ՏԵՍԱՆՅՈՒԹ.«Բոչկա ե՞ս գլորում վրես. նայի՝ չվնասեմ քեզ».ահազանգում է Այնթափ համայնքի բնակիչ՝ Արթուր Մկրտչյանը

Այնթապ համայնքի բնակիչ Արթուր Մկրտչյանը, կնոջ՝ Ռուզաննա Մանվելյանի եւ երեք անչափահաս դուստրերի հետ  արդեն 11 տարի է, ինչ ապրում է վագոն-տնակում, որի տարածքը, ըստ Ա. Մկրտչյանի նախկինում եղել է պետական սեփականություն՝ նախատեսված դպրոցական շենք կառուցելու համար։ Սակայն ստացվել է այնպես, որ այն տարածքը, որտեղ գտնվում է վագոն տնակը՝(հարակից հողակտորի հետ միասին`մոտ 1000 քմ) ընդամենը մեկ տարի առաջ,  աճուրդով  վաճառվել է՝ արդյունքում ջուրը լցնելով ընտանիքի սպասումներն ու վաղվա օրվա ապրելու հույսը:

Սոցիալապես անապահով ընտանիքի հինգ անդամներ՝կինը, հաշմանդամ հայրը, աղջիկները ,որոնցից մեկը նույնպես վատառողջ է եւ լուրջ խնդիրներ ունի, ամեն օր ապրում են  վախի ու սարսափի մեջ ՝ պայքարելով թունավոր սողունների ու կրծողների դեմ, չհաշված որ  վերջիններիս պնդմամբ՝ անտեսված են մարզային ու տեղական իշխանությունների կողմից: 

Անապահով ընտանիքի հայրը, NewsMedia-ի հետ զրույցում նշում  է, որ համայնքապետի անտարբերության արդյունքում է, որ այսօր ինքը չի կարողանում իր ընտանիքի բնակության տարածքի սեփականության հարցը լուծել՝ ինչն իրեն թույլ կտար սեփական հողի մեջ այգեգործությամբ զբաղվել՝   հոգալով  բազմանդամ ընտանիքի հոգսերը:

Ավելին, Արթուր Մկրտչյանն ու Ռուզաննա Մանվելյանը մեզ հետ զրույցում պնդեցին, որ
տարիներ շարունակ գրավոր եւ բանավոր կերպով դիմել են համապատասխան կառույցներին, սակայն մինչ օրս իրենց խնդրին ոչ ոք ականջալուր չի եղել: Իսկ որ ուշագրավն է. վերջերս  «Կիսաբաց Լուսամուտներ» հաղորդաշարի եթերում ընտանիքի խնդիրը վեր բարձրացնելուց հետո, համայնքապետը   սկսել է առավել ագրեսիվ ու անհասկանալի վարք  դրսեւորել, ակնարկելով, թե իբր ինչի հասավ ընտանիքը, որ գնաց եթեր ու իրեն ցույց տվեց...

Սակայն բանից պարզվում է, որ  սոցիալականպես  ծանր պայմաններում գտնվող ընտանիքի խնդիրներն ու դժվարությունները այսքանով չեն ավարտվում.  եւ բացի այն, որ այսօր ընտանիքը բավականին ծանր կացության մեջ է հայտնվել,   մյուս կողմից էլ՝ ինչպես նշում էին ընտանիքի հայրն ու մայրը,  խնդիր ունեն պաշտպանվելու նաեւ համայնքապետ Կարեն Սարգսյանից, քանի որ նա այսպես ասած՝ տրամադրվել է ամուսինների դեմ:

Ի դեպ, Ա. Մկրտչյանը տեղեկացրեց նաեւ, որ ստորագրահավաք է սկսել իր ընտանիքի դեմ, որը ոչ այլ ինչ է, եթե ոչ կոնկրետ ճնշման փորձ,   եւ իր   ընտանիքին համայնքից  հեռացնելու մշակված սցենար: 

Հ.Գ Պատրաստ ենք ներկայացնելու նաեւ տեղական եւ մարզային իշխանությունների տեսակետը՝ ստեղծված իրավիճակի շուրջ, հատկապես որ ընտանիքն իսկապես սոցիալական եւ բարոյական աջակցության կարիք ունի:  

Թեմայի մանրամասները՝ առաջարկվող Տեսանյութերում.