Անհատ ձեռներեց Կարեն Զաքարյանը այցելեց հաշմանդամ տղամարդուն.«Ես ուզում եմ քայլել, եւ իմ աշխատանքով հալալ հացս վաստակել»

NewsMedia.am-ը առիթ ունեցել է անդրադառնալու Այնթապ համայնքի բնակիչ Գեղամի Հակոբյանի առողջական եւ սոցիալական պայմաններին: Իրականում ծայրահեղ պայմաններում ապրող Գեղամ Հակոբյանը, ում երկու ոտքերն անդամահատված են, երկար ժամանակ է՝ սուր ցավերի պատճառով չի կարողանում աշխատել: Նա մի շարք դռներ է թակել.հույս ունենալով, որ նրան կաջակցեն, կօգնեն ոտքի կանգնել եւ ինքնուրույն օրվա հացը վաստակել: Բայց, ինչպես մեր զրուցակիցն է արցունքն աչքերին պատմում. «Միայն խոստումներ են եղել. բոլոր դռները փակում են իմ առաջ: Ոչ ոք խնդրովս չի զբաղվում: Հույսս լրատվամիջոցներն են, որ գոնե լրատվամիջոցներով բարի մարդիկ կիմանան իմ խնդրի մասին ու կօգնեն. ձեռք կմեկնեն: Ես գումար չեմ ուզում, ես բուժվել եմ ուզում, ուրիշ ոչ մի բան»:

Գեղամի դառը կյանքի պատմությունը, նրա այսօրվա անօգնական վիճակը անտարբեր չի թողել անհատ ձեռներեց Կարեն Զաքարյանին, ով հետեւելով մեր հրապարակումներին՝ պատրաստակամություն էր հայտնել օգնելու ծանր իրավիճակում

Կարեն Զաքարյանի արձագանքից հետո, խմբագրությունը կապ հաստատեց Գեղամ Հակոբյանի հետ եւ նրան թույլտվությունը ստանալուց հետո՝ արդեն այսօր այցելեցինք հիվանդանոցից նոր դուրս գրված Գեղամ Հակոբյանին:

Արարատի մարզի Այնթապ համայնքում փողոցից ներս ընկած հատվածում էր տեղակայված Գեղամի ցուրտ, քարաշեն տնակը: Տան տանիքը շարքից դուրս էր եկել, իսկ խոնավ պատերին՝ անցքեր էին առաջացել: Մոտեցանք տանը, խարխուլ, խոնավ սենյակում, մահճակալին պատսպարված նստած, մտածկոտ հայացքով մեզ դիմավորեց Գեղամը, ում աչքերում կարծես լույսի շող բոցկլտաց ՝ տեսնելով որ իրեն այցի են եկել:
Անհատ Ձեռներեց Կարեն Զաքարյանը, ով իր հետ պարենային օգնություն՝ նպարեղեն, քաղցրավենքիք հրուշակեղեն, հյութեր, բանջարաբոստանային կուլտուրաներ էր բերել,տեսնելով Գեղամի հուզված եւ շնորհակալ հայացքը, լուռ առողջություն եւ լավատեսություն մաղթեց Գեղամին եւ իր պատրաստակամությունը հայտնեց հաջորդիվ եւս օգտակար լինելու ՝հաշմանդամ տղամարդուն:

Մանրամասները NewsMedia.am-ի տեսանյութում:

Հ. Գ Բոլոր այն մարդիկ,  ովքեր ցանկություն կունենան ձեռք մեկնել հաշմանդամ եւ անօգնական վիճակում հայտնված Գեղամ Հակոբյանին, կարող են կապ հաստատել անձամբ նրան հետ. հետեւյալ հեռախոսահամարով  (.095) 3236 98: