«Այդ հասարական կազմակերպությունը որեւէ տեղից չի ֆինանսավորվում».ֆինանսավորման որեւէ աղբյուրների հետ առնչություն երբեք չեմ ունեցել

NewsMedia.am-ը սկսում է շարք, թե ՀՀ-ում գործող ՀԿ-ները ի՞նչ գործունեություն են ծավալում, նրանցից շատերը ի՞նչ նպատակ են հետապնդում,  եւ ինչ կերպ են կարողանում միջոցներ հայթայթել, եւ նպատակային գործունեություն ծավալել: 

Հայտնի է, որ Ազգային ժողովի «Իմ քայլը» խմբակցության պատգամավոր, Շիրակի մարզի նախկին փոխմարզպետ Սոֆյա Հովսեփյանը եւս, հասարական գործունեություն է ծավալում, ում հետ էլ հենց այս հարցադրումով սկսվեց մեր զրույցը:

Եւ այն հարցին, թե հիմա էլ է՞ ակտիվ Սոֆյան Հովսեփյանը հասրարակական  գործունեության ոլորոտում  եւ շարունակո՞ւմ է ղեկավարել ( «Ինովացիոն եւ տեխնոլոգիական համայնք») ՀԿ-ն, տիկին Հովսեփյանը նախ արձագանքեց.

-Ես չգիտեմ, թե ով է Ձեզ նման բան ասել, ներողություն եմ խնդրում, իհարկե Ձեզանից, բայց բավականին տխմար բան են ասել:

-Ի՞նչով է տխմար տիկին Հովսեփյան:

-Այն առումով, որ ես հասարական կազմակերպության հիմնադիր անդամ եմ, ոչ թե է ղեկավար: Շատ տարիներ առաջ՝ սահմանամերձ համայնքներում բացված եռաչափ մոդելավորման դասընթացների առումով ՀԿ-ն ե՛ւ որեւէ արգելք գոյություն չունի:

-Բայց ո՞վ խոսեց արգելքի մասին. մենք նման բան չասացիք, որ արգելված է, պարզապես ուզում էինք իմանալ, այդպե՞ս է, թե՞ ոչ…

-Այո» ես «Ինովացիոն եւ տեխնոլոգիական համայնք» սոցիալական հասարակական կազմակերպության հիմնադիրն եմ, որը եռաչափ մոդելավորման դասընթացներ է անցկացրել:

-Իսկ ինչպե՞ս է ֆինանսավորվում ՀԿ-ն՝ գործունեություն ծավալելու համար:

-Այդ հասարական կազմակերպությունը որեւէ տեղից չի ֆինանսավորվում. առաջին ծրագիրը Եվրոմիությունից է ֆինանսավորվել: Դրանից հետո հիմնականում ինքն իրեն. այսինքն այն երեխաները, ովքեր սովորել են, հետագայում պատվերներ են վերցրել` աշխատելով արդեն, որպես եռաչափ մոդելավորողներ: Ֆինանսավորման որեւէ աղբյուրների հետ առնչություն երբեք չեմ ունեցել, բացի ներդրումներ անելուց:

-Նաեւ ներդրումներ ե՞ք իրակացրել:

-Ժամանակին այո, որովհետեւ դա սոցիալական ձեռնարկատիրություն է, եւ շահույթ չի հետապնդում: Այսինքն իր ունեցած գումարը՝ ամբողջությամբ գնում է համայնքների ծրագրերի զարգացմանը( այսինքն համաֆինանսավորումով է եղել), որը մենք գիտակցված արել ենք, որպեսզի մարզերում մարդիկ սովորեն : Վերջին երկու տարվա ընթացքում, հիմնական գործունեությունը սեփական միջոցներով իրականացրել է նախագահը` Սավել Խաչատրյանը:

-Որպես պատգամավոր հասցնում ե՞ք համատեղել հասարակական գործունեությունը՝օրենսդիր գործունեության հետ:

-Ես որեւէ բան չեմ անում. ես համահիմնադիր եմ ընդամենը: Ես միայն զբաղվում եմ պատգամավորական գործունեությամբ: Ես ամեն ինչը թափանցիկ ներկայացրել եմ, ես համահիմնադիր եմ, որի իրավունքը լիրարժեք ունեմ:

Պատրաստեց՝ ՆՈՆԱ ԱԴԱՄՅԱՆԸ

NewsMedia.am 

Լուրեր  Հայաստանից եւ աշխարհից