Զինվորը զորացրվելուց հետո մարդ է, խնդիրներ է ունենում ու պետք չի, որ պետությունը մոռանա. Ապրիլյան պատերազմի մասնակից Հովհաննես Հովհաննիսյան (ՏԵՍԱՆՅՈՒԹ)
Ապրիլյան պատերազմի մասնակից, «Գարեգին Նժդեհ» մեդալակիր Հովհաննես Հովհաննիսյանի ընտանիքը կանգնած է լուրջ խնդիրների առաջ:
Հովհաննեսը մասնակցել է Ապրիլյան քառօրյա պատերազմին: Ռազմական գործողությունների ընթացքում ընկերների հետ ազատագրել է ադրբեջանցիների գրաված դիրքը, այնուհետև՝ երկու անգամ վիրավորվել:
Հովհաննեսը հնարավորինս հակիրճ է պատմում իր բանակային ծառայության մասին: Վիրավորումների մասին ծնողներին չի պատմել: Ինքն էլ առողջական խնդիրներ ունի, բուժվում է բարերարի օգնությամբ:
Ընտանիքը լուրջ խնդիրներ ունի: Դեռևս ռազմական գործողությունների ընթացքում Հովհաննեսի հայրը ուժեղ սթրես է տարել ու առողջական լուրջ խնդիրներ ձեռք բերել, բազմաթիվ բուժումներ անցել: Այսօր խնդիրները առավել խորացել են: Ընտանիքը պարտքերի մեջ է, դիմել է բազմաթիվ կառույցների, պաշտոնատար անձանց` պաշտպանության նախարարությանը, Աննա Հակոբյանի հիմնադրամին, վարչապետ Նիկոլ Փաշինյանին, ԱԺ փոխնախագահ Լենա Նազարյանին, պատգամավոր Էդմոն Մարուքյանին, սակայն՝ ապարդյուն:
Տիկին Լուսյան մեծ ակնկալիքներ չունի: Կուզենար, որ զինծառայողներին, աչքի ընկած զինվորներին որևէ արտոնություններ տրվեն, որ կարգավորվի նրանց հետագա կյանքը ևս: Հույս ուներ, որ հեղափոխությունից հետո մի բան կփոխվի, բայց ոչ մի բան էլ չի փոխվել: «Հեղափոխությունից հետո հույս ունեի, ակնկալիքներ ունեի, ոչ լավ է լինելու ժողովրդի վիճակը: Ինչ-որ չափով կմտածեն ժողովրդի մասին: Բայց ես հույս չունեմ, որ ժողովրդին կօգնեն էս նեղության պահին», - ասում է տիկին Լուսյան:
Հովհաննեսը այսօր էլ պատրաստ է պաշտպանել իր հայրենիքը, բայց կուզենար, որ զինվորը ծառայությունից հետո չմոռացվեր ու վերցվեր պետության հոգածության տակ:
Հովհաննեսի ընտանիքին կարող է օգնել յուրաքանչյուրս:
Ardshinbank CJSC
Hovhannisyan Lusya
2475903572880070 AMD
2475903572880080 EUR
2475903572880090 USD
2475903572880100 RUR
Տեսանյութում օգտագործվել են լուսանկարներ Հովհաննես Հովհաննիսյանի անձնական արխիվից և «Pan Photo»-ից և տեսանյութ՝ վերցված ArTvAZDARAR յութուբյան ալիքից:
Նկարահանումների ընթացքում ապահովվել է պատշաճ սոցիալական հեռավորություն:
Մանրամասները՝ տեսանյութում:
Մեգերյանների ընտանիքը զբաղվել է հին գորգերի վերականգնումով և նոր գորգերի արտադրությանբ ավելի քան չորս սերունդ
Եւ այսօր իրապես մեծ է փաստաբան Լեւոն Բաղդասարյանի նման հանուն իրավունքի եւ արդարության շահը ճանաչող ու ամեն ինչից վեր...
Մարդու ամենամեծ ձեռքբերումը՝ հավատն եմ համարում.Սամվել Շահնազարյան
Սահմանազատման երեք տարբերակ է քննարկվել
Ադրբեջանն Ալմա-Աթայի հռչակագրից հրաժարվելու հիմքեր է ամրագրել, որ ավելին ստանա Հայաստանից
Ի՞նչ կապ ունեին Արայիկ Հարությունյանի հարցազրույցի անոնսն ու հետագա «զարգացումները»
«Այս իշխանությունը «կաղ բադիկ է», գնացող, խնդիրը զուտ արտաքին և ներքին քաղաքական որոշումն է». «Փաստ»
«Ամեն օր եկեղեցում մոմ էի վառում ոչ միայն իր, այլ մեր բոլոր տղաների համար. երբեք չեմ ցանկանա, որ որև...
