Մենք մեր լեզվի, մեր մտքի, մեր հոգու ապաշխարության կարիքն ունենք. ժամանակն է այդ ճանապարհը անցնելու.Տավուշի թեմի առաջնորդ գերաշնորհ Բագրատ եպիսկոպոս Գալստանյան

Նախօրեին մամուլում սկսեցին լուրեր շրջանառվել, որ Տավուշի մարզի Իջևանի, Նոյեմբերյանի, Շամշադինի վարչական տարածքում գտնվող մոտ 5 գյուղերի ճակատագիր եւս վտանգված է։

Թեեւ Տավուշի մարզպետարանը հերքեց, այնուամենայնիվ նման մտահոգություններ առանձին լրատվամիջոցերի հայտնել են նաեւ Տավուշի բնակիչները, ովքեր մտահոգված են, որ սահմանազատումը շուտով կհասնի նաեւ Տավուշին եւ որոշ տարածքներ, այդ թվում՝ կարեւոր ենթակառուցվածքներ, կանցնեն ադրբեջանական հսկողության տակ։ Ըստ նույն լուրերի` քննարկվում է երկու զորամասի տեղափոխման հավանականության հարցը։

Այս եւ առկա այլ ցավալի իրողությունների շուրջ զրուցել ենք պատերազմի առաջին իսկ օրերից հայ զինվորի կողքին` ոչ միայն հոգեպես, այլ նաեւ ֆիզիկապես կանգնած Հայ առաքելական եկեղեցու Տավուշի թեմի առաջնորդ գերաշնորհ Բագրատ եպիսկոպոս Գալստանյանի հետ, ով անդրադառնալով վերը նշված լուրերին նկատեց.

- Այսօր շատ դժվար, բարդ իրավիճակում ենք գտնվում` հատկապես լրատվական իմաստով:  Տավուշի մասով շրջանառվող լուրերի հետ կապված կարող եմ ասել հետեւյալը. մինչեւ այս պահը եղած տվայլներով այդ լուրը հերքվել է գոնե մարզի բոլոր հնարավոր օղակներով: Տավուշեցիները մեկ սանտիմետր հող զիջելու տրամադրություն չունեն եւ չենք ունենալու:  Դա կլինի վերջնականապես մեր արժանապատվության ստորացման հերթական` հավանաբար վերջին քայլը, որը մենք պատրաստ չենք որեւէ կերպով ընդունել:

Հետեւաբար ես չեմ բացառում, բայց չեմ էլ կարծում, որ նման քայլի կգնան: Աստված մի արասցե եթե փորձեն Տավուշի մասով գնալ զիջումների, ապա մեզ կգտնեն խրամատներում: Մենք չենք պատրաստվում որեւէ կերպով տեղի տալ:

Սրբազանի հետ չշրջանջեցինք նաեւ այսօր բոլորիս համար թերեւս ամենակարեւոր, ամենաթանկ ու ամենացավոտ հարցը` մեր անմահացած ՏՂԱՆԵՐԻՆ, անհայտ կորած եւ գերեւավարված ՀԵՐՈՍՆԵՐԻՆ եւ նրանց ընտանիքներին անդրադառնալը .

-Հատկապես այս օրերին մեր միակ մաղթանքը, ցանկությունը, աղոթքը ուղղված մեր զոհված, վիրավորված եւ գերեւավարված ՀԵՐՈՍ տղաների ընտանիքին մեկն էր, որպեսզի բոլոր ընտանիքները մխիթարություն գտնեն, իսկ տղաները շուտ հետ վերադառնան: Որպեսզի ուրախություն բերեն ոչ միայն իրենց ընտանիքներին, այլ նաեւ մեր համայն հայությանը, որը այս օրերին մխիթարության կարիք ունի բոլոր առումներով:

Զոհված ՏՂԱՆԵՐԻ ընտանիքներին ես ամեն օր խոնհարումս եմ հայտնում: Դեռ շարունակվում է անմահության ճանապարհը բռնած մեր տղաների մարմինների վերադարձը: Հենց այս պահին` Ձեզ հետ զրույցի ընթացքում գնում ենք հերթական ՀԵՐՈՍԻՆ հուղարկավորելու:

Կոնկրետ Տավուշում մենք ծրագիր ունենք իրականացելու բոլոր զոհված զինծառայողների, վիրավոր տղաների ընտանիքներ այցելելու մասով: Փորձելում ենք հասկանալ, թե ինչ խնդիրների առաջ են կանգնած, եւ որքանով մենք կարող ենք մասնակցի լինել այդ խնդիրների լուծմանը: Փորձում ենք մեր վիրավոր տղաներին թե՛ հոգեւոր, թե՛ նյութական աջակցություն ցուցաբերել:

Մենք մեր լեզվի, մեր մտքի, մեր հոգու ապաշխարհության կարիքն ունենք

Ամփոփելով զրույցը  Բագրատ եպիսկոպոս Գալստանյանից փորձեցինք  մեկնաբանություն ստանալ այս օրերին եկեղեցին եւ առանձին հոգեւորականներին թիրախավորողների հետ կապված, մասնավորապես, որ վերջիններս հոգեւորականներին մեղադրում են քաղաքականությանը խառնվելու մեջ.

- Սա մեր կենսագրությունն է, մեր հայրենիքը, ավելի մեծ հիշողություն, քան եկեղեցին ոչ ոք չունի` ո՛չ կառույց, ո՛չ անհատ: Ովքեր նման կերպ են մտածում նրանք պարզապես կամ բարի մոլորության մեջ են կամ չար դիտավորության:

Օրինակ, պատերազմն ինքը կոշտ քաղաքականություն է կոչվում, հիմա հոգեւարակաները պատերազմի դաշտո՞ւմ էին, թե՞ ոչ: Բա ինչո՞ւ այն ժամնական չէին ասում` մի մասնակցեք: Եվ ուրիշ խնդիրներ` սոցիալականից սկսած մինչեւ այլ խնդիրներ, որոնց բեռը պետության ուսերից վերցնում է եկեղեցին: Այդ ժամանակ պահանջը կա՞ չանելու այդ գործերը:

Մեր կյանքն այսօր ամբոջության մեջ վտանգված է, խոցված ու այս պայմաններում անիմաստ խոսողներին հորդորում եմ մի քիչ կրթվեն, ինքնադաստիարակվեն: Եվ այո, ցավալիորեն ես անընդհատ կրկնում եմ` մենք մեր լեզվի, մեր մտքի, մեր հոգու ապաշխարհության կարիքն ունենք եւ ժամանակն է այդ ճանապարհը անցնելու:

ԶՐՈՒՅՑԸ` ԻԼՈՆԱ ԱԶԱՐՅԱՆԻ

Iravunk.com