Դաժան սպանության մեջ մեղադրվող եղբայրներից մեկը` հետախուզման մեջ է, մյուսը` 7 ամիս կալանքի տակ գտնվելուց հետո, Կոտայքի մարզի դատավորի «թեթեւ ձեռքով» ազատ է արձակվում

2019 թվականի հուլիսի 16-ին, Աբովյան քաղաքում դաժան սպանություն էր տեղի ունեցել: Սպանվել էր Աբովյան քաղաքի բնակիչ Վահե Գեւորգյանը, ում կողքին կար դանակ, արնանման հետքեր և հողաթափ: Գեւորգյանի սպանության համար՝ Արսեն Արսենյանին մեղադրանք է առաջադրվել ՀՀ քրեական օրենսգրքի 104-րդ հոդվածի 2-րդ մասի 7-րդ կետով, և 235-րդ հոդվածի 2-րդ մասով, և վերջինիս նկատմամբ խափանման միջոց է կիրառվել կալանավորումը:Իսկ 20.07.2019թ. ՀՀ քրեական օրենսգրքի 104-րդ հոդվածի 2-րդ մասի 7-րդ կետով, և 235-րդ հոդվածի 2-րդ մասով որպես մեղադրյալ՝ ներգրավվել է Արամ Արսենյանը. վերջինիս նկատմամբ խափանման միջոց է կիրառվել կալանավորումը, և հայտարարվել է հետախուզում:

Ըստ տուժող կողմի ունեցած հիմնավոր տեղեկությունների, Վ. Գևորգյանին սպանելուն՝ բացի Արսեն և Արամ Արսենյաններից, իրենց անմիջական առնչությունն ու մասնակցությունն են ունեցել Արտակ Վոլոդիայի Ղուկասյանը, Գևորգ Գրիգորի Հարությունյանը, Արա Սամվելի Արսենյանը, Տիգրան Արմենի Ստեփանյանը, ինչպես նաև կատարված հանցագործության մասին նախապես տեղյակ է եղել ոմն «Գոջի»: Դեպքի օրը, Արսեն և Արամ Արսենյանները, և վերը թվարկված անձինք՝ սպանության վայր են գնացել իրենց ավտոմեքենաներով, մասնավորապես, Արսեն Արսենյանը կամ Արամ Արսենյանը վարել են «Նիսան Մարչ» մակնիշի 34 ԱՖ 471 հ/հ ավտոմեքենան, իսկ Գևորգ Հարությունյանը եղել է «Օպել» մակնիշի ավտոմեքենայով, ընդ որում, Արսեն և Արամ Արսենյանների ավտոմեքենայի ղեկի ստորին հատվածում՝ առկա պահոցից  հայտնաբերվել է մարիխուանա տեսակի թմրամիջոց:

Շուրջ յոթ ամիս ընթացող նախաքննության ընթացքում, պարզվում է բավական ուշագրավ հանգամանքներ են ի հայտ եկել տուժող կողմի ներկայացուցիչների մոտ: Բայց որ ամենակարեւորն է. սպանության համար կալանավորված եղբայրներից մեկին` 7 ամիս կալանքի տակ մնալուց հետո, չգիտես ինչու Կոտայքի մարզի ընդհանուր իրավասության դատավոր Գեղամ Մարգարյանը, որոշել է, որ հիմնավոր կասկած չկա եւ ինչ. փոխել է խափանման միջոցը՝ կալանավրումը:

Այսինքն քննիչի կալանավորման միջնորդությունը մերժել է, փոխելով խափանման միջոցը:
Վ.Գեւորգյանի ներկայացուցիչ, աղմկահարույց գործերով հայտնի փաստաբան Լուսինե Զեյլնալյանը, NEWSMEDIA.am-ի հետ զրույցում անդրադառնալով գործի հանգամանքներին, նկատեց.

-Գործով անցնում են մի շարք անձիք, որոնք եղել են դեպքի վայրում: Որոնցից մեկը անգամ նախապես տեղյակ է եղել ծանր հանցագործության նախապատրաստման վերաբերյալ, բայց չգիտես ինչու. մինչ օրս որեւէ մեկի նկատմամբ մեղադրանք առաջադրված չէ: Միայն մեկ անձի նկատմամբ է մեղադրանք առաջադրված՝ որպես պարտակող: Իսկ սպանություն կատարողն էլ այսօր, փաստացի դրսում է գտնվում:

Փաստաբանի պնդմամբ դատաբժշկական փորձաքննությունը եւս խեղաթյուրված է կատարվել.

-Դիակի փորձաքննությունը նորմալ չի արվել, որովհետեւ ըստ դատական պրակտիկայի` դատաբժիշկները մանրամասն ներքին եւ արտաքին զննման են ենթարկում դիակը: Բայց տվյալ սպանության գործով ՝ դիակի ներքին եւ արտաքին զննման նկարները բացակայում են: Այն դեպքում, երբ սովորաբար դիակի դատաբժշկական զննությունը բոլորը տեղերում մանրամասն պետք է երեւա : Անգամ գլխի հատվածի դիակի զննություն չի կատարվել, այն դեպքում երբ սովորաբար, դատբժիշկները գլխի կաշին հետ են քաշում` արյան զեղումները պարզելու համար:

Ավելին ասեմ. տվյալ դատաբժիշկը այսօր ԱԱԾ-ում ունի մեղադրյալի կարագավիճակ` կաշառք վերցնելու գործով: Մենք բազմիցս բարձրաձայնել ենք` կասկածի տակ դնելով տվյալ դատաբժշկի կողմից տրված փորձաքննությունը:

Ի դեպ, տիկին Զեյնալյանի համար տարօրինակ է նաեւ հետեւյալ հանգամանքը.

-Նույն այդ եղբայրների հայրը՝ Կրասնոդարում ուներ գործարան, որը վաճառելուց մի քանի օր առաջ, 7 ամիս կալանքի տակ գտնվող՝ սպանության մեջ մեղադրվող որդուն, վերջապես ազատության մեջ է տեսնում…Քանի որ նրան՝ դատարանի դահլիճից միանգամից ազատ էին արձակել…

NewsMedia.am 

Լուրեր  Հայաստանից, եւ աշխարհից