«Օլիգարխիան արագորեն պետք է կազմաքանդել,իսկ արդարադատությունը պետք է դառնա վստահելի ՝հասարակության բոլոր խավերի համար».ԻՐԱՎԱՊԱՇՏՊԱՆ

«Լուսանցքային ուժերի հետ կռիվ պետք չէ տալ, նրանց լուսանցքից դուրս գալու միակ ձևը` իրենց լեզվով իրենց հետ խոսելն է։ Մենք ժամանակ չունենք այդ անպտուղ գործի համար. մենք գործում ենք Հանունի, այլ ոչ թե Ընդդեմի դաշտում»,-NewsMedia.am-ի հետ զրույցում նման համոզմունք հայտնեց Իրավապաշտպան, ԻՀՄԱ-ի նախագահ Խաչատուր Մարոզյանը, ի պատասխան մեր այն հարցադրմանը, թե ինչպես պետք է դուրս գալ բարոյահոգեբանական ու նաեւ ներքաղաքական այն կոլապսից, որի ճիրաններւոմ այսօր հայտվել ենք բոլորս…

Խաչատուր Մարոզյանի դիտարկմամբ.

-Ժամանակն է հասարակությանը սովորեցնելու ՝ ոչ թե վատից ավելի վատ գործընթացին, այլ դեպի լավը մոտիվացինելու, դրա լոկոմոտիվը դառնալու, հասարակությանը առաջ տանելու, եւ հենց այդ դաշտում մրցակիցներ ունենալու եւ զարգանալու համար:

Հանուն ժողովրդի, Հանուն ազգի, Հանուն պետականության ամրապնդման, Հանուն Ընտանիքի, Հանուն մարդու. սա է մեր գործելակերպը։ Ավելին ասեմ.այստեղ է անփոխարինելի է նաեւ չորրորդ իշխանության դերը:

-Այս համատեքստում, ինչպե՞ս եք պատկերացնում չորրորդ իշխանության դերն ու անելիքները...Կմանրամասնե՞ք…

-Այսօր ցավոք,  լրատվամիջոցների և լրատվական բարիկադավորված կենտրոնների միջև պատերազմում՝ ժողովուրդը չի կարող որևէ լավ բանի վրա կենտրոնանալ և արարել:  Քանի որ,  դրա արդյունքում ոչիչնչ,  եւ ոչ մեկ չի շահում: Ընդհակառակը,  թուլանում ենք՝ թույլ տալով   պառակտել  ու խարխլել   ազգի, ընտանիքի և պետականության հիմքերը։ 

Ինչ խոսք, չպիտի մոռանանք, որ պետականության վերին էշելոններում հայտնված մարդիկ վատ օրինակ են ծառայում, քանի որ այդ պարագայում՝  դրականը ինքնըստինքյան բացակայում է։ Ժողովուրդը մի իմաստուն խոսք ունի. ասում է՝ « ԵԹԵ ԵՐԿՈՒ ՀՈԳԻ ԿՌՎՈՒՄ ԵՆ, ՆՐԱՆՑ ՄԻՋԻ ԽԵԼԱՑԻՆ է ՄԵՂԱՎՈՐ»։ Մեր մոտ բոլորը բոլորի հետ կռվում են, չգիտես ո՞վ է մեղավոր, ո՞վ անմեղ։ Այս վիճակում հասարակությունը հայտնվել է անելանելի վիճակում, և գնում է մոլորության։ Եւ այս իրավիճակում՝ ժողովրդին մեղադրելն էլ  ճիշտ չէ։

Ցավոք սրտի, մեր նման խելացի և արհավիրքի պահին ինքնակազմակերպման բնատուր ընդունակություն ունեցող ժողովուրդը՝ հայտնվել է մոլորյալ և ցրված վիճակում:Եւ դրա հիմնական պատճառը՝ հասարակության դեգրատացիան է:

-Եւ ո՞վ է  դրանում մեղավոր, պարոն Մարոզյան:

-Գիտեք, մեղավոր ենք բոլորս, որ ձեռքներս ծալել նստել ենք՝ սպասելով բախտի քմահաճույքին: Մինչդեռ քաղաքական դաշտի դերակատարները՝ օգտվելով իրենց համար ստեղծված նպաստավոր պայմաններից, ժողովրդին դարձրել են Պարոնյանի ասած. «ԳՅԱԴԵՔ ԱՅՍ ԿՈՂՄ, ԳՅԱԴԵՔ ԱՅՆ ԿՈՂՄ»-ի (հազար ներեղություն) «մատերիալ»-ը։

-Եւ ի՞նչ անել ստեղծված իրավիճակում: Ելքեր տեսնում ե՞ք՝  համատարած քաոսից դուրս գալու համար:

-Ճանապարհը մեկն է ըստ իս. գիտակից և սրտացավ մարտիկ պետք է միավորվեն՝ «Հանուն»-ի գաղափարի շուրջ։ Հանուն Ազգի և պետականության՝ պետք է միավորվեն բոլորը. ովքեր իրենց Հոգում զգում են, որ Հայ են։ Բոլորի համար՝ անկախ նրանից, թե ով որ քաղաքական կամ հասարակական դիրքորոշումն է զբաղեցնում, ընդունելի է . Վերադարձ դեպի ազգային ամուր արմատներ, դեպի արժեհամակարգ, դեպի ընտանիք գաղափար։ Պետք է ստեղծել հասարակական շարժ՝ այս գաղափարի շուրջ, օգտագործել ազգային ներուժն ու, կոնսոլիդացվել Պետականության ամրապնդման գաղափարի շուրջ։
Մենք գիտենք՝ մեր ռեսուրսն ու ներուժը։ Մենք առաջավոր դիրքեր կարող ենք զբաղեցնել գիտության ու տեխնիկայի, մշակույթի, գրականության, արվեստի ոլորտներում, եւ նորից ապացուցել, որ Հայը չի թուլացել…Նա միշտ արթուն է, և ուժեղ։

Երկրի զարգացման և պետության ամրապնդման համար առաջնահերթորեն պետք է զարկ տալ գիտությանը, կրթությանը, քառապատկել այդ ոլորտի ֆինանսավորումը։ Երկրի կառավարման ղեկին պետք է հայտնվեն օրինակելի վարքի տեր մարդիկ, խելացի նվիրյալներ, որոնք կպարտավորվեն աշխատել ամբողջ ներուժով՝ Հանուն ազգի և պետականության, առանց հավելյալ վարձավճարի ակնկալիքի։

-Իսկ օլիգարխիա՞ն…արդյո՞ք կամք կունենա՝ ձեռքերը «հեռու տաքացնելու» վերին էշելոնից:

-Օլիգարխիան արագորեն պետք է կազմաքանդել, եւ անել հնարավորը՝ խթանելու մանր ու միջին ձեռներեցությունը:
Արդարադատությունը պետք է դառնա վստահելի ՝հասարակության բոլոր խավերի համար։ Ընդերքը նույնպես, եւ այն առաջնահերթ պիտի ծառայի ժողովրդին, եւ ժողովուրդն ինքն էլ պիտի որոշի՝  ընդերքի օգտագործման հարցերը։ Պետք է կյանքի կոչվի՝Ազգ - Բանակը հայեցակարգը։

Արտաքին հարաբերություններում նույնպես, պետք է որդեգրել ազգային շահի ճշգրիտ, կշռադատված ու հաշվարկված գործելու սկզբունքը, հավատարմորեն հետևելով այդ սկզբունքին։

Այսպիսով՝ մեր զարգացման ընթացքի գերուղղությունը Հանունն է, այլ ոչ թե Ընդդեմը։ Եթե Հանուն արարման ու ազգի, Հանուն ժողովրդի բարօրության գործենք, արդեն իսկ ի սկզբանե դեմ կլինենք հակազգայինին և հակաբնականին, դրանով իսկ բացառելով վատն ու վատի մոտիվացիան։
Վատից ավելի վատ կամ ՝ «ինչքան վատ այնքան լավ» սկզբունքով գործող, այսպես կոչված՝ Նոր կամ Հին Լուսանցքային ուժերը գտել են կայուն իրենց տեղը լուսանցքում, և նորից նրանց ընդդիմանալու որևէ անհրաժեշտություն չկա։

NewsMedia.am

Լուրեր Հայաստնաից եւ Աշխարհից