Որքան արցախցի մեր հայրենակիցներ իրավունք ստացան մասնակցելու հունիսի 20-ին կայանալիք ԱԺ արտահերթ ընտրություններին. ԱՀ պատգամավորի ուշագրավ պարզաբանումը

-Այն հայտարարությունը, որ լրատվականների միջոցով տրվեց հանրությանը, դա ևս վարչապետի ժպ-ի նախընտրական հնարքներից էր, որը և մեծ խառնաշփոթ, և անհարմարություն առաջացրեց արցախցիների մեջ: Բոլորը սկսեցին դիմել ՀՀ ԱԺ արտահերթ ընտրություններին մասնակցելու իրավունք ստանալու համար: Նույն կարգավիճակում գտնվողներից մի մասին թույլ տրվեց, մի մասին` ոչ: Երկար ժամանակ փորձեցինք պաշտոնական պարզաբանում ստանալ, որտեղ օրենքով կարգավորման հղում կլիներ, սակայն` ապարդյուն: Հերթական անգամ փաստվեց, որ ՀՀ-ում ներկայիս իշխանությունների համար գոյություն չունի օրենք, քանզի ըստ իրենց երեք տարիների կառավարման` <<օրենքը հենց իրենք են>>:

Անդրադառնալով Աղդամի ականապատման քարտեզները` թշնամու տրամադրելու եւ դրանց հնարավոր վտանգներին պատգամավորը փաստեց.

-Հայաստանի Հանրապետության վարչապետի ժպ-ն ոչ մի բանի առջև կանգ չի առնում աթոռը պահելու համար, իսկ մնացած բոլոր գործողությունները ածանցվում են դրանից: Ըստ նոյեմբերի 10-ի նրա ստորագրած խայտառակ փաստաթղթի, գերիների վերադարձը պիտի անմիջապես կատարվեր: Սակայն ակնհայտ է, որ Նիկոլ Փաշինյանը այն ևս օգտագործեց իր <<վարկանիշը>> բարձրացնելու համար: Իսկ ինչ վերաբերվում է Ակնայի ականապատման քարտեզի տրամադրմանը թշնամուն, ապա մեկ ուրիշ ղեկավարի դեպքում, միանշանակ կվերադառնային բոլոր գերիները և ոչ միայն: Ներկայումս Արցախը անորոշ վիճակում է և դրա մեջ է ամենամեծ վտանգը և իհարկե քարտեզի տրամադրումը ավելի վստահ գործողությունների կտանի թշնամուն: Իսկ քանի դեռ ներկայիս վարչապետի ժպ-ն Փաշինյանն է,պիտի պատրաստ լինենք նոր վտանգների:

ԻԼՈՆԱ ԱԶԱՐՅԱՆ

Iravunk.com