Ընտանիքն ապրում է առնետների ու սողունների հետ միասին, իսկ անչափահաս երեխան մեծանում է սովի ու մթության մեջ

NewsMedia.am-ի խմբագրությանն են ահազանգել մտահոգ քաղաքացիներ, տրամադրելով մեզ այս  լուսանկարները, եւ ահազանգել են այն մասին, որ  Հանքավանի "Զեփյուռ" հանգստյան տան հարեւանությամբ գտնվող  այս կիսաավեր, քանդված, մութ ու խոնավ պատերի ներսում մեծանում է ապագա զինվորը: Երեխան, որ պատկերված է լուսանկարում՝ տեղեկացրեցին որ միայնակ մոր խնամքին է, եւ որ ընտանիքն այս պահին ապրում է սովի, մթի ու անելանելի վիճակի մեջ: 

Իսկ որ ամենասարսափելին է, սոցիալական սարսափից բացի՝ ընտանիքը  ապրում է նաեւ հոգեբանական սարսափի ու լարվածության պայմաններում,  քանի որ գիշերում են առնետների ու սողունների հետ միասին:  

Հ. Գ 

Մենք մի նախարարություն ունենք կարծեմ, որ զբաղվում է  սոցիալական հարցերով ու խնդիրներով. հուսանք այս  տխուր ու անմխիթար  իրավիճակը՝ չի վրիպի հպարտ քաղաքացու մասին մտածող պատկաններից եւ սոցիալական ապահովության երաշխավորներից...

Դե իսկ բարի մարդիկ, ովքեր միշտ  ձեռք են մեկնել այսօրինակ ընտանիքներին, հնարավորության դեպքում, վստահ եմ այս անգամ էլ կթակեն այս ընտանիքի դուռը...փորձելով "խավարի մեջ գեթ մոմ վառել"...