«Քրեական հետապնդման մարմինները ջանում են արդարացնել` քաղաքացուն նվաստացնող եւ ծեծի ենթարկող ոստիկանների արարքները».Նոր մանրամասներ Հարավ-արեւմտյան թաղամասում տեղի ունեցած դաժան միջադեպի գործով

NEWSMEDIA.am-ը անդրադարձել էր ազատամարտիկ Վարդան Կարապետյանի որդու՝ 28-ամյա Տիգրան Կարապետյանի հետ Հարավա-արեւմտյան թաղամասում տեղի ունեցած դաժան ու անմարդկային միջադեպին: Երբ ոստիկաները դաժանաբար ծեծել, ապա ստորացնելով ու բռնություն գործադրելով նրան բերման էին ոստիկանության բաժին:

Հիշեցնենք, որ դեպքից հետո, ՀՀ քրեական օրենսգրքի 316-րդ հոդվածի 2-րդ մասով քրեական գործով հարուցվեց, որով որպես մեղադրյալ ներգրավվեց Տիգրան Կարապետյանը:

Հիշեցնենք նաեւ, որ կատարվածից հետո, Տ. Կարապետյանն էլ իր հերթին ՀՔԾ հաղորդում էր ներկայացրել՝ ոստիկանության ծառայողների կողմից իր նկատմամբ բռնություններ կատարելու վերաբերյալ, որով ճանաչվել է տուժող:

Ի՞նչ ընթացքի մեջ է սույն գործը, NEWSMEDIA.am-ը փորձեց հետաքրքրվել մի գործով տուժող, մյուսով՝ մեղադրյալ ներգրավված Տիգրան Կարապետյանի շահերի ներկայացուցիչ, փաստաբան ԳՈՒՐԳԵՆ ՀՈՎՀԱՆՆԻՍՅԱՆԻՑ, ով տեղեկացրեց.

-Դատարանը խափանման միջոց ընտրելու օրը՝ որոշում էր կայացրել Տիգրանին մեկ միլիոն հինգ հարյուր հազար դրամ գրավով ազատ արձակել: Սակայն, նախօրեին ստացել ենք դատախազի կողմից ներկայացված վերաքննիչ բողոք դատարանի որոշման դեմ՝ գրավը անթույլատրելի ճանաչելուհամար:

-Իսկ ի՞նչ է ընկած բողոքի հիմքում:

-Բողոքը հիմնավորված չենք համարում, որովհետեւ Տիգրանը խոշտանգվել է ոստիկանության բաժնում, բայց ՀՔԾ-ում քննվող քր.գործի շրջանակներում, որտեղ Տիգրանը ճանաչվել է տուժող՝ որեւէ քննչական գործողություն, այլ կերպ ասած՝ օբյեկտիվ քննություն չի իրականացվում:

Այն դեպքում, երբ Տիգրանը նշել է, թե որտեղ է խոշտանգվել, որ ոստիկաներն են ծեծի ենթարկել, սակայն ոչ մի գործողություն. ո՛չ առերեսումներ, եւ ո՛չ մի այլ քննչական գործողություն, ինչն առնվազն զարմանալի է:

-Իսկ ի՞նչ ընթացքում է այն քր. գործը, որտեղ Տիգրանը մեղադրյալի կարագավիճակ ունի:

-Ա՛յ, լավ հարցրեցիք. ա՛յ այդ գործով շատ ակտիվ քննչական գործողություն է իրականացվում:

-Այստեղ որեւէ դիտավորություն տեսնում ե՞ք:

-Բնականաբար այո: Քրեական հետապնդման մարմինները ջանում են արդարացնել քաղաքացուն նվաստացնող եւ ծեծի ենթարկող ոստիկանների արարքները: Ամեն ինչ անում են, որպեսզի «hիմնավորեն» մեղադրանքը, զուգահեռաբար ՀՔԾ-ում քննվող քր. գործն էլ կարճվի:

-Պարոն Հովհաննիսյան, իսկ դատաբաժշկական փորձաքննության արդյունքները պատրաստ ե՞ն:

-Այո, ստացել ենք դատաբժշկական եզարակացությունը, որի հետ համաձայն չենք: Քանի որ Տիգրանը ստացել է բազմաթիվ վնասվածքներ, բայց որոշել են, որ Տիգրանի վնասվածքները միջին ծանրության են եղել: Հիմա պատրաստվում ենք միջնորդել՝ որպեսզի նշանակվի կրկնակի փորձաքննություն:

Ն.ԱԴԱՄՅԱՆ 

Newsmedia.am 

Լուրեր  Հայաստանից եւ աշխարհից