Պարզաբանում է Շիրակի մարզի դատախազը.ինչո՞ւ Երվանդ Սերոբյանին որեւէ կարգավիճակ չի տրվում՝հարուցված քր.գործի շրջանակներում

Շուրջ մեկ ամիս առաջ Շիրակի Պետական Համալսարանի դասախոսներից մեկի բողոքի հիման վրա քրեական գործ էր հարուցվել՝ համալսարանի ժամանակավոր պաշտոնակատար, Շիրակի մարզպետ` Տիգրան Պետրոսյանի մտերիմի համբավ ունեցող Երվանդ Սերոբյանի նկատմամբ:

Սակայն, զարմանալիորեն, իրավական դաշտում մինչ օրս վերջինիս որեւէ կարգավիճակ տրված չէ: Իսկ գյումրեցիների շրջանում, այս օրերին ակտիվ լուրեր են շրջանառվում այն մասին, որ թերեւս Սերոբյանին այդպես էլ մեղադրանք չի առաջադրվի, իսկ գործն էլ` հավանաբար «կջրվի-կգնա», քանի որ վերջինս ոչ միայն մարզպետի մտերիմն է, այլ նաեւ Հայ Առաքելական եկեղեցու դեմ պայքարող հայտնի ակտիվիսt, Կարեն Պետրոսյանի մորեղբայրն է:
Այն, նույն Կարեն Պետրոսյանի, ով հեղափոխությունից հետո նշանակվեց Տնտեսագիտական համալսարանի Գյումրիի մասնաճյուղի Ժ/Պ, եւ  ով ի դեպ փայլուն հարաբերությունների մեջ է ՀՀ կրթության,գիտության, մշակույթի և սպորտի նախարար Արայիկ Հարությունյանի հետ:

Այդուհանդերձ, թե ո՞րնէ պատճառը, որ առկա մի շարք փաստերի՝ ձայնագրությունների պարագայում . Սերոբյանին որեւէ կարգավիճակ չի տրվում (քրեական գործի շրջանակներում) NewsMedia.am-ը, փորձեց մեկնաբանություն ստանալ Շիրակի մարզի դատախազ ԿԱՐԵՆ ԳԱԲՐԻԵԼՅԱՆԻՑ, ով մեր հարցերին ի պատասխան նշեց.

-Քրեական գործով կատարվում են բոլոր անհրաժեշտ քննչական եւ դատավարական գործողությունները: Անձի արարքին կտրվի քրեաիրավական գնահատական՝ ըստ ձեռք բերված ապացույցների: Այսքանը կարող եմ հայտնել: Իսկ, թե ինչու մինչ այս պահը չի տրվել կարգավիճակ, ես Ձեզ պարզաբանելու հիմքեր չունեմ: Գործողություններ են կատարվում, եւ  համապատասխան գործողությունների արդյունքում՝ նոր մենք անհրաժեշտ իրավական գնահատական կտանք:

-Այդ դեպքում, ինչո՞վ են պայմանավորված այն մտահոգությունները, որ գործը կարող է մտնել փակուղի: Հատկապես  որ,  ՇՊՀ-ի ժամանակավոր պաշտոնակատար Երվանդ Սերոբյանը,  Շիրակի մարզպետի  եւ ներկայիս իշխանականների հետ եթե ոչ անմիջական, ապա անուղղակիորեն  ջերմ  կապեր ունի: Ի՞նչ կասեք սրա հետ կապված:

-Ես տեղեկություն չունեմ, թե ինքը ում մտերիմն է: Իմ աշխատաոճում կա հստակ բան. եթե անձը կատարել է ենթադրյալ հանցավոր արարք`ուրեմն մենք դրան պետք է տանք քրեաիրավական գնահատական, անկախ նրանից, թե նա ում մտերիմն է:

-Իսկ այս պահին, ինչ է ստացվում, որ  չկա՞ն հստակ ապացույցներ՝ վերջինիս արարքին համապատասխան գնահատական տալու համար, թե՞…

-Ես նման բան չասացի: Այս պահին քրեական գործով կատարվում են անհրաժեժտ գործողություններ, գործով ձեռք են բերվում ապացույցներ: Ապացույցները գտնվում են ստուգման եւ գնահատման. հավաքման փուլում, որի արդյունքներից ելնելով էլ՝ մենք կտանք քրեաիրավական գնահատական:

Նկատենք, որ նմանատիպ քրեական գործով, որով որ այս պահին զարմանալիորեն, ( որեւէ կարգավիճակով չի անցնում պարոն Սերոբյանը), ժամանակին նույնատիպ գործով մեղադրվել եւ դատարանով մեղավոր է ճանաչվել Երեւանի կինոյի եւ թատրոնի պրոռեկտորը:

Հ. Գ 

Այս պահի համար թերեւս մեկնաբանություններն ավելորդ են, իսկ թե ինչպիսի ավարտ կունենա ուշագրավ այս քր. գործի թնջուկը՝ NewsMedia.am-ը թեմային կանդրադառնա նաեւ հաջորդ հրապարակումներում:
Հուսանք՝ տիպիկ ընտրովի արդարադատության ժանրի հետ առերեսվելու առիթ չենք ունենա: Հետեւողական ենք լինելու: 

ՆՈՆԱ   ԱԴԱՄՅԱՆ