Տաթևիկը գնում է անհրաժեշտ դեղերը, իհարկե, որոնք կարողանում է, մնացածը շատ թանկ են լինում, զանգահարում և այցելում է Առողջապահության, սոցապ նախարարություններ, ամեն տեղ պատասխանում են ոչնչով չեն կարող օգտակար լինել

Եթե իրավիճակն այսչափ ծայրահեղ չլիներ, հաստատ այս նյութը չէր լինի: ՖԲ-ում կան օգտատերեր, ովքեր ամեն օր պարտաճանաչ գրում են բոլոր դրական փոփոխությունները, որոնք կատարվել են առողջապահության և սոցիալական ոլորտներում, սակայն այդ բոլոր փոփոխություններն այն ափոփոխներն են, միայն իրականությանը համապատասխաում է այն, որ մինչև 18 տարեկան երեխաների բուժումն անվճար է:
Երբ 80 ամյա հայրս, ով երբեք չէր հիվանդացել, ով իր ողջ կյանքը, 16 տարեկանից աշխատել և պարտաճանաչ հարկերը վճարել էր, երբ հայտնվում է այնպիսի առողջական լուրջ խնդրի առաջ, որ արդեն պետությունը պետք է իր պարտքը կատարի, պարզվում է, որ դու շատ էլ իզուր ես արել, որ պետ հարկերը վճարել ես, պետությունը քո հանդեպ խաբեբա է, դու մինիմում պետք է հաշմանդամ լինես, փարոս ունենաս, կամ էլ մեռնես, եթե ուզում ես ապրել, ուրեմն կամ երեխեքդ կամ էլ դու պարտավոր եք վճարել այն բոլոր ծախսերը, որը կպահանջվի արված միջամտությունների դիմաց, այն է 2,5մլն դրամ, եթե իհարկե ուզում ես ապրել, որովհետև անվճար քո երկրում ոչմի ծառայություն չի արվում, որովհետև այն բոլոր վճարները, որոնք պետք է փակվեն, նույնիսկ ամենաբարձր վարձատրվող մահկանացուն չի կարող վճարել, հետևաբար ոլորտը ղեկավարող և ամենաբարձր վարձատրվողներ, մտածեք, որ ամենացածր աշխատավարձը հասցնեք վճարների մակարդակի կամ վճարները ամենացածր աշխատավարձի:
Նկարում երևացող կինն ընդամենը կդառնա 60 տարեկան, սակայն կարծես 80 ամյա կին լինի: Նրա մասին ընկերուհուս՝ Տաթևի զանգը պատմեց, ով հիասթափվել էր և հուզված զանգել օգնության ձեռք մեկնելու այս անօգական կնոջը: Արդեն երեք տարի է Տաթևն ամենօր նրան ուտելիք է տանում Հարապարակի տարածքում , մեկ ամիս առաջ, երբ կրկին ուտելիք է տանում, տեսնում է կինը չկա, այդպես մի քանի օր, անհանգստանում է , գտնում է որտեղ է ապրում՝ Քանաքեռ Զեյթուն համայնքի Ազատության 21Ա ,0-ական սենյակում, լքված, միայնակ , ցրտին անկողնում գամված, hոսանքազրկված,բացարձակ եկամուտ չունեցող ,անտարբերության զոհ Հայկանուշ Փահլևանյանին: Նկարն էլ արված է դեռ մեկ ամիս առաջ Տաթևիկի կողմից:
Արագ վերցնում է կնոջն ու տանում տեղամասային պոլիկլինիկա, նույն պատմությունը, քանի որ հաշմանդամ չէ, փարոսի անդամ չէ, անվճար ոչինչ չի հասնում, բնականաբար Տաթևիկը գնում է անհրաժեշտ դեղերը, իհարկե, որոնք կարողանում է, մնացածը շատ թանկ են լինում, զանգահարում և այցելում է Առողջապահության, սոցապ նախարարություններ, ամեն տեղ պատասխանում են ոչնչով չեն կարող օգտակար լինել, զանգում է քաղաքապետարանի համապատասխան բաժին՝ Զառա Գետիկյանը, խոստանում է օգնել, բայց խաբում է իհարկե, թաղապետարան, կրկին չիկ, զանգահարում է էլեկտրոցանց խնդրում գոնե հոսանքը միացնեն, խոստանում են, բայց էլի ոչինչ և հիմա այս կինը, ով ապրում է միայնակ 4 կամ 5 մետր քառակուսում, ոչ լույս ունի, ոչ հարազատ, ոչ պետություն, որ ունենա մի կառույց, որը կօգնի իր այդ վիճակում հայտնված քաղաքացուն:
Եթե կլինեն կամավորներ, ովքեր կօգնեն տիկնոջը ոտքի կանգնել, որովհետև Տաթևիկն աշխատելու և հեռու ապրելու պատճառով չի կարողանում հաճախ հասնել օգնության,այսպես արդեն մեկ ամիս է վազվզում է, կարող են զանգահարել Տաթևիկին 094507076
095507076 հեռախոսահամարներով, մտածել, ինչպես օգնենք ծայրահեղ աղքատության և հիվանդության շեմին հայտնված անօգնական մեր հայրենակցին:

Արշակ Դաբաղյանի անվան Մայր Մանե ՍՀԿ