարկվում: Որովհետեւ հասարակությունը շատ լավ գիտի, թե՛ նախկինում,  եւ թե՛ հիմա ինչպես են իրավապահները վերաբերում հանցավոր աշխարհի ներկայացուցիչներին: 

-Այսինքն իշխանափոխությունից հետո էլ շարունակվո՛ւմ է գողական-ոստիկան խաղաղ գոյակցությունը...

-Դա որեւէ մեկի համար նորություն չի եղել երբեւէ: Նախորդ իշխանությունների օրոք էլ  կային քրեական աշխարհի ներկայացուցիչներ, որոնց նախորդ իշխանությունները պաշտում էին:

Իսկ ներկա դրությամբ, ներկայիս իշխանությունները եթե անգամ չեն պաշտում, ապա շատ մեղմ են վերաբերում, որի ապացույցները բազմաթիվ են: Հեռու չգնանք. օրինակ, բոլորս տեսանք, թե ոստիկանության բաժնում՝ ինչպես է իրեն պահում քրեական հեղինակությունբերից մեկի ընկերը, մինչդեռ  դրա հետւանքները ոչ ոք չտեսավ: Սա ինքին ամենխոսուն փաստն է...

ՆՈՆԱ   ԱԴԱՄՅԱՆ