ԻՍԿ ԲԵԼԱՋԻՈՅԻ ԳՐԻՇԻ «ԿՐԻՇԸ» ՏԵՂՆ Ա՞.... դուք Ձեզ հարց տվել ե՞ք. թե Ձեր «տաշի-տուշիի» ժամին՝ քանի ՀԱՅ ՄՈՐ, ԾՆՈՂԻ ՃԻՉ կարող է լսվել մեր հայրենիքում

Բաս չեք ասիլ. ՀԱՅԿԱԿԱՆ ԱՍՏՂԱԲՈՒՅԼԸ ՝ ՀԱՅ ԱԶԳԻՆ ՀՐԱՎԻՐՈՒՄ է «ՊԱՐԻ». 

ԱՀԱ ԹԵ ԻՆՉ Է ԱՎԵՏՈՒՄ ՈՒ ԳՈՎԱԶԴՈՒՄ «ԲԵԼԱՋԻՈ» ՌԵՍՏՈՐԱՆԱՅԻՆ ՀԱՄԱԼԻՐԸ՝ իր պաշտոնական էջով.
մեջբերում եմ.

Բելաջիո ռեստորանային համալիրը սիրով հրավիրում է իր ջերմ ու հյուրընկալ մթնոլորտում դիմավորել 2021 թվականը։
Իրենց գեղեցիկ կատարումներով ամանորյա երեկոն կզարդարեն սիրված երգիչներ Գևորգ Մարտիրոսյանը, Շպռոտը, Գայա Արզումանյանը, Սարգիս Ավետիսյանը, Մագան, Նիկ Եգիբյանը և Ռուզան Ավետիքյանը։
Երեկոն կվարեն Սամվել Գրիգորյանը և Մաշան։
Անցյալում թողնենք ծանր տարին և դիմավորենք նոր տարին նոր ու իսկական հաջողությունների ակնկալիքներով։

Ժողովուրդ ջան, լավ դուք ի՞նչ եք ԾԽԵԼ էս ուշ գիշերով: ՀՈ Հոկտեմբերյանից նոր չե՞ք հասել պատահաբար Երեւան…

Իսկ ըստ Ձեր մտքի փայլատակումների՝ ո՞վ պիտի գա ու էս ԱՐՅԱՆ ԾՈՎԻ ՄԵՋ՝ մասնակիցը դառնա ձեր տաշի-տուշիների…
Ձեզ հարց տվել ե՞ք:
Ապրեք, ասում եմ շնորհակալություն Ձերոնցից բոլոր նրանց, ովքեր գուցեեւ իրենց վերջին ունեցածը՝ չխնայեցին հայ զինվորի ու հայրենիքի համար, ապրեք…
Բայց քանի կոպեկ արժեր Ձեր մարդասիրությունը՝ այս ԱՄՈԹԻ դիմաց:
Դուք ասեք:
Ասեք, բացատրեք, հասկանանք:
Հիմա պիտի ասեն՝ հայ բիզնես, հայ ապրուստ, հայ տնտեսական կոլապս ու ճեղքվածք…Բայց եկեք սթափ դատենք:
Ես հասկանում եմ, որ բիզնեսը պիտի ապրի, ես հասկանում եմ որ կյանքը պիտի շարունակվի, ես հասկանում եմ որ դուք էլ պիտի ապրեք, բոլորս էլ պիտի ապրենք: Եթե այս անկյանք կյանքը՝ դեռ կարելի է ԱՊՐԵԼ:
Բայց շատ ավելի լուրջ. ի՞նչ նկատի ունեք, խնդրում եմ բացատրեք. երբ ասում եք ամեն բան թողնենք անցյալում…
Այն ինչ կատարվեց մեր սուրբ Արցախի,հայի ու Հայասատանի, մեր հայրենիքի ու մեր լինելիության դեմ, դա դեռ ներկա չէ հարգելիներս, դուք ասում եք անցյա՞լ…Կատարվածը՝կրկնում եմ, դեռ ներկա էլ չէ...

Բացատրեմ թե ինչու. դուք պատկերացնում ե՞ք, կամ Ձեզ հարց տվել եք. թե Ձեր «տաշի-տմբլի» ժամին քանի ՀԱՅ ՄՈՐ, ԾՆՈՂԻ ճիչ կարող է լսվել մեր հայրենիքում:

Ասացեք խնդրեմ՝ինչը թողնենք անցյալում. հազարավոր զոհերի՞ն, մեր անհայտ կորած տղաներին ու գերիների՞ն, թե՞ մեր կորսված հայրենիքը:

Հ. Գ1

Մարդ Աստծո. եթե հանկարծ իմանայինք, որ էդ օրվա տաշի-տուշիով վերականգնելու ենք մեր բանակը, վերագտնելու ենք մեզ, ետ ենք բերելու մեր հողը հայրենի,գուցեեւ հասկանայինք՝թե ինչն եք ուզում թողել անցյալում…

ԷՍՏԻ ՀԱՄԵՑԵՔԻ ՓՈԽԱՐԵՆ՝գնայիք ու ծեծեիք մեր ՄԱՅՐԵՐԻ, մեր ՀԵՐՈՍՆԵՐԻ, մեր անդամալույծ դարձած ՏՂԱՆԵՐԻ ԴՌՆԵՐԸ, գնայիք ու խավարի մեջ էլ՝ մի մոմ դուք վառեիք:
Գոնե մտածել ե՞ք՝ «օյաղ» ժամանակ, թե ինչպե՞ս, ի՞նչ ապրումներով, ի՞նչ հույզերով են մայրը, քույրը, եղբայրը փորձում նորից կյանք տալ ու կյանք վերադարձնել հայ զինվորին: Մտածել ե՞ք…կանգ առեք…
Բելաջիոյում տաշ-տուշ անելու փոխարեն՝ ինքնակազմակերպվեիք, կոչ անեիք, դիմեիք հենց նույն ԲԵԼԱՋԻՈՅԻ ՏԵՐԵՐԵԻՆ ՈՒ ՁԵԶ ԾԱՆՈԹ-ԱՆԾԱՆՈԹ ՕԼԻԳԱՐԽՆԵՐԻՆ ՈՒ ՄԵԾԱՀԱՐՈՒՍՏՆԵՐԻՆ՝օգնելու ու սատար կանգնելու մեր տղաներին:

Պատմության այս էջը՝ մենք փակել չենք կարող…

Մեր ՏՂԱՆԵՐԸ, մեր ՀԱՅՈՐԴԻՆԵՐԸ,ՄԵՐ ՀԵՐՈՍՆԵՐԸ՝ ԵՐԲԵՔ ՈՒ ԵՐԲԵՔ ԱՆՑՅԱԼ ԼԻՆԵԼ ՉԵՆ ԿԱՐՈՂ:
ՆՐԱՆՔ ԿԱՆ, ԱՊՐՈՒՄ ԵՆ, եւ միշտ ԱՊՐԵԼՈՒ ԵՆ մեզ հետ:

Իսկ առավել անկեղծ՝ ԵԹԵ ՄԵՐ ՏՂԱՆԵՐԸ ԻՐԵՆՑ ԿՅԱՆՔԸ ՉԶՈՀԱԲԵՐԵԻՆ՝ կներեք. ԲԱՅՑ ՁԵԶ ՊԵՍ ՄՏԱԾՈՂՆԵՐԸ ԳՈՒՑԵԵՒ ԱՐԴԵՆ ԱՆՑՅԱԼ ԼԻՆԵԻՆ:

Թե չէ ինչպես հասկանանք՝թուրքը Սեւանում ա պարում, դուք էլ ԳՐԻՇԻ ԲԵԼԱՋԻԱՅՈՒՄ:
ԲԱՅՑ ՈՐ ՄԻ քիչ էլ  ԼԱՎ ԳՈՎԱԶԴԵՔ՝ ԿԵՍ ԺԱՄՎԱ ՃԱՆԱՊԱՐՀ Ա՝ ԱՉՔԻՍ ԳԱՆ…

Հա ու մեկ էլ ամենակարեւորը՝ ԻՍԿ ԲԵԼԱՋԻՈՅԻ ԳՐԻՇԻ «ԿՐԻՇԸ» ՏԵՂՆ Ա՞…

Մեկը կասի. սա ի՞նչ ա արել օրինակ հայ զինվորի ու հայոց բանակի համար, որ դեռ մեր տղաների մարմինները հողին չհանձնած՝ քեֆ-ուրախություն ու անցյալ ա անում…իր տաշ-տմբլակների հետ միասին:

Էդ որ Ձեր գերթանկարժեք ամենագնացները հանկարծ «խազում եք»՝ ա՛յ ԱՆԱՍՏՎԱԾՆԵՐ. 40 օր սուգ եք պահում, ու երեւի մորուք աճացնում, իսկ հիմա մեր համազգային սուգը  որ մեզ սպանում է՝ դրել անցյալ ե՞ք ԽԱՂԱՑՆՈՒՄ:
ՉՀԱՄԱՐՁԱԿՎԵ՛Ք...

Հ.Գ2 

Տեղեր ամրագրվելու են՝ բայց Սեւանի աջ ափից 18 կմ այն կողմ…ԶՎԱՐՃԱՑՈՂ
ԿԵՆԴԱՆԻՆԵՐԻ ԿՈՂՄԻՑ… ԴԻՄԱՎՈՐԵՔ:

ԳԱՅԱՆԵ  ԶԱՐԳԱՐՅԱՆ