«Պարոն Վիրաբյանը պետք է զգույշ լինի իր խոսակցությունների մեջ, որովհետեւ մենք ոչ մեկի հետ կապերի մեջ չենք եղել».Ալֆրեդ Աբեդի

«Միշտ փորձել եմ չմտնել պարոն Վիրաբյանի «խաղերի» մեջ, փորձել եմ կառուցողական դաշտում խնդիրները կարգավորել: Սակայն, այս ընթացքում հասկացանք, որ պարոն Վիրաբյանը մեզ այլ տարբերակ չի թողնում, քան իրավական ճանապարհով խնդրին լուծում տալու ճանապարհը: Անդրադառնալով «ՌԻՎԱԼ» ՍՊԸ-ի սեփականատիրոջ` Ռաֆիկ Վիրաբյանի եւ նրա աշխատակիցների կողմից պարբերաբար «ԱՐՄՕՅԼ» ընկերության դեպ տարածվող տարատեսակ խոսակցություններին, մեղադրանքներին, ու ապատեղեկատվություններին, NewsMedia-ի հետ զրույցում ասաց «ԱՐՄՕՅԼ» ընկերության գլխավոր տնօրեն ԱԼՖՐԵԴ ԱԲԵԴԻՆ:

-Մենք միշտ էլ կողմնակից ենք եղել, որպեսզի ցանկացած հարց եւ խնդիր լուծվի իրավական ճանապարհով, եւ օրենքի կետին ու տառին համապատասխան: Հավանաբար տեղյակ եք, որ արդեն իսկ պարոն Վիրաբյանի անօրինական այգին, իր կողմից զավթած հանրային նշանակություն ունեցող տարածքը կալանքի տակ է` դատական ակտերի հարկադիր կատարողների կողմից: Ավելին, նրա նկատմամբ հետախուզում է հայտարարվել, քանի որ պարոն Վիրաբյանին պատկան մարմինները չեն կարողանում գտնել: Եւ շատ հետաքրքիր է, եթե պարոն Վիրաբյանը, այդ առթիվ այլ հակափաստարկներ, կամ ասելիք ունի, ապա ինչո՞ւ է թաքնվել , ի՞նչն է պատճառը…

Ցավոք սրտի, այսքան ժամանակ նրանց հիմնական բան ու գործը եղել է, մեր մասին սուտ ու կեղծ տեղեկություններ տարածելը, ովքեր փորձել են անվանարկել մեր գործունեությունը: Առաջին իսկ օրվանից բղավում էին նավթ ենք մշակում, սա ենք անում, նա ենք անում՝ սուտ տեղեկություն տարածելով, սուտ գիտնական բերելով , անընդհատ փորձում էին խոչընդոտել մեր ընկերության աշխատանքները:

Նույն Վիրաբյաններն էին անընդհատ բարձրաձայնում, որ «ԱՐՄՕՅԼ» -ը կալանքի տակ է, ապօրինի գործունեություն է կատարում, եւ այլն, եւ այլն:
Հիմա նույն պարոն Վիրաբյանին պատկանող ընկերության տարածքի մի մասն է կալանքի տակ է, եւ նա է, որ պատասխանատվությունից խուսփելու համար գնացել՝ թաքնվել է:
Երբ որ մեր ընկերության վրա կալանք դրեցին՝ մենք դիմեցինք դատարան, ներկայացրեցինք համապատասխան փաստաթղթերը, եւ այդ կալանքը վերացվեց: Այսինքն տրամադրված սուտ տեղեկությունները ջրի երես դուրս եկան, եւ մեր ընկերության վրա դրված կալանքը դուրս եկավ՝ ընդամենը երեք օրվա ընթացքում: Մինչդեռ արդեն մեկ ամիս է, ինչ պարոն Վիրաբյանը թաքնվում է. եթե նա փաստեր ունի՝թող տանի ինքն էլ ներկայացնի դատարան եւ ապացուցի, որ անմեղ է: Պատասխանատվությունից խուսափելով՝ ինքը ոչնչի չի հասնելու : Այս ընթացքում մենք այս խնդրի առնչությամբ տարբեր տեղեր ենք դիմելու. ես նույնիսկ դիմելու եմ այն երկրներին, որտեղ ըստ պարոն Վիրաբյանի, արտահանվում են իրենց ընկերության կողմից արտադրաված չրերը: Տեսնենք այդ չրերը էկոլոգիապես իսկապես մաքուր ե՞ն, թե՞… Պետք է հասկանանք՝ թե ով է նրանց սերտիֆիկատ տրամադրել՝ նման գործունեություն ծավալելու համար:

Ստորեւ ներկայացնում եք այն լուսանկարները, ուր ակնհայտ երեւում է թե ինչ պայմաններում է արդարության եւ էկոլոգիական խնդիրների ջատագով Ռաֆիկ Լիպարիտի Վիրաբյանին պատկանող ընկերությունը՝ զբաղվում չրերի արտադրությամբ: Թերեւս մեկնաբանություններն ավելորդ են:

Իսկ այն հարցին, թե այս պատմության համատեքստում, ի՞նչ կերպ է վերաբերում Ալֆրեդ Աբեդին, երբ փորձ է արվում իրենց անունը կապել նախկին իշխանությունների հետ, վերջինս արձագանքեց.

–Հիշեցնեմ, որ նախկին իշխանությունների օրոք՝ մեր գործունեությունը դադարեցվել էր, եւ դրանով կարծում եմ ամեն ինչ ասված է:
Ավելի լավ է փորփրեն պարոն Վիրաբյանի անցյալը , եւ տեսնեն, թե իր ապօրինի այգին, որը մինչեւ 2018 թվականի հոկտեմբերը անօրինական ձեւով աշխատել է (նախկին իշխանությունների օրոք)ո՞նց է աշխատել, ո՞նց է ինքը նախկին իշխանությունների օրոք տարածք զավթել, եւ բիզնես արել: Վերջապես պարոն Վիրաբյանը պետք է զգույշ լինի իր խոսակցությունների մեջ, որովհետեւ մենք ոչ մեկի հետ կապերի մեջ չենք եղել: Եւ փաստը նա է, որ 2016 թվականի երկրորդ եռամսյակում, այդ նույն նախկին իշխանության օրոք, մեր գործարանի շինարարությունը դադարեցվել է:

Ուշագրավ այլ մանրամասներ՝NewsMedia-ի Տեսանյութում: 

NewsMedia.am 

Լուրեր Հայաստանից եւ աշխարհից