«Հայկ Բաբուխանյանը լինելով լեգենդար քաղաքական գործիչ, մեր հզոր շարժման ղեկավարը, ՀՀ Ղրիմի ներկայացուցիչ, ինձ համար շատ կարևոր մի մարդ է, որին հանդիպել եմ այս ոլորտում».ՄՀԵՐ ՄԵՍՐՈՊՅԱՆ

Մայիսի 9-ին  «ԱԶԳԻ ՁԱՅՆ» և «Ուժեղ Հայաստան Ռուսաստանի հետ. հանուն նոր միության» գրասենյակի բացմանն իր ողջույնի խոսքով հանդես եկավ ՀՀ վաստակավոր արտիստ, երգիչ, «ԱԶԳԻ ՁԱՅՆ» կուսակցության նախագահ Մհեր Մեսրոպյանն ասելով.

«Այսօր «ԱԶԳԻ ՁԱՅՆ» կուսակցության գրասենյակի բացումն է: Եվ ես ուրախ եմ, որ վերջապես Երևան քաղաքում բացեցինք մեր գրասենյակը: Մենք չենք դրել նպատակ այս մեծ հրապարակը լցնել մարդկանցով, փողով հրավիրել մարդկանց և ասել՝ եկեք տեսեք, թե ինչքան շատ մարդիկ ենք հավաքել այստեղ: Այսօր դա քաղաքականության մեջ ընդունված է: Ես, որպես նոր, սկսնակ քաղաքական գործիչ նկատել եմ այդպիսի երևույթներ, որին դեմ եմ և չեմ ընդունում:  Միացել ենք շատ հզոր շարժման, որը կոչվում է  «Ուժեղ Հայաստան Ռուսաստանի հետ. հանուն նոր միության»:

Անդրադառնալով Հայկ Բաբուխանյանին՝ Մհեր Մեսրոպյանը  հավելեց ասելով.

«Հայկ Բաբուխանյանը լինելով լեգենդար քաղաքական գործիչ, մեր հզոր շարժման ղեկավարը, ՀՀ Ղրիմի ներկայացուցիչ   ինձ համար շատ կարևոր մի մարդ է, որին հանդիպել եմ այս ոլորտում»:

Այնուհետև իր  ողջույնի խոսքով հանդես եկավ  «Սահմանադրական իրավունք միություն» կուսակցության նախագահ, «Ուժեղ Հայաստան Ռուսաստանի հետ. հանուն նոր միության» շարժման համահիմնադիր ՀԱՅԿ ԲԱԲՈՒԽԱՆՅԱՆՆ ասելով.

«Այսօր տոնական օր է, որովհետև մենք հաղթանակ ենք տարել: Հաղթանակ ենք տարել և՛ Հայրենական մեծ պատերազմում, և՛ Ավարայրի ճակատամարտում, և Շուշիում: Ցավոք սրտի գտնվեցին մարդիկ, ովքեր մռայլեցին այս տոնը: Ներկայիս իշխանավորները քայքայեցին, վնասեցին մեր ազգային գործին: Բայց միևնույն է մենք պետք է հպարտանանք նրանով, որ մեր պապերը 1945թվականին Բեռլինում պարում էին Քոչարի: Մենք պետք է հպարտանանք նրանով, որ մեր ցեղասպանություն տեսած ազգը Հայրենականի մեծ պատերազմի ժամանակ իր ներդրումը կատարեց ֆաշիզմի դեմ պայքարում: Մենք պետք է հպարտանանք նրանով, որ 1992թվականին տղերքը ազատագրեցին Շուշին: Եվ ցույց տվեցին, որ թուրքը թույլ է, եթե մենք միասնական ենք»:

մանրամասն՝Iravunk.com-ում: