VIDEO.Ոստիկանության համար արդեն նշանակություն չունի՝ ում է խոշտանգում. տերտեր կլինի, տարիքով տղամարդ կլինի, թե…Ես չեմ կարողանում հասկանալ. էլ ի՞նչ է պետք Փաշինյանին հասկանալու, որ «ստավկեն» կատարել է ոչ պրոֆեսիոնալ կադրի վրա

«Այս էլ, արդեն որեորդ դեպքն է` Փաշինյանի հայտարարությունից հետո, թավշյա Հայաստանում խոշտանգումները լավ էլ իրենց հունով զարգանում են: Որքանով որ տեղեկացա. խոշտանգաման է ենթարկվել նաեւ Մայր Աթոռի հոգեւոր հայր: Այսինքն Ոստիկանության համար արդեն նշանակություն չունի՝ ում է խոշտանգում. տերտեր կլինի, կթվորուհի կլինի, տարիքով տղամարդ կլինի, թե…Ես չեմ կարողանում հասկանալ. էլ ի՞նչ է պետք Նիկոլ Փաշինյանին՝ հասկանալու, որ իր ոստիկանությունը չի փոխվել», -մեզ հետ զրույցում անդրադառնալով ոստիկանության Սիսիանի բաժնում բռնությունների գործադրման վերաբերյալ ահազանգած քաղաքացու դեպքին, ասաց ՌՈ նախկին աշխատակից ՎԱՐԴԱՆ ՂՈՒԿԱՍՅԱՆԸ, միառժամանակ ընդգծելով.

-Այսինքն նա հասկանում է, ուղղակի չի ընդունում: Նա կընդունի այն ժամանակ, երբ ոստիկանության մի բաժնում կոնկրետ մեկը կմահանա: Ինչպես օրինակ, Ոստիկանության Շենգավիթի բաժնում մեկը լուսամուտից թռավ «գաբռլամիշ » եղավ: Այ տենց մեկը պետք նորից ընկնի, որ Նիկոլ Փաշինյանը վերջապես հասկանա, որ իր ոստիկանությունը, իր ոստիկանապետը տեղում չի: Երբ Նիկոլ Փաշինյանը կհասկանա, որ իր ոստիկանապետը տեղում չի, որ ինքը իր ա «ստավկեն» կատարել է ոչ պրոֆեսիոնալ կադրի վրա:

-Փաստորեն ոստիկանությունը մերժում է «Նիկոլ Փաշինյանի թավիշը »…

-Ե՛ւԴատախազությունը, ե՛ւ Քննչականը ե՛ւ ՀՔԾ-ն վաղուց մերժել են:

-Ըստ Ձեզ Նիկոլ Փաշինյանին չե՞ն զեկուցում, թե ինչ է կատարվում, թե՞…

-Քսանմեկերորդ դարում պարտադիր չէ, որ զեկուցեն. պետք է ընդամենը մտնել համացանց: Իսկ Նիկոլ Փաշինյանը համացանցի մարդ է, եւ առանց զեկուցելու էլ պատկերը ակնհայտ է: Էս հո խորհրդային միությունը չի՞.մտնում ես ինտերնետ՝ այնտեղ ամեն ինչ կա, էլ ի՞նչ զեկուցեն:

-Ի դեպ, հետաքրքիր էր իմանալ, ի՞նչ կարծիք ունեք փոխոստիկանապետ Հայկ Մհրյանի մասին:

-Ոչ մի բացասական բան չեմ կարող ասել. ես գիտեմ, որ նա պրոֆեսիոնալ կադր է: Ժամանակին նա հեռացավ ոստիկանական համակարգից՝ խոսքը վերաբերում է ամենայն հայոց ոստիկանապետ Վլադիմիր Գասպարյանի պաշտոնավարման տարիներին: Ի դեպ, օգտվելով առիթից, քանի որ այդ ասուլիսին ներկա էր նաեւ Աշոտ Ահարոնյանը՝ ես ուզում եմ Ձեզ տրամադրել մեկ ձայնագրություն եւս՝ կապված Աշոտ Ահարոնյանի հետ, որը իմ կարծիքով հետաքրքիր նյութ կլինի եւ կարող եք տեղադրել՝ ուսումնասիրելուց հետո իհարկե: Հույս ունենալով, որ Նիկոլ Փաշինյանը այս անգամ գոնե օբյեկտիվ կգտնվի:

ՌՈ նախկին աշխատակցի հետ զրույցի ուշագրավ հատվածները՝ Տեսանյութում: