ԿԱՐԵՒՈՐ ԶՐՈՒՅՑ.«Մեծ հնարամտություն, մարտավարական գրագիտություն. շատ հերոսական պատմություններ կան». Արծրուն Հովհաննիսյան

ՀՀ ՊՆ ներկայացուցիչ Արծրուն Հովհաննիսյանը Հանրային հեռուստաընկերության եթերում ներկայացրել է հայ զինծառայողների՝ վերջին օրերին արած սխրանքները:

Նա պատմել է, որ Մռավի լեռնաշղթայի տարածքում սերժանտը դրսևորել է բացառիկ հերոսություն և մեծ հնարամտություն․ երբ պետք է եղել, իր դիրքից նահանջել է, մոլորության մեջ է գցել հակառակորդին, սպասել է հարմար պահի, նորից հետ է գրոհել, վերցրել է դիրքը։

«Ունենք սպա, որը բացառիկ հերոսություն է ցուցաբերել իր անձնակազմի հետ․ մի միլիմետր չի նահանջել, երբ պետք է եղել, խուսավարել է՝ հակառակորդին պատճառելով մեծ վնասներ, թույլ չտալով, որ հակառակորդը մյուս կողմից շրջանցի և իրեն վերցնի շրջափակման մեջ ու մեր խոշոր ստորաբաժանումներից մեկին վնաս տա։ Մի քանի ժամ հետո ուրիշ ստորաբաժանումները կարողացել են թևից հարվածել և ապաշրջափակել նրան»- ներկայացրել է Հովհաննիսյանը՝ հավելելով, որ հերոսական պատմություններ կան, որոնք հետո մանրամասն կներկայացվեն հանրությանը:

Մանրամասները՝ տեսանյութում: