Պետական համակարգի աշխատակիցներին սպառնացել են հետապնդումներով և աշխատանքից ազատելով. ԱՀ պատգամավորը ահազանգում է Iravunk.com

 

Օրերս համացանցում մեծ աղմուկ բարձրացրեց Մարտունիում՝ Գարեգին Նժդեհի արձանի ապամոնտաժման հարցը։ Ոչ պաշտոնական խողովակներով հետագայում այն հեքվեց։ Սակայն, արդյո ՞ք նմամ խնդրի առաջ կանգնելու վտանգ իրապես գոյություն չունի, այս եւ այլ հարցերի շուրջ զրուցել ենք ԱՀ <<Արդարություն>> խմբակցության պատգամավոր ՄԵՏԱՔՍԵ ՀԱԿՈԲՅԱՆԻՑ, ով անդրադառնալով արձանի ապամոնտաժման վտանիգին առհասարակ նախ նկատեց.

-Իհարկե, վտանգը միշտ առկա է։ Թուրք-ադրբեջանական տանդեմը փորձելու է ամեն կերպ մեր տարածքից ընդհանրապես, իսկ իրենց կողմից բռնազավթված տարածքներում մասնավորապես, ջնջել և վերացնել ամեն ինչ, ինչը որ հայեցի է, հանդիսանում է պատմամշակութային արժեք և բարձրացնում է Արցախի Հանրապետության սուբյեկտայնությունը։ Կկարողանա՞ Արայիկ Հարությունյանը դիմակայել այս մարտահրավերներին, իհարկե ոչ, քանզի պարտության խորհրդանիշ հանդիսացող իշխանության միակ անելիքը օր առաջ հեռանալն է, որպեսզի կարող ուժերը պահպանեն այն ամենը ինչ կա և հետ վերադարձնեն այն ամենը ինչ նրանք դավադրաբար հանձնեցին թշնամուն։

- Տարիներ շարունակ հայաստանյան իշխանությունները ներկայացրել են, որ իրենց կողմից Արցախի Հանրապետության ճանաչումը դա այն վերջին փամփուշտն էր, որ կկրակեին, եթե Ադրբեջանը փորձեր ռազմական ագրեսիայի միջոցով լուծել Ղարաբաղի հարցը։ Ցավոք 2020 թ-ի ողբերգության ընթացքում Նիկոլ Փաշինյանը ոչ միայն ի զորու չեղավ օգտագործել այդ փամփուշտը, այլ օժանդակեց թշնամուն Արցախը բռնազավթել։ Այսօր այս իշխանությունները ոչ միայն ի զորու չեն Արցախի անկախությունը ճանաչել, այլ ի զորու չեն որևէ ազգանպաստ գործողություն կատարել։ Կունենա՞ Հայաստանը հայամետ իշխանություն, կունենա՞ ազգային ռազմավարություն, որը միտված կլինի լուծել հայկական երկու հանրապետություններին նետված մարտահրավերները, այդ ժամ պարզ կլինի հարցի անհրաժեշտությունը։ Արցախի Հանրապետության ճանաչման գործընթացը Հայաստանի Հանրապետության կողմից, դա Լեռնային Ղարաբաղի հիմնախնդրի ամբողջական և վերջնական լուծման համալիր միջոցառումների մի մասնիկն է։ 

-Մայիսի 2-ին տեղի ունեցավ Արդարություն կուսակցության համագումարը։ Իշխանական թևը ուշի ուշով հետևել էր, թե ովքե՞ր են մասնակիցները և իրենց բնորոշ ոճի մեջ, մեր կուսակցության պետական համակարգի աշխատակիցներին սպառնացել են հետապնդումներով և աշխատանքից ազատելով։ Եվ Հայաստանի, և Արցախի իշխանությունները չեն հասկանում, որ նման վարքագիծը էլ ավելի է խորացնում հասարակության մեջ լարվածությունը և ատելությունը իրենց հանդեպ, որը վերջիվերջո վերածվելու է մասսայական ընդվզման։