«Կերամա Մարացի» ընկերությունում սեփականատերերի կողմից մեկ այլ քաղաքացի նույնպես խոշտանգվել է. սրիչով կտրել են դաստակներն ու հոսանքահարել, իսկ իրավապահները 2 տարի է՝ տեղում դոփում են. ՏԵՍԱՆՅՈՒԹԵՐ

SHAMSHYAN.com-ը մարտի 4-ին տեսանյութ էր հրապարակել, որով «Կերամա Մարացի» ընկերության աշխատակիցը հայտնել էր, որ ինքը խոշտանգման է ենթարկվել նշված ընկերության սեփականատերերի կողմից։

Այսօր՝ մարտի 18-ին, SHAMSHYAN.com-ը ներկայացնում է փաստաբան Գեորգի Մելիքյանի հարցազրույցը, ինչպես նաև մեկ այլ քաղաքացու հարցազրույցը, ով նույնպես աշխատելով «Կերամա Մարացի» ընկերությունում, խոշտանգման է ոչ միայն խոշտանգման է ենթարկվել, այլև տարել է հոգեբանական ծանր ապրումներ։

Ինչպես հայտնում է ֆոտոլրագրող Գագիկ Շամշյանը, խոշտանգված քաղաքացին ցույց է տալսի իր ձեռքերի դաստակները, որոնց վրա կան բազմաթիվ սպիներ, ովքեր, ըստ քաղաքացու հայտնածի, կատարել են «Կերամա Մարացի» ընկերության սեփականատերերը նշված ընկերությունում։ Անգամ հոսանքահարել են քաղաքացուն ու արդեն 2 տարի է՝ իրավապահները նշված քրգործը բացահայտելու, խոշտանգողներին հայտնաբերելու ուղղությամբ կարծես թե ոչինչ չեն ձեռնարկում։ Նրանք 2 տարի է՝ տեղում դոփում են։

Ավելի վաղ հայտնել էինք, որ մարտի 4-ին SHAMSHYAN.com է դիմել Արարատի մարզի բնակիչ՝ 53-ամյա Արմեն Գյուրջյանը, ով իր զայրույթն էր հայտնել, որ ոստիկանության Քանաքեռ-Զեյթունի բաժնի ծառայողները արդեն մի քանի օր է, փորձում են հոգեբանական ճնշմամբ, երբեմն էլ՝ ահաբեկելով, իրեն ստիպել, որպեսզի նա հրաժարվի մարտի 2-ին ոստիկանության Քանաքեռ-Զեյթունի բաժնում տված հայտարարությունից։

Ինչպես հայտնել էր ֆոտոլրագրողը, Ա. Գյուրջյանը այդ օրը Քանաքեռ-Զեյթունի ոստիկանություն էր դիմել փաստաբան Գեորգի Մելիքյանի հորդորով, երբ իր հետ կատարված միջադեպի մասին նա տեղեկացրել էր փաստաբան Գ. Մելիքյանին, և վերջինս էլ, լսելով նրան, ով, ի դեպ, մեկ այլ աղմակահարույց գործով տուժողի փաստաբան է, հորդորել էր Ա. Գյուրջյանին, որ նա դիմեր ոստիկանություն։

Գ. Շամշյանի տեղեկություններով՝ Ա. Գյուրջյանը ոստիկանության Քանաքեռ-Զեյթունի բաժին հայտնել էր, որ ինքը 2006-2018 թվականներին աշխատել է «Լիա Կերամիքս» ՍՊԸ-ում՝ որպես պահեստապետ և 2017 թվականի դեկտմբերի 22-ին Քանաքեռ-Զեյթուն վարչական շրջանի Դավիթ Անհաղթի փողոցի 8 հասցեում «Կերամա Մարացցի» խանութի պահեստում նշված ՍՊԸ մասնաճյուղերից մեկի տնօրեն, ոմն Ռուբոն ծեծի էր ենթարկել իրեն, իսկ արդեն 2018 թվականի հունվարի 9-ին նույն հասցեում Ռուբոն և իրեն անծանոթ մի քանի անձինք ծեծի էին ենթարկել իրեն։