Ո՛չ մի թիզ հող, տղե՛րք, շարունակեք պայքարել. Ինչ կասեր հերոս Ադամ Սահակյանը ռազմաճակատի ընկերներին. «Իրավունք TV»ին հյուրընկալվել է հերոսածին ծնողին

«Իրավունք TV»-ի զրուցակիցն է Ապրիլյան պատերազմի հերոս ԱԴԱՄ ՍԱՀԱԿԱՅԱՆԻ մայրը` ԳԱՅԱՆԵ ՍԱՀԱԿՅԱՆԸ, ով պատվախնդրության, հայրենասիրության, ազնիվ ու արժանապատիվ ապրելու առաջին դասերն տվել մեր հերոսին՝ Ադամ Սահակյանին:

Հիշեցնենք, որ Ադամ Սահակյանը 2016-ի ապրիլին տեղի ունեցած հայ–ադրբեջանական պատերազմի հերոսների մեկն է։ Ապրիլի 1-ի գիշերը՝ «Լալայկա» կոչվող բարձունքում ավագ Ադամ Սահակյանի գլխավորությամբ 7 հոգուց բաղկացած սահմանապահ ուժերն անցնում են շրջանաձև պաշտպանության` ադրբեջանական հարձակման դեմ։ Իր զինընկերների հետ 5 ժամ շարունակ մարտնչելով թշնամու դեմ և հասցնելով նրան զգալի կորուստներ (200-ից ավելի սպանված հատուկջոկատային)` Սահակյանն ընկնում է հերոսի մահով։

Սահակյանի և նրա զինընկերների` թշնամու դեմ մղած պայքարը հնարավորություն է տվել Ջաբրաիլի հայկական գնդին տեղակայվել ռազմաճակատի 2-րդ գծում և կանգնեցնել հակառակորդին։ Սահակյանը հետմահու պարգևատրվել է Արցախի Հանրապետության «Մարտական ծառայություն» և Հայաստանի Հանրապետության «Արիության» մեդալներով։

Ի՞նչ կասեր հերոս Ադամ Սահակյանը այսօր` ռազմաճակատում մարտնչող մեր տղաներին, իր ընկերներին, հերոսի մայրը շատ հստակ ասաց. «Ադամս կասեր. ո՛չ մի թիզ հող, տղե՛րք, շարունակեք պայքարել, ես Ձեր կողքին եմ»:

ՀԱՆԴԻՊՈՒՄԸ՝ ԻԼՈՆԱ ԱԶԱՐՅԱՆԻ