Պատրաստ եմ ԱԱԾ-ին տրամադրելու փաստ, թե ինչ ինֆորմացիայի է տիրապետել Աշոտ Համբարձումյանը՝ Գնդի Որդուն ԱԱԾ-ականներով «Էրեբունի» ԲԿ շղթայված տանելու մասին

Գնդի Որդու առեղծվածային անհայտացման պատմության ուշագրավ դրվագների մասին NEWSMEDIA.am-ի սկսած հետաքննության շրջանակներում, երեկ բավականին ուշագրավ մանրամասներ էր ներկայացրել ազատամարտիկ Գարիկ Գրիգորյանի՝Գնդի Որդու կինը  Գայանե Մարզումանյանը: Ում կողմից հնչեցրած սկանդալային մի քանի հայտարարություններից հետո, լուրջ աժիոտաժ ու իրարանցում էր սկսվել Գնդի Որդու մարտական ընկերների ու ազատամարտիկների շրջանում, ովքեր ժամեր առաջ փորձում էին լայվերի միջոցով հակադարձել Գայանե Մարզումանյանին:

Զուգահեռաբար կարծիք հնչեցնելով ու հակադարձելով, որ NewsMedia.am-ի կողմից պատրաստված Տեսանյութում հնչել է ապատեղեկատվություն եւ հերյուրանք:

Ինձ ճանաչողները լավ գիտեն, որ ինձ համար Հայ Զինվորը, Կամավորը, Հայրենիքի Պաշտպանը ԳԵՐԱԳՈՒՅՆ ԱՐԺԵՔ  է, եւ ես ամենաքիչը կցանկանայի նրանցից եւ որեւէ մեկին երբեւէ հակադարձել:
Խոնարհվում եմ մեր բոլոր Հերոսների, մեր Կամավորների, մեր Հայրենյաց պաշտպանների առաջ:
Բայց տվյալ դեպքում, քանի որ ազատամարտիկ Աշոտ Համբարձումյանը ուղիղ եթերում փորձել էր հակադարձել ազատամարտիկի կնոջը՝Գայանե Մարզումանյանին, NewsMedia.am-ի կողմից պատրաստված Տեսանյութը որակելով որպես ապատեղեկատվություն եւ հերյուրանք, ուստի ստիպված եմ պատասխանել, եւ հակադարձել ըստ էության:

Հարգելի Աշոտ Համբարձումյան, դուք որպես ազատամարտիկ Ձեր ուղիղ եթերի ժամանակ հայտարարեցիք, որ Newsmedia.am-ի կողմից պատրաստված Տեսանյութում հնչել են տեղեկություններ, որոնք ըստ Ձեր համոզման. իրականությանը չեն համապատասխանում: Միեւնույն ժամանակ զարմանք հայտնելով, թե ինչպես կարելի է առանց փաստական տվյալների բարձրաձայնել, որ ԱԱԾ-ի համազգեստով անձինք՝ երկու օր շարունակ Գարիկին տարել-բերել են «Էրեբունի» հիվանդանոց:

Հիմա, հարգելի պարոն Համբարձումյան. նախ եւ առաջ որպես իրավապաշտպանի, Ձեզ առայժմ ուղղում եմ մի քանի հարց.

1.Արդյ՞ոք դուք որեւէ մեկից ստացել եք տեղեկատվություն այն մասին, որ Գարիկ Գրիգորյանին ԱԱԾ աշխատակիցների ուղեկցությամբ օրերս տեղափոխել են Էրեբունի հիվանադանոց, թե՞ ոչ:

2.Արդյո՞ք անձամբ դուք, չէիք կարող Ձեր լուման ունենալ Գնդի Որդու կնոջը տեղեկատվություն հասցնելու գործում, համաձայն որի Գնդի Որդուն օրերս տեսել են, թե ինչպես են ԱԱԾ-ականների ուղեկցությամբ՝ շղթայված տեղափոխում «Էրեբունի» հիվանդանոց:

3.Ազատամարտիկ Գնդի Որդու առեղծվածային անհայտացումից հետո, այդուհանդերձ ունեցել ե՞ք խիստ ուշագրավ եւ կարեւոր տեղեկություններ, որոնք կարող էիք ժամանակին եւ պատշաճ կերպով ներկայացնել իրավապահ մարմիններին:

4.Եւ վերջապես. եթե ունեցել եք նման տեղեկություն որ Գնդի Որդուն տեղափոխել են «Էրեբունի» ԲԿ, ապա համարժեք գործողություններ կատարել ե՞ք, թե՞ ոչ:

Հ. Գ

Հարգելի իրավապաշտպան. գուցե նախաքննության գաղտնիությունից ելնելով, չեք նշում թե ինչ ինֆորմացիայի եք տիրապետում, ուստի Newsmedia.am-ն էլ այս պահին չի հրապարակում եւ հանրայնացնում փաստեր, թե կոնկրետ դուք Ձեր լայվում նշված փաստերից բացի, ինչ ինֆորմացիայի եք տիրապետում:

Հետեւապես հետաքննությունը չշեղելու, եւ չխոնդոտելու նկատառումներից ելնելով, այս ՀՐԱՊԱՐԱԿՈՒՄՈՎ հայտարարում եւ պարտավորվում եմ. քննչական մարմիններին, ԱԱԾ-ին, դատախազությանը տրամադրելու փաստեր, որոնք կապացուցեն որ անձամբ Դուք՝ Ձեր լայվի ժամանակ հնչեցրած ինֆորմացիայից բացի, այլ տեղեկատվության եւս տիրապետում եք:
Այնպես որ, ինչպես կասեր դասականը. Newsmedia.am-ը հարգելի՛ս, նյութ հրապարակելու ձեւն էլ գիտի, պատասխան տալու ձեւը՝ նույնպես:

Հուսով եմ կգնահատեք իմ ՄԱՐԴԱՍԻՐՈՒԹՅՈՒՆԸ եւ ԻՄ ՀԱՐԳԱՆՔԸ ԶԻՆՎՈՐԱԿԱՆ ՀԱԳՈՒՍՏ ԿՐՈՂ ԱՆՁԱՆՑ ՀԱՆԴԵՊ, որ ես իմ իմ ձեռքի տակ առկա ու աղմկահարույց փաստը՝ պատրաստվում եմ ներկայացնել ոչ թե հանրության դատին, այլ իրավապահ մարմիններին:

Ուրեմն այսպես. ես  որպես NewsMedia.am էլ օրաթերթի հիմնադիր տնօրեն, ամենայն պատասխանատվությամբ հայտարարում եմ, որ դուք անձամբ տեղեկություններ եք ունեցել այն մասին, որ Գնդի Որդուն ԱԱԾ աշխատակիցների ուղեկցությամբ՝ շղթայված տեղափոխել են «Էրեբունի» ԲԿ:
Դուք այդ տեղեկատվությունը փոխանցել եք նաեւ մեկ այլ մարդու՝ գուցեեւ կռահելով, որ տվյալ ինֆորմացիան կհասնի նաեւ Գարիկ Գրիգորյանի կնոջը՝ Գայանե Մարզումանյանին:

NewsMedia.am Էլ.օրաթերթր հիմնադիր

Գայանե Զարգարյան