«Ինչ-որ մի բանով` թեկուզ մակարոն լինի, հաց լինի… ինչ էլ լինի խնդրում եմ աջակցեք».Երեք անչափահաս երեխաների մայրը դիմում է բարի մարդկանց

NewsMedia.am-ը շարունակում  է անդրադառնալ սոցիալապես անապահով ընտանիքների ահազանգերին` ուղղված խմբագրությանը: Այս անգամ մեզ է  դիմել Երեւան քաղաքի բնակչուհի,   երեք անչափահաս երեխաների մայրը` 22-ամյա Մերին, ում փոքրիկները ինչպես վերջինս մեզ   հետ զրույցում ասաց. այս օրերին` սովի են մատնված:

- Ունեմ երեք բալիկ, որից մեկը տառապում է սրտի արատով: Ապրում եմ վարձով` ամուսնուս եւ երեխաներիս
հետ: Այս պահին ամուսինս զրկված է աշխատանքից. շինարության վրա է աշխատում, իսկ դա գիտեք` սեզոնային է: Այս պահի դրությամբ ահավոր, ծայրաստիճան վատ վիճակում ենք, կարող  եք գալ ինքներդ տեսնել. եթե մի կտոր ուտելու բան կա` ամոթ լինի մեզ:

- Քանի՞ տարեկան են փոքրիկները:

-  4, 3,  եւ 1.5 տարեկան են երեխաներս: Ամենափոքրիս  մոտ էլ՝ ութ ամսականում հայտնաբերել են  սրտի պրոբլեմ: Հնարավոր է վիրահատման խնդիր առաջանա,
դեռ չգիտենք:

Այսպես է հիվանդության անունը. միջփորոքային դեֆեկտ: Երեք շաբաթը մեկ՝  տանում ենք. ասում են, որ եթե փոփոխություն չլինի`
պետք է շտապ վիրահատենք: Հիմա մեր  խնդիրը երեխաներին կերակրելն է:

- Իսկ նպաստ,կամ  թոշակ ստանում ե՞ք:

- Ոչ, ոչ մի բան, ամբողջ հոգսը ամուսնուս վրա է, ինքն էլ հիմա չի աշխատում: Խնդրում ենք բարի մարդկանց՝ ինչքանով որ հնարավոր է օգնեն, ինչ էլ լինի   մենք շնորհակալ կլինենք : Ինչ-որ մի բանով` թեկուզ մակարոն լինի,  հաց լինի… ինչ էլ լինի խնդրում եմ աջակցեք` իմ երեխաներին, ուղղակի շատ-շատ եմ խնդրում:

Ընտանիքի  հետ կարող եք կապ հաստատել՝ (098)  901561 հեռախոսահամարով: