Սորոսի հետ կապ չունեցող, նրան քննադատող, դատապարտող քաղաքական գործչին փորձ է արվել կապել Սորոսի հետ, որն անթույլատրելի է. Հայկ Բաբուխաննն ընդդեմ Սորոսի դատաքննության ուշագրավ մանրամասները շուտով

Երեւան քաղաքի Էրեբունի եւ Նուբարաշեն վարչական շրջանների ընդհանուր իրավասության դատարանում` նախագահությամբ դատավոր Դիանա Հովհաննիսյանի, շարունակվում է ՍԻՄ նախագահ ՀԱՅԿ ԲԱԲՈՒԽԱՆՅԱՆԻ հայցն ընդդեմ` Սորոսի հիմնադրամի տնօրեն Լարիսա Մինասյանի: Հիշեցնենք, որ ՍԻՄ նախագահ Հայկ Բաբուխանյանը իր արժանապատվությունը պաշտպանելու համար հայց է ներկայացրել ընդդեմ Սորոսի հիմնադրամի տնօրեն Լ. Մինասյանի, որն իր ասուլիսի ժամանակ հնչեցրել էր խոսքեր, որոնք, ՍԻՄ նախագահի համար խիստ վիրավորական են եւ զրպարտիչ: Լ. Մինասյանն իր ասուլիսի ժամանակ հայտարարել էր, թե իբր Հ. Բաբուխանյանը սորոսական է` այն դեպքում, որ ՍԻՄ կուսակցության նախագահն իր ամբողջ քաղաքական կենսագրության ընթացքում պայքարել է Սորոսի դեմ եւ հիմա էլ է պայքարում:

Հերթական դատական նիստի ընթացքում հայցվոր կողմի ներկայացուցիչ, մի շարք աղմկահարույց գործերով հայտնի փաստաբան <<Լեւ Գրուպ>> փաստաբանական ընկերության հիմնադիր ղեկավար Լեւոն Բաղդասարյանը պնդելով հայցադիմումը մասնավորապես ասաց.

-Հայցվոր Հայկ Բաբուխանյանը հայտնի մարդ է, հասարակության մեջ հարգված անձ է, քաղաքական գործիչ է, եղել է Գերագույն խորհրդի, ԱԺ մի քանի գումարման պատգամավոր եւ իր քաղաքական գործունեության ընթացքում քննադատության թիրախ է դարձել <<Բաց հասարակություն հիմնադրամը>>, որպես երկրում քայքայիչ գործունեություն իրականացնող մարմին:

Ավելին, մի շարք քաղաքական եւ պետական գործիչներ, այդ թվում իրավապահ մարմինների բարձրաստիճան սպաներ, հրապարակային հայտարարել են, որ <<Սորոսի>> հիմնադրամի գործունեությունը պետության անվտանգության հետ լուրջ աղերս ունի:

Գտնում եմ, որ պատասխանողը հայտնի մամլո ասուլիսի ժամանակ, Հայկ Բաբուխանյանի անունը տալը, որը դիտվեց, որպես  սորոսական, վիրավորում է իմ վստահորդի պատիվն ու արժանապատվությունը: Ավելին, կարծում եմ, որ այն միտումնավոր է արվել, հակառակ պարագայում հերքման տեքստով հանդես կգար, որ Հajk Բաբուխանյանը կապ չունի այդ հիմնադրամի հետ: Ավելին, նախնական դատական նիստում, նաեւ նախագահող դատավորի նախաձեռնությամբ  փորձ արվեց հաշտությամբ գործն ավարտել, որը հայցվոր կողմն ընդունեց, իսկ պատասխանողը՝ ոչ: Ակնհայտ է, որ նման կերպ <<Սորոսի >> հետ կապ չունեցող, նրան քննադատող, դատապարտող քաղաքական գործչին փորձ է արվել կապել <<Սորոսի >> հետ, որն անթույլատրելի է:

Դատական նիստն ամբողջությամբ եւ առանձնին դրվագները տեսանյութով՝ շուտով

Iravunk.com