VIDEO.Մեկնարկեց LIVEnews.am-ի լրագրող Թագուհի Ասլանյանն ընդդեմ ՀԽ նախագահ Ստյոպա Սաֆարյանի`դատական առաջին նիստը

Այսօր Երևան քաղաքի ընդհանուր իրավասության դատարանի Արաբկիրի նստավայրրում մեկնարկեց  LIVEnews.am-ի լրագրող Թագուհի Ասլանյանն ընդդեմ ՀԽ նախագահ Ստյոպա Սաֆարյանի դեմ դատական առաջին նիստը։ Մեր գործընկերուհին ՀԽ նախագահ Ստյոպա Սաֆարյանից պահանջում է անձնական վիրավորանք հասցնելու համար հրապարակային ներողություն և փոխհատուցում։

Նախնական դատական նիստին ներկայացել էին հայցվոր` Թագուհի Ասլանյանի ներկայացուցիչ՝ փաստաբան Լուսինե Վիրաբյանը, պատասխանող Ստյոպա Սաֆարյանը,  եւ նրա ներկայացուցիչը:

Կողմերը նախ անդրադարձան հայցի հիմքին եւ պահանջներին: Հայցվոր կողմի ներկայացուցիչ՝ փաստաբան Լուսինե Վիաբյանը,  դատարանին ներկայացրեց, որ պատասխանող Ստոյպա Սաֆարյանը վիրավորել է իր վստահորդին, ասելով. «Ես չեմ համենում։ Ինձ հրավերներ մի ուղարկեք ո՛չ սաունաների, ո՛չ ձեր տարածքների, ո՛չ ձեր տների, դուք իմ կինը չեք, որ ինձ որևէ տեղ հրավիրեք, իմ կինը կարող է ինձ տեղ հրավիրել»: Միառժամանակ նշելով, որ վիրավորանքը ուղղված էր՝  կոնկրետ  լրագրողի անձին:

Փաստաբանը դատարանին ներկայացրեց, որ վերոնշյալ վիրավորական արտահայտությունները արձանագրել են նաեւ մի շարք լրատվամիջոցներ, որոնք էլ տարածվել են համապատասխան լրատվամիջոցներով: Եւ որ հիմա էլ,   դիմել են դատարան որպեսզի դատարանը պարտավորեցնի Ստոյապա Սաֆարյանին` հրապարակային ներողություն խնդրել,  իսկ  բարոյական վիրավորանքի համար վճարել՝ 1 մլն դրամ, որպես փոխհատուցում։

Նիստի առավել ուշագրավ, երբեմն նաեւ ծիծաղել դրվագներին ծանոթացեք,NewsMedia.am-ի  Տեսանյութերում: