Հայտարարություն,Ակտիվիստ Արսեն Նիկողոսյանը հակադարձել է «ԾԻՐԱՆԻ ԳԱՐԴԵՆ » ռեստորանային համալիրի հայտարարությանը

 

Ի պատասխան <<Ծիրանի Գարդեն>> ռեստորանային համալիրի հայտարարության, ես հայտարարում եմ, որ 2020 թ. հունվարի 15-ին ինձ կանչել են իմ աշխատավայր, որպեսզի իմ աշխատավարձի 40 %- ը, ես ստանամ: Ինձ մոտեցել է մենեջերը, հրավիրել իր աշխատասենյակ և բառացի ասել.

-Արսե՛ն ջան, ի՞նչ ես անում, քեզ պետք չի , մի՛ արա այսպիսի բաներ: Մենք նստած մտածում էինք, որ սա ռեստորանային համալիր ա և տարբեր տեսակ հաճախորդներ են գալիս, դու քո աշխատանքի բնույթով տարբեր տեսակ մարդկանց հետ ես շփվում, և դա կարող է իր հետևանքները թողնել: Դու աշխատանքից հեռացված ես քո քաղաքական հայացների հետևանքով:

Այնուհետև ես նույն արտահայտությունը կրկնեցի համոզվելու համար.

-Փաստորեն ինձ հանում եք , ո՛չ ավել, ո՛չ պակաս, ՔԱՂԱՔԱԿԱՆ ՀԱՅԱՑՔՆԵՐԻ՞ համար:

-Այո՛,- և հավելեց,- կփորձենք քեզ այլ ռեստորանային համալիրում աշխատանքի տեղավորել :

 

 

Որոշ ժամանակ անց մենեջերը ինձ տեղեկացրեց, որ նա նաև իր ֆեյսբուքյան ընկերների ցանկից է հեռացրել, քանի որ իր սիրտը չի տանում, որ իմ ուղիղ եթերների տակ ինձ հայհոյում են: Խոսակցությունը տեղի է ունեցել իր աշխատասենյակում, որտեղ կա տեսախցիկ: Չհավատալով նրա խոսքերի հավաստիությանը՝ ես հեռանում եմ, բայց մի քանի րոպե անց՝ ժամը 17:45 , ես զանգում եմ մենեջերին և ասում եմ , որ իր հետ ցանկանում եմ զրուցել առանձին: Համաձայնում է: Դարձյալ գնում եմ և խոսելու համար մենք մտնում ենք ռեստորանային համալիրի հարսանյաց հյուրասրահ: Ես իրենից պահանջում եմ, որ ինձ տան այն փաստաթուղթը, որտեղ նշված է, թե ինձ հենց քաղաքական հայացքների համար են հեռացրել: Նշեմ, որ այդ շինության մեջ կան բազում տեսախցիկներ: Նա պատասխանում է, որ այդպիսի թուղթ չի կարող տրամադրել, բայց կարող է ինձ պահել մինչ ամսվա վերջ, որպեսզի աշխատավարձիս վերջնահաշվարկը բարձր լինի:

 

 

Բարկացած հեռանում եմ և լրատվամիջոցների և ուղիղ եթերի միջոցով հանրությանը տեղեկացնում եմ տեղի ունեցածը: Առավոտյան ՝ ժամը 09:08 և 09:36 զանգել է ինձ մենեջերը, որի զանգին չեմ պատասխանե: Հետո ինձ են զանգել տարբեր մարդիկ, որոնք նաև հարազատական կապող օղակ են հանդիսանում մեր միջև: Ինձ խնդրել են , որ հանդիպեմ և մի ընդհանուր հայտարարի գամ ու ջնջեմ այդ տեսանյութը, քանի որ այնտեղ նշել եմ <<Ծիրանի Գարդեն>> ռեստորանային համալիրի անվանումը, որը և իրենց համար խայտառակություն է: Ես հրաժարվել եմ, որովհետև մարդկային գործոնի մեջ չի տեղավորվում, որ մարդուն կարելի է հեռացնել քաղաքական հայացքների և սուբյեկտիվ կարծիքի համար: Ի՞նչ է նշանակում, մարդուն քարկոծել, զրկել աշխատանքից, հաց վաստակելու իրավունքից, ազատ խոսքի իրավունքը ոտնահարել քաղաքական փաստեր ներկայացնելու համար: Համենայն դեպս տեղի ունեցածը ես չեմ որակում որպես սեփականատերերի միջնորդություն և ավելի քան վստահ եմ, որ սեփականատերերը տեղյակ չեն ու չեն եղել այն ամենից, ինչ որ տեղի է ունեցել ինձ հետ: Դուք գրառում եք կատարել Ձեր՝ <<Ծիրանի Գարդեն>> ռեստորանային համալիրի ֆեյսբուքյան էջում նշելով, որ ինձ աշխատանքից քաղաքական հայացքների համար չէ, որ հեռացրել: Սա ևս մեկ ապացույց է, որ հնարավոր է՝ մենեջերը , անձնական մոտիվներից ելնելով, արտահայտել է իր սուբյեկտիվ կարծիքը կամ մի քանի հոգու կողմից ուղորդված քայլ է կատարել:

 

 

Այո՛, եթե ես չեմ սխալվում, հենց այս պահին էլ հանդիսանում եմ այդ ընկերության գրացված աշխատողը: Ես վստահ հայտարարում եմ, որ ինձ օրինական ճանապարհով չեն հեռացրել, այլ մենեջերի բանավոր ասածով: Ու այսպե՞ս ենք ստեղծելու օրինավոր երկիր: Անկախ ամեն ինչից ես այդ ռեստորանային համալիրում իմ ապրուստի միջոցն եմ վաստակել և դրա համար հայտնում եմ իմ շնորհակալությունը ռեստորանային համալիրի սեփականատերերին: Իմ աշխատանքը ես կատարել եմ սրտանց, ազնվորեն և բարեխիղճ: Ձեր ֆեյսբուքյան գրառումը չի պարունակում ճշմարտության տարր: Եթե ցանկություն կունենա տնօրենությունը կամ մենեջերը այս ամենի շուրջ մանրամասն զրուցելու, բոլորին հրավիրում եմ բաց հարթակ՝ մամուլի ասուլիս միասին կազմակերպելու : Քանի որ իմ օրգանիզմը չի ընդունում <<սուտ խոսելը, քծնելը>>, ես պարզ մարդավարի, քրիստոնեավայել ցանկանում եմ ամենայն բարիք Ձեր ռեստորանային համալիրին:

 

 

Հուսով եմ ինձնով կվերանան մենեջերի կողմից հնչեցրած այն  

արտահայտությունները, որ քաղաքական հայացքների համար կարելի է մարդուն աշխատանքից հեռացնել: Կյանքում փառք չկա, որ հավերժ է, և մի օր էլ այս քաղաքական ռեժիմը կհեռանա իր գաղափարներով: Շնորհակալություն:

 

 

Հարգանքներով՝ Արսեն Նիկողոսյան: