էդ զոհերն էլ մատի փաթաթան մի սարքեք. կորցրել ենք `հիմա ինչ անենք, հայրենիքի համար ենք կորցրել. Նախկին պատգամավորը նահատակված հերոսների մասին.Iravunk.com

«Իրավունքի» զրուցակիցն է ԱԺ նախկին պատգամավոր, նախկին ՀՀԿ-ական, այսօր Արցախը հանձնած, հինգ հազար եւ ավել զոհեր տված իշխանություններին. «ազնվագույն» համարող ԱՇՈՏ ԱՂԱԲԱԲՅԱՆԸ:

Պարոն Աղաբաբյանից փորձել ենք հետաքրքրվել արդյո«ք նա մոռացել է, որ ինքը եւս նախկին է, իսկ իր «ազնվագույն» իշխանությունները նախկիններին մեղադրում են թալանի եւ կոռուպցիայի մեջ: Նախկին պատգամավորը նախ չցանկացավ մեր հարցերին պատասխանել պատճառաբանելով.

- Ես չեմ ուզում որեւիցէ հարցի պատասխանել, որովհետեւ էն ինչ-որ ասել եմ` ասել եմ արդեն, տարածվածա, դրանից ավել բան չկա:

- Պարոն Աղաբաբյան, իշխանությունները նախկիններին մեղադրում են թալանի, կեղեքման մեջ: Դուք եւս նախկին եք, Դուք...

- Հասկացա, ես նախկին չեմ, ես միշտ առաջին եմ, ես իմ ժողովրդի հետ եմ, ես ոչ մեկի հետ ինձ հանկարծ չկապեք:

- Բայց Դուք ՀՀԿ-ի օրոք եք չէ՞ եղել պատգամավոր:

-ՀՀԿ-ի հիմնադիրներից եմ ես, էս խաժամուժը ով ա ես չեմ իմանում:

- Բայց նախկինում...

- Ի՞նչ ես ուզում աղջիկ ջան:

- Ուզում եմ ասել, օրինակ Ստադիոնը ում օրո՞ք սեփականացրեցիք:

 -Ես չեմ համարվում նախկին Իլոնա ջան, նորից եմ կրկնում: Ստադիոնն էլ սեփականաշնորհել եմ, բայց կարող ա մեքենա է, որ քշեմ տանեմ տուն: Էդ Ստադիոնը իմ ամբողջ երեսուն տարվա կյանքը կերել է, դե թող գան իրենք պահեն:

- Պարոն Աղաբաբյան, Դուք այն անձանցից եք, ով ամենաշատն էր ՀՀԿ-ն դրական լուսի ներքո ներկայացնում, բայց 2018թվականին ամենաեռանդուն ձեւով սկսեցիք քննադատել նույն կուսակցությանը: Այն դեպքում, երբ ՀՀԿ-ի օրոք եք երեք անգամ պատգամավոր եք եղել:

- Աղջիկ ջան, եթե ես մի տեղ տեսնում եմ, որ թալանա գնում, բնականաբար պետք է հրաժարվեմ: Ես ոչ մի բան չեմ գողացել, եթե նման քայլի գնացած լինեի` նոր էին ինձ նստացրել:

- Իսկ, երբ ՀՀԿ-ի ֆրակցիայից էիք` Ձեր ասած թալանը չէի՞ք տեսնում:

- Տեսնում էի, քննադատում էի, բա դրա համար էլ եկան նախկինները ինձ բանկրոտի հասցրեցին: Առանց քննադատության ո՞նց ինձ էսօրը կգցեին, ես իրենց ինչ եմ արել, սխալ բան տեսել եմ` ասել եմ, որ չի կարելի: Ես վերջին հինգ տարին պատգամավորական չեմ էլ գնացել:

-Հրաժարվեիք մանդատից, ի վերջո ո՞ւմ շնորհիվ դարձաք պատգամավոր:

- Իմ շնորհիվ, ինձ ոչ մեկ ոչ օգնելա, ոչ էլ հանկարծ ֆինանսավորելա, որ ես կարանայի ընտրվել: Ես իմ ուժերով, հանդիպումներով ընտրվել եմ երեք անգամ պատգամավոր: Ընդհակառակը, ՀՀԿ-ին 25-30 հազար ձայն եմ բերել:

- Ո՞ւ հիմա քննադատում եք:

- Բա ի"նչ պետք է անեմ:

- Բայց այս իշխանություններին փաստորեն դրական եք վերաբերում` ոնց հասկացա:

- Էս իշխանությունների կատարածը` ոնց որ ծովի մեջ մի կաթիլ ջուր լինի, ազնվագույն մաքրություն ունեն: Բա պտի էս իշխանություններին ձայն տանք, հո հավաքածուներին չենք տալու:

- Բայց այս իշխանություները չէի՞ն, որի օրոք հանձնվեց Արցախը, այդքան զոհեր ունեցանք:

-Էս իշխանությունները Արցախը չի հանձնել, էդ զոհերն էլ մատի փաթաթան մի սարքեք, մի խեղաթյուրեք:

- Փաստորեն հինգ հազար զոհի մասին խոսելը խեղաթյուրել ա՞ նշանակում:

- Պատերազմը զոհեր ա ունենում, երկրորդը, երբ հայրենիքի համար են զոհվում` դա փառք ու պատիվա, ոչ թե լացելու բան, էթան փող առնեն, հետո գան իրենց էրեխի համար ցույց անեն լացեն:

- Դա Ձեզ համար է գուցե այդպես է ընկալվում, Դուք հասկանում եք հինգ հազար եւ ավել հերոս տղաների մասին է խոսքը, այդքան վիրավոր, անհայտ կորած: Թող ժամանակին կանգնեցնեի՞ն:

- Ինչը ժամանակին կանգնեցնեին: Նիկոլը հերոս ա, կանգնեցներ, որ  Շուշին հանձնե՞ր:

- Ի վերջո չհանձնե՞ց:

- Մենք ինչ իմանայինք, որ թուրքերն էլ պիտի գային մտնեինք էդ պատերազմի մեջ, էդ յանիչայները:

- Հոկտեմբերի կեսերին` այդ մասին վաղուց հայտնի էր:

- Աղջիկ ջան, հարցդ տվել ես թող պատասխանեմ:

 -Ավարտեք, կներեք:

- Պատերազմը մենք չենք պարտվել էդ առաջինը, երկրորդ` պատերազմ շատ են տեսել մեր պապերը, բայց երբեք այսքան չեն ողբացել: Որովհետեւ հզոր ա մեր մայրը, ու Եռաբլուր գնալուց ինքը պիտի իրեն հպարտ զգա: Կորցրել ենք ` հիմա ինչ անենք, հայրենիքի համար է կորցրել:

- Բայց խոսքը այդքան մարված ճրագների մասին է:

- Հինգ հազար կլինի, տաս հազար կլինի կապ չունի` դա հայրենիքի պաշտպանության համար է: Հինգ հազար մեզ եք ասում, բա իրենք մենակ մի տաս հազար Կասպից ծովն են լցրել: Մեկին երեք են իրենք պարտվել:

- Փաստորեն դա է Ձեր դիրքորոշումը:

- Այո, ընտրելու եմ իրենց, ոչ թե պատահական մարդու:

մանրամասն՝Iravunk.com-ում:

Զրույցը՝ԻԼՈՆԱ ԱԶԱՐՅԱՆԻ