Ինչո՞ւ մինչ օրս ոչ ոք չի պատժվել մեր տղաներին դավաճանելու համար. Հերոս Մխիթար Գալեյանի մայրիկը առկա իրողությունների մասին.IRAVUNK.com

<<Իրավունքը>>առիթ ունեցել է անդրադառնալու սեպտեմբերի 27-ին սկսած ադրբեջանական ագրեսիան հետ մղելու ընթացքում հերոսաբար զոհված 20-ամյա Մխիթար Գալեյանի սխրանքի ուղղուն,, ով ընկերոջ հետ կենդանի վահան է դարձել և փրկել մյուս ընկերոջ կյանքը:

Ինչպես է հերոսի մայրը՝ տիկին Աստղիկը, գնահատում հետպատերազմյան Արցախում և ՀՀ-ում տեղի ունեցող իրադարձությունները փորձեցինք հետաքրքրվել անձամբ հերոսածին մայրիկից, ով նկատեց.

-Մեզ համար կյանքը կանգ է առել,մենք էլ լիարժեք չենք վերադառնա կյանք : Հայաստանում իրավիճակը շատ վատ է, հասարակությունը շատ պասիվ է: Ես կցանկանայի, որ միահամուռ ուժերով դուրս քշեինք մեր ներքին թշնամուն: Հարց է առաջնում ինչո՞ւ մինչ օրս ոչ ոք չի պատժվել մեր տղաներին դավաճանելու համար, ինչո՞ւ չկան քրեական գործեր: Այս առումով մեր դժգոհությունները շատ են:

-Գնահատված ե՞ն արդյոք մեր անմահացած ՀԵՐՈՍՆԵՐԻ ծնողներն այսօր։

-Այո, իհարկե, կա մի հատված, որ կարող են վիրավորել քեզ եթե մի ինչ-որ մեկնաբանուն նրանց դուրը չգա: Դրան զուգահեռ ունենք շատ-շատ լավ ընկերներ, որոնք երբեք չեն տեսել մեզ, բայց վերաբերում են հարազատորեն: Այնքան անծանոթ մարդիկ կան, որոնք այս օրերին դարձան հարազատ:

-Տիկին Աստղիկ, Դուք տեղեկացրել էիք, որ հրաժարվել եք Մեր ՀԵՐՈՍԻ մեդալը ստանալուց, կխնդրեինք մի փոքր մանրամասնել։ 

-Մեդալից հրաժարվելը եղել է ընտանիքիս որոշումը: Մենք գտնում ենք, որ մեր տղաներին դավաճանել են այս իշխանությունները: Կառավարության հրաժարականից հետո մենք մեր մեդալը կստանանք արժանապատիվ ղեկավարից:

-Որպես հերոսի մայր, ունե՞ք խոսք, ուղղված մեր սահմաններն այսօր էլ անառիկ պահող տղաներին:

Սիրելի՛ տղաներ, սիրեք ու պահպանեք Մխիթարի, Հայկի, Ալենի, Ալբերտի, Էդգարի, Ռոբերտի, Քյարամի, Ադամի, Արմենակի արյան գնով փոխանցված հայրենիքը: Հիշեք, մեր տղաները չեն պարտվել, պարտվել է իշխանությունը:

ԻԼՈՆԱ ԱԶԱՐՅԱՆ

Iravunk.com