Պետք է փաստել, որ դարեր ի վեր սատարելով այս ֆեյք մտածողությանը՝ կորցրել ենք մեր Ծովից Ծով Հայաստանը, և եթե շարունակենք այսպես , կկորցնենք նաև այսօրվա մեր մի թիզ հողը․․․

,Չէի ցանկանա անդրադառնալ այս նյութին , բայց քանի որ այս օրերին նկատելի են ֆեյքաբուծարանի մեծ հարձակումները մեր դեմ՝ չհասկանալով, որ որդեգրած այդ ստոր առաքելությամբ միայն պառակտում են մտցնում մեր փոքր ազգի մեջ , միասնության կոչի փոխարեն պառակտում են ազգը՝ երկիրը տանելով կործանման, չգիտակցելով, որ այսօր այն վճռական ժամանակահատվածն է, որ Հայ մարդը պիտի միմիայն միասնության կոչ անի և հետամուտը լինի իր կոչի։
Ինձ ճանաչողները քաջատեղյակ են իմ և լիսկայի փոխհարաբերություններից, որ ես ոչ թե դեմ եմ եղել իրեն, այլ իր վարած քաղաքականությանը։ Դա է պատճառը, որ մենք ևս մուտք գործեցինք համակարգ՝ ցույց տալու, թե ինչպես է պետք մտածել սեփական երկրիդ և ժողովրդիդ մասին, թե ինչպես է պետք ազգային արժեքներն ու ազգային շահը անձնայինից վերադասել, սա է եղել մեր թշնամանքի իրական և միակ պատճառը։ Ինձ ճանաչողները գիտեն նաև, որ լիսկան չէր կարող իմ ձեռքը կոտրել և որևէ ազդեցություն ունենալ իմ մտածելակերպի վրա , քանզի մեր
մտքերը արդար են եղել այնպես, ինչպես այսօր։
Շատ չեմ ցանկանում մանրանալ այս թեմայով, ընդամենը ուզում եմ ընդգծել, որ այս ամենը կատարվում է սևացնելու մեր հեղինակությունը, բայց դա այս նոր ձևավորված ֆեյք համակարգին իհարկե չի հաջողելու։ Խորհուրդ կտամ այդ համակարգին , որոնց մեծամասնությունը հայ է, պարզապես չտրվել գայթակղությանը, քանզի այսօր պահը օրհասական է, քանզի կանգնած ենք հայրենիքը կորցնելու վտանգի առաջ։ Այսօր քան երբևէ մեզ բոլորիս համախմբվել է պետք ։ Մենք երբևէ անձնական շահ չենք հետապնդել և չենք հետապնդում, քանզի գաղափարակիցն ենք Մեծն Զորավար Անդրանիկի, Մեծն Գարեգին Նժդեհի, այն է պաշտպանել մեր մի թիզ հողը, պաշտպանել մեր օջախները , զարգացնել մեր երկիրը, լծվել Մեծ Հայքի վերամիավորմանը։
Այս փոքրոգին նշում է , որ ես մարդ եմ հավաքում և տանում հրապարակ, բայց ուզում եմ նշել, որ մենք հրապարակի պատվանդանին կանգնածների հետ ոչ մի ընդհանուր կապ չունենք, 17+1 կուսակցության հետ ոչ մի ընդհանուր կապ չունենք, իհարկե չեմ կարող չնշել, որ վերջիններիս ետևից գնացողների մեծամասնությունը հայրենանվեր մարդիկ են։
Ուզում եմ հատուկ ընդգծել, որ մենք ոչ մի կուսակցության չենք հարել և չենք հարելու , մեր կուսակցությունը մեր ազգն է , մեր միտքը՝ մեր մի թիզ հողը։ Պետք է փաստել, որ դարեր ի վեր սատարելով այս ֆեյք մտածողությանը՝ կորցրել ենք մեր Ծովից Ծով Հայաստանը, և եթե շարունակենք այսպես , կկորցնենք նաև այսօրվա մեր մի թիզ հողը․․․

ԳԱԳԻԿ  ԱՌՈՒՇԱՆՅԱՆ