Պանդեմիայի տարածման չափերը` ՀՀ-ում մեղմ է ընթանում. համենայնդեպս մինչ այս պահը.ՀՀ առողջապահության նախկին նախարար

Կորոնավիրուսը օդակաթիլային ճանապարհով փոխանցվող վարակ է, որի կանխարգելումը բավականին բարդ է. Նախկին նախարարը կորոնավիրուսի վտանգավորության եւ ՀՀ-ում առկա իրավիճակի մասին

Նոր` COVID-19 կորոնավիրուսի վտանգավորության, ՀՀ-ում առկա իրավիճակի եւ հնարավոր զարգացումների շուրջ NEWSMEDIA.am-ը զրուցել է Առողջապահության նախկին նախարար Արարատ Մկրտչյանի հետ, ով նախ նկատեց.

-Նախ ուզում եմ ընդգծել, որ Կորոնավիրուսը օդակաթիլային ճանապարհով փոխանցվող վարակ է, որի կանխարգելումը բավականին բարդ է: Եթե մենք աղիքային տարափոխիկ հվանդությունների մասին ենք խոսում. օրինակ դիզենտերիա, տիֆ, խոլերիա, դրանց համավարակների ժամանակ բավականին դյուրին գործիքակազմով հնարավոր է լինում կանխարգելել այդ վարակները: Եվ շատ արագ սահմանափակել՝ տարածումը: Բայց օդակաթիլային ճանապարհով փոխանցվող տարափոխիկ հիվանդությունները՝ միջոցառումների տեսանկյունից. ամբողջ աշխարհում բավականին լուրջ բարդություններ ունեն: Հատկապես մեր ժամանակներում, երբ կոմիկացիան շատ-շատ լայն է, եւ մարդկանց շփումներն էլ՝ շատ մեծ: Դրա համար էլ, նմանատիպի վարակների կանխարգելումը շատ բարդ է: Ինչի մասին վկայում է ողջ աշխարհում այս վարակի տարածումը, և պանդեմիայի արձանագրումը:

Վիրուսի տարածման տեմպերը ՀՀ-ում. նախկին նախարարը բավականին բարվոք համարեց, հույս հայտնելով, որ եթե այս տեմպերով շարունակվի` մեր բնակչությունը հաղթանակած դուրս կգա իրավիճակից.

-Այն ցուցանիշները, որոնք որ հրապարակվում են մեզ մոտ, կարելի ենթադրել, որ բավականին բավոք սցենարով է մինչեւ այս պահը ընթանում համավարակի զարգացման տեմպերը: Եթե մենք կարողանանք հիվանդացության կորագիծը ձգել` այսինքն ոչ թե կտրուկ աճ տեղի ունենա, այլ հնարավորինս կորագիծը լինի հարթ, ապա կարող ենք ասել, որ կայուն իրավիճակ է մեզ մոտ: Այսինքն` ամեն օր հրապարակվող թվերը կտրուկ ընթացք չունենան. օրինակ, ինչպես այսօր, երբ արձանագրվել 25 նոր դեպք. մենք կխուսափենք բավականաչափ լուրջ խնդիրներից: Ինչպիսին են օրինակ եվրոպական երկու երկրներում` Իտալիայում եւ Իսպանիայում: Ինչ վերաբերում է բարդացված դեպքերին եւ ռիսկային խմբերին, ապա պաշտոնական տեղեկատվության համաձայն, երկու հոգի է այսօր ծանր վիճակում գտնվում, որոնց կյանքին սպառնացող վտանգ կա: Այս փուլում այս երկու դեպքը` ըստ իս խուճապային չպետք է դիտարկենք, որովհետեւ հաշվի առնելով ամբողջ աշխարհում պանդեմիայի տարածման չափերը` մեզ մոտ ՀՀ-ում այն մեղմ է ընթանում, համենայնդեպս մինչ այս պահը: Հույս ունեմ, որ այն այդ տեմպերով էլ կընթանա, որովհետեւ բոլոր քայլերը իշխանությունների ադեկվատ են տվյալ իրավիճակում:

ՆՈՆԱ ԱԴԱՄՅԱՆ 

NewsMedia.am 

Լուրեր  Հայաստանից եւ աշխարհից