ՏԵՍԱՆՅՈՒԹ.«Ով գնում ա ԳՆԴԻ ՈՐԴՈՒ հետքերով՝անհետանում ա. այդ մասին ինձ ասել է Վովան՝ Օդինոկի վոլկ մականունով»-,պնդում է ազատամարտիկի կինը

ՎՍՏԱՀ ԵՄ, ՈՐ  ԳՆԴԻ ՈՐԴԻՆ ՈՂՋ-ԱՌՈՂՋ Է. ՊԱՏՄԵԼ ԵՆ, ՈՐ ՓԵՏՐՎԱՐԻ 1-ին, եւ  2-ԻՆ ՆՐԱՆ ՏԵՍԵԼ ԵՆ «ԷՐԵԲՈՒՆԻ ՀԻՎԱՆԴԱՆՈՑՈՒՄ»,-պնդում է Ազատամարտիկի Կինը 

Հայրենիքի Պահապան Ազատամարտիկների Միության նախագահ Գարիկ Գառնիկի Գրիգորյանը է (Գնդի Որդին) 13 տարեկանից խիզախորեն մարտնչել է թշնամու դեմ։ Անգամ հոր կորուստը չի կտրել նրան հայրենիքի պաշտպանության սրբազան գործից։
Պատերազմի առաջին իսկ ժամերից եղել է ռազմաճակատում՝ իր ջոկատների հետ միասին։

Սակայն արդեն երրորդ ամիսն է, ինչ հարազատներն ու ազատամարտիկը կինը Գայանե Մարզումանյանը, փնտրում են Գնդի Որդուն՝հույսով որ օրերից մի օր միեւնույնն է հայրենիքի պաշտպանը տուն է վերադառնալու: Ավելին, ազատամարտիկի կինը՝ Գայանե Մարզումանյանը երեք ամիս շարունակ ամուսնուն փնտրելու ճանապարհին,  բազում տվյալներ ու տեղեկություններ համադրելով վստահաբար պնդում է, որ Գարիկ Գրիգորյանը ողջ-առողջ է: Քանի որ այդ մասին, ըստ տիկնոջ՝ վկայում են (երկարատեւ փնտրտունքներից հետո) իր ձեռքի տակ հայտնված բազում ու խոսուն փաստերը…

Գայանե Մարզումյանի փոխանցմամբ, Գարիկ Գրիգորյանը ռազմի դաշտից անհետացել է հոկտեմբերի 28-ին, կեսօրին՝ ժամը երեքից հետո:
Այդ օրվանից ի վեր, ազատամարտիկի կինը ծեծել է գրեթե բոլոր դռները.պաշտպանության նախարարությունից սկսած՝տարբեր պատկան մարմիններից վերջացրած, որտեղից սակայն պաշտոնատար տարբեր անձինք տիկնոջը պատասխանել են, որ դեռ պետք է սպասել ու համբերել:

Գայանե Մարզումանյանը ամուսնուն գտնելու հույսով՝ նրա անհայտացումից 40 օր անց պարբերաբար մեկնել է նաեւ Արցախ, ուր նրան ուժային կառույցների ներկայացուցիչները պարզաբանել  են, որ Արցախում ոչ ոք Գարիկին չի փնտրում, եւ որ նրա մասին որեւէ տեսակի ինֆորմացիա չկա: Եւ ահա Գնդի Որդու առեղծվածային պատմության շուրջ հարուցված քր. գործի շրջանակներում միայն, առայժմ որոնել եւ գտել են այն մեքենան, որով Գարիկ Գրիգորյանը կորել ու անհետացել է:

Եւ ինչպես Տիկին Գայանեն է  մանրամասնում NewsMedia.am-ի հետ զրույցում.

-Երկարատեւ ժամանակ, բավականին փաստեր հավաքելուց հետո մենք հասկացանք, որ Գարիկի դեմ դավադրություն է տեղի ունեցել:
Ես գրեթե համոզված եմ, որ Գարիկը այժմ գտնվում է Հայաստանում, իսկ ավելի ստույգ ԱԱԾ-ում, քանի որ փետրվարի 1-ին եւ 2-ին ականատեսներ են եղել, ովքեր ինձ պատմել են, թե ինչպես են ԱԱԾ-ի համազգեստով անձինք՝ երկու օր շարունակ Գարիկին «Էրեբունի» հիվանդանոց տարել-բերել:

Իսկ թե ով է Տիկին Գայանեին ասել, որ չպետք է գնալ Գնդի Որդու առեղծվածային անհետացման պատմության հետքերով, քանի որ ովքեր գնում են այդ գործի ետեւից՝ անհետանում են, ուշագրավ մանրամասները ներկայացնում ենք NewsMedia.am-ի պատրասատած Տեսանյութում:

Հ. Գ

Գնդի Որդու առեղծվածային անհայտացման պատմության այլ ուշագրավ դրվագների մասին կխոսենք NewsMedia.am-ի սկսած հետաքննության շրջանակներում, որի ընթացքում հանրության դատին են ներկայացվելու բավականին այլ ուշագրավ դրվագներ ու  վարկածներ,որոնք առաջ են բերելու նոր հարցականներ, եւ նոր ինչուներ: Հուսանք, առաջ քաշված հարցերի ու հարցադրումների պատասխանը՝ մեզ երկար սպասեցնել չի տա:
Ի դեպ, մեր ձեռքի տակ են գտնվում նաեւ այլ տեսաձայնագրություններ եւս, որոնցից մեկում Գնդի Որդու մարտական ընկերներից մեկն էլ պատմում է, թե օրինակ մարտի դաշտում ում հետ եւ ինչ տարաձայնություններ է ունեցել Գնդի Որդին, եւ իրականում ինչ առեղծվածային ու անհասականալի պայմաններում են մարտական ընկերները կորցրել  կապը՝ իրենց սիրելի հրամանատարի ու մարտական ընկերոջ հետ:

Այս առեղծվածային պատմության ու թնջուկի շուրջ հնչել է նաեւ պրոֆեսիոնալ իրավապաշտպանի գնահատականն ու դիտարկումները, որի մանրամասներին կծանոթանաք մեր հաջորդ հրապարակումներում:

NewsMedia.am

Լուրեր  Հայաստանից եւ Աշխարհից