«Դաունի » համախտանիշով տառապող որդուն՝ ցերեկային պահակ եւ օժանդակ բանվոր, դստերը՝ օպերատոր. Դպրոցի տնօրենի նկատմամբ հարուցված քր. գործը նախաքննության փուլում կարճվել, եւ ուղարկվել է քննչականի արխիվ

Իշխանափոխությունից հետո, գաղտնիք չէ, որ հատկապես Շիրակի մարզի հանրակրթական դպրոցներում տեղի ունեցած չարաշահումների, պաշտոնական դիրքի չարաշահման, յուրացումների փաստով հարուցվել էին մի շարք քրեական գործեր, որոնցից մի մասը, սակայն, այդպես էլ նախաքննության ընթացքում կարճվեց եւ պատմության գիրկն անցավ: Չմոռանանք նաեւ, որ այդ օրերին հանրությանը հրամցնում էին աշխարհացունց հայտարարություններ այն մասին, որ աղմկահարույց քր. գործերը բացահայտվելու, եւ ջրի երես են դուրս գալու մինչեւ վերջ…Իսկ հասարակությունն էլ մշտապես սպասումների մեջ է, եւ ի վերջո ուզում է տեղեկանա. թե ինչպես են հանգուցալուծվում ՝այդ աղմուկ-աղաղակով հարուցված քր. գործերի ճակատագրերը:

Եվ ահա պարզվում է, որ հարուցված քր. գործերից շատերը, որոնք իրենց մեջ առեւերույթ հանցակազմ են պարունակում՝ չգիտես ինչու նախաքննության ընթացքում «հալումաշ »
են լինում, եւ ըստ էության ուղարկվում պատմության արխիվ:
Թերեւս, նմանատիպ քր. գործերի շարքին կարելի է դասել նաեւ NEWSMEDIA.am-ի խմբագրությանը ուղարկված պաշտոնական փաստաթղթերը, որոնք ուսումնասիրելիս հայտնի է դառնում, թե ինչպես է Շիրակի մարզի Բերդաշեն համայնքի միջնակարգ դպրոցի տնօրեն Մանուշակ Տերտերյանի ոչ իրավաչափ գործողությունների արդյունքում՝ հարուցված քր. գործը նախաքննության փուլում կարճվել, ապա նաեւ դադարեցվել քրեական հետապնդումը:

Թե իրականում, ի՞նչ գործի շրջանակներում է վերը նշված դպրոցի տնօրենի նկատմամբ հարուցվել քր. գործ, ի՞նչ զարգացումներ են ընթացել հարուցված քր. գործի շրջանակներում, ինչպես են Շիրակի մարզի ավագ քննիչ Լ.Համբարձումյանի ձեռքի տակ եղած առեւերեւույթ փաստերը, դարձել ոչ վերաբերելի եւ ոչ հիմնավոր, առավել մանրամասն մեր ընթերցողին ներկայացնելու համար,մեջբերում ենք՝ նախաքննության ընթացքում առկա պաշտոնական փաստաթղթերում տեղ գտած փաստերը՝ այն ներկայացնելով ստորեւ.

-2018թ. հուլիսի 31-ին, ոստիկանության Ամասիայի բաժնի քրեական հետախուզության խմբի օպերլիազոր Գ. Թորոսյանը զեկուցագիր է ներկայացրել, որ ստացված տեղեկությունների համաձան, Բերդաշեն գյուղի միջնակարգ դպրոցի տնօրեն Մ. Տերտերյանը իր «դաուն» հիվանդությամբ տառապող եւ երկրորդ կարգի հաշմանդամ որդու՝ Վ. Մարաբյանի հետ կնքել է աշխատանքային պայմանագիր, որի համաձայն 2013թ. հունվարի մեկից վերջինս դպրոցում աշխատանքի է անցել, որպես ցերեկային պահակ եւ օժանդակ բանվոր, իսկ մեկ այլ պայմանագրով՝ 2018թ-ի հունարի մեկից, որպես գիշերային պահակ: Արդյունքում Վ. Մարաբյանին ընդհանուր առմամբ՝ 2013, 2014, 2015, 2016, 2017 թվականների եւ 2018թվականի յոթ ամիսների ժամանակահատվածում ելքագրվել է ընդհանուր, առանձնապես խոշոր չափի՝ 5.756.043 դրամ աշխատավարձի վարձավճար:
Այլ խոսքով, վերը նշված դպրոցի տնօրենը իրեն վերապահված լիազորությունների շրջանակներում օժտված լինելու՝ ապահովվելու բյուջետային հատկացումների արդյունավետ օգգտագործումը, հատկապես իմանալով որդու՝ Վ.Մարաբյանի հիվանդության պատճառով աշխատանքային պարտավորությունները կատարել չկարողանալու հանգամանքի մասին, շահադիտական նպատակով չի լուծել վերջինիս հետ կնքած պայմանագիրը եւ պաշտոնական փաստաթուղթ հանդիսացող աշխատաժամանակի հաշվարկի տեղեկագրում, գումարների՝ յուրացման եղանակով հափշտակություն կատարելու մտադրությամբ կեղծ տեղեկություններ մտցնելով՝ որդու փաստացի աշխատած ժամանակահատվածի վերաբերյալ կազմել է կեղծ փաստաթղթեր եւ դրանք ներկայացրել վճարման:
Սակայն, տիկին Մարաբյանը, որդուն միայն հանրակրթական դպրոց տեղավորելով չէ, որ սահմանափակվել է: Վերջինս աշխատանքի է տեղավորել նաեւ դստերը՝ Շ. Մարաբյանին, որպես օպերատոր, ով ամուսնացել եւ տեղափոխվել էր Աշտարակ, բայց դա տնօրեն մայրիկին չէր խանգարել դստերը աշխատավարձով ապահովելուն:

Պարզապես, ամուսնանալուց հետո՝ դստերը փոխարինել է փեսայով՝ Հայկ Խաչատրյանով:
Վերոնշյալ հանգամանքների շուրջ փաստերը համադրելով Շիրակի մարզի Քննչական վարչությունում՝ փաստի առթիվ հարուցվել էր քր. գործ Քր. օրենսգրքի 179-րդ հոդվածի 3-րդ մասի 1-ին կետի , 314-րդ հոդվածի 1-ին մասի հատկանիշներով:

Վերը նշված քր. գործի շրջանակներում, սակայն, ավագ քննիչ առաջին դասի խորհրդական Լ. Համբարձումյանը չգիտես ինչու եւ ինչպես. վերոշարադրյալ փաստերի ու պաշտոնական փաստաթղթերի մեջ տեղ գտած անօրինությունների առկայության պայմաններում, պարզել է, որ .

-Վերը նշված փաստերի վերաբերյալ ապացույցներ ձեռք չեն բերվել, որոնք կհաստատեն՝ հիմնավոր, գիտակցված եւ ողջամիտ համոզվածություն առաջ կբերեն, որ Մ. Տերտերյանին վերը նշված մեղսագրվող արարքները հիմնավոր են: Ինչն էլ հաշվի առնելով դադարեցրել է քրեական հետապնդումը, եւ կարճել քրեական գործը:
Պաշտոնական փաստաթղթերում առկա փաստերը, նախաքննության ընթացքում ձեռք բերված ապացույցները, ինչպես նաեւ քննիչի որոշումները ներկայացնում ենք առանց մեկնաբանության.

NewsMedia.am

Լուրեր Հայաստանից եւ աշխարհից