Մեր հայորդու գլխավոր ցանկությունը մեկն է. մեկ օր շուտ ոտքի կանգնել, եւ «ԵՌԱԲԼՈՒՐ» ՊԱՆԹԵՈՆ ԱՅՑԵԼԵԼ. Տղաներն այնտեղ սպասում են

Մեր Հերոսական հայորդին՝Արման Մարտիկի Գալստյանն է:
Արցախյան դաժան գոյամարտում վիրավորվել է նոյմեբերի 3-ին՝ «սնարյադ»-ի պայթյունից: Ռազմի դաշտում, մեր հայորդին՝ Արման Գալստյանը, ծանր վիրավորում է ստացել հատկապես ձեռքի եւ ոտքի շրջանում:

Այս պահին էլ, մեր հայորդու համար բավականին դժվար եւ բարդ փուլ է. նա դեռ պետք է առնվազն 4-5 վիրահատություն հաղթահարի...
Սակայն, այս իրողությունն ու ճակատագրի դառը հարվածը չի խանգարում, մեր հայորդուն՝Արման Մարտիկի Գալստյանին մեծ ծրագրեր ու հույսեր կապել ապագայի հետ՝ հավատով որ Հայը նորից հաղթելու է, ու նորից իր մեջքն ուղղելու է:

Վերհիշելով անողոք պատերազմի ծանր ժամերն ու օրերը, Արմանն անկեղծանում է, որ իրականում հրաշքով է փրկվել. «Այս պատերազմն իրականում սարսափելի էր.թշնամու օդուժի հարվածներին՝ժ դիմակայելը՝գրեթե անհնար… Բայց մենք չենք պարտվել, հայ զինվորը քաջաբար կռվել է, ու մարտնչել անձնուրացաբար: Մինչեւ հիմա, այդ ձայները ականջիս մեջ են. այդ սնարյադների պայթյունները,այդ որոտը, այդ կարկուտը, որ թափվում էր հայ զինվորի գլխին»:

Արմանը, կսկիծը սրտում հիշում է, թե ինչպես մարտի դաշտում ընկան տղաները, ինչպես զոհվեցին, վիրավորվեցին, իսկ շատերն էլ ՝ մինչ այսօր գերության մեջ են, կամ անհայտ կորած …

Մեր Հայորդին՝ 20-ամյա Արմանը, որ այժմ սովորում է ԵՊՀ-ի երկրորդ կուրսում, իրականում մեծ նպատակներ ունի…Նա լիահույս է, որ ՀԱՅՆ ԻՐ ԽՈՍՔԸ՝ԴԵՌ ԱՍԵԼՈՒ Է …ԶԵՆՔՈՎ, ԽԵԼՔՈՎ, ԻՐ ԲԱԶԿԻ ՈՒԺՈՎ... 

Իսկ ներկա պահին, մեր հայորդու գլխավոր ցանկությունը մեկն է. մեկ օր շուտ ոտքի կանգնել, եւ «ԵՌԱԲԼՈՒՐ» ՊԱՆԹԵՈՆ ԱՅՑԵԼԵԼ: Տղաներն այնտեղ սպասում են:

Հ. Գ 

Ուժ, կորով, եւ շուտափույթ ապաքինում ենք մաղթում մեր ՀԵՐՈՍԻՆՙ ՄԵՐ ՀԱՅՈՐԴՈՒՆ ԱՐՄԱՆ ՄԱՐՏԻԿԻ ԳԱԼՍՏՅԱՆԻՆ, ՈՐ ՏԵՍԱԿՈՎ ԼՈՒՅՍ Է,  ՈՒ ԱՐԵՒ:

NewsMedia.am 

Լուրեր Հայաստանից եւ աշխարհից