ՁԱՅՆԱԳՐՈՒԹՅՈՒՆ.«Ասեց հեսա քեզ գյուլլում եմ՝ տանեմ գցեմ ընդեղ, հետո ասեմ փախել ա՝ խփել եմ».Սիսիանի ոստիկանության բաժնում խոշտանգված տղամարդը մանրամասներ է պատմում

NewsMedia.am-ի զրուցակիցն է Սիսիանի ոստիկանության բաժնում բաժնում՝ ծեծի ենթարկված 60-ամյա Գառնիկ պապիկը, ով մանրամասն ներկայացրել է, թե ինչ է իր հետ կատարվել ոստիկանության Սիսիանի բաժնում.

-Ինձ բաժնում ծեծել է ոստիկանության բաժնի պետը, առաջին անգամ եմ տեսել:

-Այսինքն, Սիսիանի ոստիկանության ժպ-ն՞:

-Այո:

-Ինչի՞ համար: 
-Իբր վեշ եմ գողացել, ասում էր ո՞ւր, է ու ավել-պակաս հայհոյանքներ, սկսեց խփել: Ասում ա մեկա դատված ես: Ասեցի հա, ասեց լավ՝ էդ հերիքա: Ասեց գրի՝ որ դու ես տարել: Ասեցի, հա ես գրում եմ, որ ես եմ տարել, բայց չես ասում. եղածն ո՞ւր է:

-Այսինքն ստիպում էր Ձեզ, որ սուտ ցուցմունք գրե՞ք:

-Այո:

-Իրականում ի՞նչ գողության մասին էր խոսքը:

-Չգիտեմ, իբր սումկա էր, թե ինչ է եղել մեջը՝ չգիտեմ:

-Ոստիկանության բաժնում ե՞ն Ձեզ ծեծել:

-Հա, իր սենյակում: Մի հատ էլ մայոր կար՝ իրա տեղակալն էր, ինքն էլ կողքը:

-Ո՞նց էր ծեծում, ձեռքերով, թե՞ …

-Ոտքով, ձեռքով, կարտոնով էր խփում: Հետո փայտի քանոնը ջարդվեց, երկաթի քանոնը վեկալավ…Ջուրը լցնում էր գլխիս, ու խփում: Ասեց. հեսա քեզ գյուլում եմ՝ տանեմ գցեմ ընդեղ, հետո ասեմ փախել ա՝ խփել եմ…
Ասեցի արա, ոնց ցանկությունդ է՞:

-Դա ոստիկանապետի ժպ-ն է՞ր ասում:

-Այո:

-Ի՞նչ հայհոյանքներ էր տալիս:

-Ասում էր այ բ…ի տղա, այ…տենց հայհոյանքներ:

-Ինչո՞ւ էր ջուր լցնում Ձեզ վրա:

-Իրան հարցրեք, ջուրը լցնում էր գլխիս՝ խփում էր: Ա սում էր հլը հեսա իջացնելու եմ պադվալ՝ ավելի վատ պատիժներ տամ քեզ:

-Ի՞նչ վնասվածքներ ունեք:

-Ականջներս է ցավում, գլուխս է պտտվում. կողքերս է ցավում, հիմնականը գլուխս է:

-Կատարվածից հետո փորձել ե՞ն Ձեզ հետ խոսելմ կապի դուրս գալ:

-Մարդիկ են եկել՝ ասում էին մի բողոքի:

-Ովքեր էին այդ մարդիկ, ոստիկանության աշխատակիցնե՞ր, թե՞՚՚…

-Չգիտեմ, միգուցե «տայնի» մարդիկ էին , ես չգիտեմ…

-Ի վերջո, պարզվե՞ց ով էր այդ գողությունը արել:

-Պարզվեց…Լսել եմ, որ գտնվել ա, լսել եմ:

-Որտեղի՞ց են Ձեզ տարել գողության կասկածանքով:

-Տնից, մտան տունը՝ գոմով, կրիշով սաղ նայեցին, հետո տարան գիշերը պահեցին, առավոտ էլ բաժնի պետն էկավ՝ ու սկսեց հայհոյանքներ տալը, ծեծելը:

Ձայնագրությունը՝ներկայացնում ենք ստորեւ:

NewsMedia.am 

Լուրեր Հայաստանից եւ աշխարհից