Ադրբեջանը թող հերթ կանգնի, իրենից առաջ դեռ Ուկրաինան եւ Թուրքիան են ջանքեր գործադրել ինձ կալանավորելու, ուղղակի զավեշտալի է. Արմեն Մարդոյանը.Iravunk.com

«Իրավունքը» գրել էր, որ օրեր առաջ Հայաստան է ժամանել ՌԴ հայերի միության վարչության անդամ, Ղրիմի կամավորական միության նախագահ, Ղրիմի ինքնապաշտպանության 4-րդ գումարտակի լեգենդար հրամանատար ԱՐՄԵՆ (ՍԱՄՎԵԼ) ՄԱՐԴՈՅԱՆԸ: Նրան օդանավակայանում դիմավորել էին մարտական ընկերներն ու «Ղրիմի բարեկամներ» ակումբի հայաստանյան ղեկավար, ՍԻՄ կուսակցության նախագահ ՀԱՅԿ ԲԱԲՈՒԽԱՆՅԱՆԸ:

Հիշեցնենք, որ Արմեն (Սամվել) Մարդոյանը պատերազմական օրերին կրկին Հայաստանում էր եւ հումանիտար օգնություն էր բերել անձամբ իր եւ Ղրիմի հայ համայնքի կողմից, որը տրամադրվեց ինչպես Հայաստանում ապաստան գտած փախստականներին, այնպես էլ Արցախում դեռ մնացած քաղաքացիներին: Նրա այցից հետո` ուկրաինական եւ ադրբեջանական մամուլը հայտնվել էր հիստերիկ ցայտնոտի մեջ: Անդրադառնալով լեգենդար հրամանատարին` ադրբեջանական մամուլը գրել էր, թե իբր նա գործուն մասնակցություն է ունեցել «ագրեսիվ» պատերազմական գործողություններին եւ իրականացրել է ադրբեջանցիների սպանություններ` անօրինական մուտք գործելով Ադրբեջանի տարածք: Այդ կապակցությամբ էլ նրա նկատամամբ Ադրբեջանը քրեական հետապնդում էր հայտարարել: Մինչդեռ իրականությունը բոլորովին այլ է:
Նշենք, որ տողերիս հեղինակն անձամբ է ներկա եղել Արմեն (Սամվել) Մարդոյանի այցին Արցախ, ում ուղեկցում էր նաեւ «Ղրիմի բարեկամներ» ակումբի հայաստանյան ղեկավար, ՍԻՄ կուսակցության նախագահ Բաբուխանյանը: Մարդոյաը, որպես հայ, մարդասիրական մղումներից դրդված` Արցախ է հասցրել հումաինտար օգնություն, ինչպես նաեւ Հ. Բաբուխանյանի հետ միասին պաշտոնական հանդիպումներ է ունեցել արցախյան բարձրաստիճան պաշտոնյաների հետ: Եվ այսքանով ավարտվել է Մարդոյանի առաքելությունն Արցախում:
Ըստ էության, ակնհայտ սուտ ու կեղծիք տարածելով? Ադրբեջանը փորձում է հաճոյանալ իր գործընկերոջը` իրականացնելով Ուկրաինայի վաղեմի երազանքը: Չէ որ բոլորս էլ հիշում ենք, որ նույն պատերազմական օրերին Ուկրաինան անթաքույց աջակցում էր Ադրբեջանին:
Իսկ ի՞նչ է այդ մասին մտածում անձամբ պարոն Մարդոյանը «Իրավունքը» փորձեց պարզել անձամբ մեր հայրենակցից, ով նկատեց.
- Անկեղծ ասած Ադրբեջանն առաջին երկիրը չէ, որ իմ նկատմամբ հետախազում է հայտարարում: Դրանից առաջ իմ անձի նկատմամբ հետախուզում էր հայտարարել Ուկրաինան, հետո Թուրքիան, հիմա էլ տխրահռչակ Ադրբեջանը: Ինչ կարող եմ ասել, ընդամենը սին, մտածացածին մեղադրանքներով է Ադրբեջանի տխմար դատախազական համակարգը փորձում է ինձ ինչ-ինչ հանցանքներում մեղադրել: Ադրեջանը այդ մտածացին մեղադրանքով նպատակ ունի պարզապես վարկաբեկել իմ անձը` ցույց տալով, որ Ղրիմի պատգամավորը մասնակցել է տեռորիստական հանցագործությունների Արցախում: Այն ինչ մեր այցը Արցախ` «Ղրիմի բարեկամներ» ակումբի հայաստանյան ղեկավար Հայկ Բաբուխանյանի հետ, կրել  է զուտ հումանիտար, մարդասիրական նպատակ` ոչինչ ավելին:

Եթե ինքս մասնակցեի Արցախում տեղի ունեցող գործողություններին` այդ մասին ադրբեջանցիները շատ մեծ տպավորությունններով, փաստացի կֆիքսեին: Ասեմ ավելին, եթե մասնակցած լինեի, այդ մասին վստահ եղեք` մեծ հպարտությամբ ինքս կհայտարարեի` առանց դույզն-ինչ մտահոգվելու:

Այնպես որ Ադրբեջանը թող հերթ կանգնի, իրենից առաջ դեռ Ուկրաինան եւ Թուրքիան են ջանքեր գործադրել ինձ կալանավորելու: Ուղղակի զավեշտալի է` ոչինչ ավելին:
- Պարոն Մարդոյան, նոյեմբերի 27-ին լրանում է Ադրբեջանի կողմից սանձազերծման Արցախյան երկրորդ պատերազմի   երկրորդ ամիսը: Պատերազմ, որի ընթացքում հայ ժողովուրդը կորցրել է հսկայական տարածքներ եւ իր 5 հազար հերոս զավակների կյանքը: Ես տեղյակ եմ, որ Դուք նահատակված զինվորների շիրիմների առաջ խոնարվելու միջոցառում եք կազմակերպել այսօր Եռաբլուրում: Կմանրամասնե՞ք, մի փոքր:

-Միջոցառմանը մասնակցելու են իմ գաղափարակից ընկերները, «Ղրիմի բարեկամներ» ակումբի հայաստանյան ղեկավար, ՍԻՄ կուսակցության նախագահ Բաբուխանյանը եւ մի շարք այլ հասարակական-քաղաքական գործիչներ: Այն քաղաքական չէ, նպատակը մեկն է` մեր խոնարհումն ու երախտիքը հայտնենք մեր նահատակված հերոս տղաներին, ովքեր իրենց երիտասարդ կյանքը զոհեցին հանուն հայ ազգի:

Հ.Գ. Պարոն Մարդոյանի հետ ուշագրավ զրույցն ամբողջությամբ կարդացեք ավելի ուշ:

Iravunk.com