Արցախը երբեք չի կարող լինել Ադրբեջանի մաս և այն հայատյաց ու ցեղասպան քաղաքականությունը, որը տարիներ շարունակ իրականացնում են Ադրբեջանի և Թուրքիայի ռազմաքաղաքական ղեկավարությունը այդ ամենի վառ ապացույցն են. ԱՀ պատգամավոր

Արցախը երբեք չի կարող լինել Ադրբեջանի մաս և այն հայատյաց ու ցեղասպան քաղաքականությունը, որը տարիներ շարունակ իրականացնում են Ադրբեջանի և Թուրքիայի ռազմաքաղաքական ղեկավարությունը այդ ամենի վառ ապացույցն են. ԱՀ պատգամավոր

<<Իրավունքի>> զրուցակիցն է ԱՀ ԱԺ «Ազատ հայրենիք - ՔՄԴ» խմբակցության ղեկավար, ԱԺ Ֆինանսաբյուջետային և տնտեսական կառավարման հարցերի մշտական հանձնաժողովի նախագահ Արթուր Հարությունյանը

-Պարոն Հարությունյան, որպես իշխող կուսակցության պատգամավոր, ի՞նչպես եք տեսնում Արցախի ապագան, Արցախի հարցի կարգավորման հեռանկարը եւ, որ ամենանակարեևորն է` անվտանգային հարցերը:

-Անկասկած մենք կառուցելու ենք մեր երազանքների Արցախը։ Նախևառաջ մեր բոլոր ջանքերը պետք է շարունակվեն ուղղված լինեն հայ ռազմագերիների անհապաղ հետ վերադարձմանը և ԵԱՀԿ Մինսկի խմբի ձևաչափով բանակցային գործընթացի վերսկսմանը, որի շրջանակներում մենք պետք է գործադրենք մեր բոլոր ջանքերը ներգրավելով համայն հայության ամբողջ ներուժը Արցախի տարածքային ամբողջականության վերականգնմանն ու ազգերի ինքնորոշման սկզբունքի հիման վրա Արցախի վերջնական կարգավիճակի հարցի լուծմանը։ Արցախը երբեք չի կարող լինել Ադրբեջանի մաս և այն հայատյաց ու ցեղասպան քաղաքականությունը, որը տարիներ շարունակ աշխարհի լուռ ու շահանկատ հայացքի տակ իրականացնում էին և շարունակում են իրականացնել Ադրբեջանի և Թուրքիայի ռազմաքաղաքական ղեկավարությունը այդ ամենի վառ ապացույցն են։

Ինչ վերաբերվում է անվտանգության հարցին մեր անվտանգության երաշխավորը եղել և մնում է մեր զինված ուժերը և 2020թ․ նոյեմբերի 9-ի եռակողմ հայտարարությամբ դրան միացած նաև ռուս խաղաղապահ ուժերը որոնց համատեղ ուժերի շնորհիվ կարողանալու ենք ապահովել Արցախի անվտանգությունը։

- Պարոն Հարությունյան, տեղահանված մեր հայրենակիցների խնդիրների լուծման ուղղված այս պահին ի՞նչ աշխատանքներ են իրականացվում:

-Տեղահանված մեր հայրենակիցների համար ամենալուրջ խնդիրը մնում է բնակտարածքներով ապահովման հարցը, որի մասով ԱՀ կառավարության և Հայաստան համահայկական հիմնադրամի կողմից արդեն մեկնարկել է բնակարանաշինության ծրագիրը, որով նախատեսվում է մինչև տարեվերջ կարուցել առնվազն 2000 բնակարան ու բնակելի տուն և շարունակելով այդ ծրագիրը երեք տարվա ընթացքում ամբողջությամբ լուծել այդ խնդիրը։ Այդ աշխատանքներին զուգահեռ նաև իրականացվում է համայնքներում ազատ կամ չբնակեցված բնակֆոնդի գնահատում և հնարավորության դեպքում դրանք վերանորոգվում և տրամադրվում են տեղահանված մեր հայրենակիցներին։

Բացի այդ արդեն իսկ ընդունվել են համապատասխան օրենքներ և կառավարության որոշումներ համաձայն որոնց տեղահանված մեր հայրենակիցները ամբողջությամբ կազատվեն իրենց ունեցած հարկային և վարկային պարտավորություններից, իսկ ապրիլի 19-ին ընդունված կառավարության որոշման համաձայն աջակցություն է տրամադրվելու նաև մեր հայրենակիցների կորցրած անշարժ (բացառությամբ բնակտարածքների) և շարժական բոլոր տեսակի գույքերի մասով։

Գործում են նաև բազմաթիվ այլ ծրագրեր ուղղված տարբեր ոլորտներում փոքր և միջին ձեռնարկատիրությամբ զբաղվելու համար աջակցությունների տրամադրման, աշխատատեղերի ստեղծման, բնակվարձերի և կոմունալ վճարների փոխհատուցման և այլ ուղղություններով։

Զրույցը՝ ԻԼՈՆԱ ԱԶԱՐՅԱՆԻ

Iravunk.com